2 Samuel 9:3 - Li Santil hu

³ Li rey David quixye re: —¿Ma toj yoꞌyo junak ralal xcꞌajol laj Saúl? La̱in nacuaj tinba̱nu usilal re joꞌ xinye re li Dios tinba̱nu, chan. Laj Siba quixye re: —Toj yoꞌyo jun li ralal laj Jonatán. Aꞌan incꞌaꞌ nabe̱c, chan.

Q'eqchi Bible

³ Toja' naq li awab'ej kixye: “Ma toj yo'yo junaq ralal xk'ajol laj Saúl? Twaj ruxtaanankil ru chi yo'oon”. Kichaq'ok laj Sibá: “Toj yo'yo jun ralal laj Jonatán, sik roq”, chan.

2 Samuel 9:3 ပူးပေါင်းရင်းမြစ်များ

2 Samuel 4:4

Quicuan jun li ralal laj Jonatán, li ralal laj Saúl. Aꞌan laj Mefi-boset xcꞌabaꞌ. O̱b chihab cuan re nak eb li cuanqueb Jezreel queꞌxtakla resil nak queꞌcamsi̱c laj Jonatán ut laj Saúl. Li ixk li na-iloc re laj Mefi-boset quixkꞌalu ut quie̱lelic. Abanan xban nak yo̱ chixse̱banquil rib, quitꞌaneꞌ li chꞌina al saꞌ rukꞌ ut quicana chi incꞌaꞌ chic nabe̱c.

San Lucas 6:36

Chex-uxta̱na̱nk biꞌ u xban nak le̱ yucuaꞌ cuan saꞌ choxa na-uxta̱nan u.

Deuteronomio 10:15

Li Ka̱cuaꞌ Dios quixsicꞌ ruheb le̱ xeꞌto̱nil yucuaꞌ ut quixraheb. Ut quixsicꞌ ajcuiꞌ e̱ru la̱ex xban nak la̱ex li ralal xcꞌajoleb aꞌan. La̱ex li quixsicꞌ e̱ru saꞌ xya̱nkeb chixjunileb li tenamit, joꞌ yo̱quex chirilbal anakcuan.

2 Samuel 19:26

Laj Mefi-boset quixye re: —At rey, la̱at nacanau nak incꞌaꞌ ninbe̱c. La̱in quinye re lin mo̱s nak tixyi̱b rix lin bu̱r re nak tinxic cha̱cuix. Abanan lin mo̱s xinixbalakꞌi.

Deuteronomio 4:37

Cꞌajoꞌ nak quixraheb le̱ xeꞌto̱nil yucuaꞌ. Joꞌcan nak quixsiqꞌueb ru li ralal xcꞌajoleb chokꞌ xtenamit. Aꞌan qui-isin chak e̱re Egipto riqꞌuin xnimal xcuanquil.

2 Samuel 9:7

Laj David quixye re: —Matxucuac xban nak la̱in tinba̱nu usilal a̱cue saꞌ xcꞌabaꞌ laj Jonatán la̱ yucuaꞌ. Tinkꞌaxtesi a̱cue chixjunil li chꞌochꞌ li quicuan re laj Saúl la̱ yucuaꞌchin. Ut la̱at junelic tatcuaꞌak cuochben saꞌ lin me̱x, chan.

2 Samuel 9:13

Laj Mefi-boset incꞌaꞌ nequeꞌbe̱c chixcabichaleb li rok. Aꞌan quicuan Jerusalén ut junelic quicuaꞌac saꞌ lix me̱x li rey David.

2 Samuel 19:27

Lin mo̱s xyoꞌob ticꞌtiꞌ chicuix cha̱cuu, at rey. Abanan, la̱at chanchanat lix ángel li Dios. La̱at ta̱ba̱nu li cꞌaꞌru nacanau nak us xba̱nunquil.