2 Samuel 9:7 - Li Santil hu

⁷ Laj David quixye re: —Matxucuac xban nak la̱in tinba̱nu usilal a̱cue saꞌ xcꞌabaꞌ laj Jonatán la̱ yucuaꞌ. Tinkꞌaxtesi a̱cue chixjunil li chꞌochꞌ li quicuan re laj Saúl la̱ yucuaꞌchin. Ut la̱at junelic tatcuaꞌak cuochben saꞌ lin me̱x, chan.

Q'eqchi Bible

⁷ Laj David kixye re: “Matxiwak, twaj rusilankil aawu sa' xk'ab'a' laj Jonatán laayuwa'ilq. Tinq'ajsi aawe chixjunil li xch'och' laj Saúl laayuwa'chinilq, ut laa'at junelik sa' inmeex tattzekanq”.

2 Samuel 9:7 ပူးပေါင်းရင်းမြစ်များ

2 Samuel 9:1

Saꞌ jun li cutan li rey David quixye: —¿Ma toj yoꞌyo junak ralal xcꞌajol laj Saúl re tinba̱nu usilal re saꞌ xcꞌabaꞌ laj Jonatán? chan.

1 Reyes 2:7

Abanan ta̱ba̱nu usilal reheb li ralal xcꞌajol laj Barzilai, Galaad xtenamit. Chaqꞌueheb chi cuaꞌac saꞌ la̱ me̱x. Aꞌaneb li xeꞌtenkꞌan cue nak xine̱lelic chiru laj Absalón la̱ cuas.

2 Samuel 9:3

Li rey David quixye re: —¿Ma toj yoꞌyo junak ralal xcꞌajol laj Saúl? La̱in nacuaj tinba̱nu usilal re joꞌ xinye re li Dios tinba̱nu, chan. Laj Siba quixye re: —Toj yoꞌyo jun li ralal laj Jonatán. Aꞌan incꞌaꞌ nabe̱c, chan.

2 Samuel 19:28

Chixjunileb lix comon lin yucuaꞌ xcꞌulubeb raj nak catakla xcamsinquileb chixjunileb, at rey. Abanan la̱at xina̱qꞌue chi cuaꞌac a̱cuochben. Ma̱cuaꞌ incꞌulub nak tintzꞌa̱ma usilal cha̱cuu, at rey, chan.

San Lucas 22:30

La̱ex texcuaꞌak ut tex-ucꞌak saꞌ lin me̱x nak cua̱nkin saꞌ lin cuanquil. Ut la̱ex texcꞌojla̱k saꞌ le̱ cꞌojariba̱l ut texrakok a̱tin saꞌ xbe̱neb li cablaju xte̱paleb laj Israel, chan li Jesús.

Salmos 41:9

Li tzꞌakal cuami̱g xinixtzꞌekta̱na ajcuiꞌ, li tzꞌakal cuami̱g li cꞌojcꞌo raj inchꞌo̱l riqꞌuin. Xinixtzꞌekta̱na li cuami̱g li quicuaꞌac cuochben.

2 Reyes 25:29

Laj Joaquín quirisi li rakꞌ li pre̱x chirix. Ut quicuaꞌac saꞌ lix me̱x li rey joꞌ najtil chic quicuan chi yoꞌyo.

Apocalipsis 3:20

Chanchan nak cuanquin chire li oqueba̱l nak yo̱quin che̱bokbal. Li ani ta̱abi̱nk re li cua̱tin ut tinixpa̱b, la̱in tincua̱nk riqꞌuin ut tocua̱nk chi sum a̱tin.

2 Samuel 12:8

Xinqꞌue a̱cuanquil joꞌ nak quinqꞌue xcuanquil aꞌan. Ut xinkꞌaxtesiheb a̱cue chixjunileb li ixk li queꞌcuan riqꞌuin laj Saúl. Ut xinqꞌue a̱cuanquil saꞌ xbe̱neb li ralal xcꞌajol laj Israel ut saꞌ xbe̱neb ajcuiꞌ li ralal xcꞌajol laj Judá. Toj raj xinqꞌue xtzꞌakob a̱cue cui ta xaye cue nak incꞌaꞌ tzꞌakal li xinqꞌue a̱cue.

1 Samuel 12:24

Qꞌuehomak e̱chꞌo̱l chi cꞌanjelac chiru li Ka̱cuaꞌ ut chexucua ru. Cheqꞌuehak retal li sachba chꞌo̱lej ut li xni̱nkal usilal quixba̱nu e̱re.

Génesis 43:23

Li mo̱s quixye reheb: —Ocankex ut mexcꞌoxlac chic chirix aꞌan. La̱in quincꞌuluc re xtzꞌak li trigo che̱ru. Le̱ Dios li naxlokꞌoni le̱ yucuaꞌ, aꞌan xqꞌuehoc re jun le̱ ra̱bal li xetau saꞌ le̱ coxtal, chan li mo̱s. Tojoꞌnak quixcꞌam chak laj Simeón riqꞌuineb.

San Mateo 6:11

Chaqꞌue taxak ke li kacua kucꞌa chi cuulaj cuulaj.

2 Samuel 19:33

Li rey David quixye re laj Barzilai: —Yoꞌo chicuix Jerusalén ut la̱in tinchꞌolani̱nk a̱cue, chan.

2 Samuel 9:11

Quichakꞌoc laj Siba ut quixye: —At rey, la̱in tinba̱nu chixjunil li xaye. La̱in aj cꞌanjel cha̱cuu, chan. Ut laj Mefi-boset junelic quicuaꞌac saꞌ lix me̱x li rey joꞌ jun reheb li ralal laj David.

Génesis 43:18

Nak eb aꞌan queꞌrabi nak teꞌocsi̱k saꞌ rochoch laj José, cꞌajoꞌ nak queꞌxucuac. Queꞌxye chi ribileb rib: —Joꞌcan nak xocꞌameꞌ chak arin anakcuan xban nak xkatau li tumin saꞌ li kacoxtal. Anakcuan aꞌan tixye nak la̱o aj e̱lkꞌ. Riqꞌuin aꞌan ma̱re tixmakꞌ chiku li kabu̱r ut la̱o tocana̱k chokꞌ rahobtesinbil mo̱s, chanqueb.

2 Samuel 9:10

La̱at ut eb la̱ cualal, joꞌ eb ajcuiꞌ li nequeꞌcꞌanjelac cha̱cuu teꞌxcꞌanjela ru lix chꞌochꞌ laj Saúl ut te̱qꞌue li ru li racui̱mk reheb li ralal xcꞌajol. Abanan laj Mefi-boset, li ri laj Saúl, ta̱cuaꞌak saꞌ lin me̱x cuochben.— Laj Siba cuanqueb oꞌlaju li ralal ut junmay lix mo̱s.

2 Samuel 9:13

Laj Mefi-boset incꞌaꞌ nequeꞌbe̱c chixcabichaleb li rok. Aꞌan quicuan Jerusalén ut junelic quicuaꞌac saꞌ lix me̱x li rey David.

Jeremías 52:33

Laj Joaquín quirisi li rakꞌ pre̱x li cuan chirix. Ut quicuaꞌac saꞌ lix me̱x li rey joꞌ najtil chic quicuan chi yoꞌyo.

Zacarías 7:9

—Aꞌan aꞌin li ninye e̱re la̱in: Ti̱cak e̱chꞌo̱l ut chexcua̱nk saꞌ xya̱lal. Cha̱bilakex chi ribil e̱rib ut chex-uxta̱na̱nk u.

1 Samuel 20:15

Chaba̱nuhak usilal reheb li cuechꞌalal chi junelic. Ut nak li Ka̱cuaꞌ acak xsach ruheb chixjunileb li xicꞌ nequeꞌiloc a̱cue, incꞌaꞌ taxak chisachk lin cꞌabaꞌ chi junaj cua, chan laj Jonatán.

1 Samuel 22:23

Cana̱kat arin cuiqꞌuin. Matxucuac. Li ani ta̱ajok re a̱camsinquil la̱at ta̱raj ajcuiꞌ incamsinquil la̱in. La̱at ma̱cꞌaꞌ ta̱cꞌul cui cua̱nkat cuiqꞌuin, chan.

2 Samuel 19:29

Li rey quixye re: —¿Cꞌaꞌru aj e nak toj yo̱co chi a̱tinac chirix aꞌan? Ac xinye nak te̱jach li chꞌochꞌ che̱rix a̱cuochben laj Siba, chan.

2 Samuel 21:7

Li rey David quiril xtokꞌoba̱l ru laj Mefi-boset li ralal laj Jonatán li ralal laj Saúl xban li juramento li queꞌxba̱nu laj David ut laj Jonatán saꞌ xcꞌabaꞌ li Dios.