2 Samuel 9:1 - Li Santil hu

¹ Saꞌ jun li cutan li rey David quixye: —¿Ma toj yoꞌyo junak ralal xcꞌajol laj Saúl re tinba̱nu usilal re saꞌ xcꞌabaꞌ laj Jonatán? chan.

Q'eqchi Bible

¹ Sa' jun kutan laj David kixpatz': “Ma toj yo'yo junaq ralal xk'ajol laj Saúl? Twaj rusilankil ru sa' xk'ab'a' laj Jonatán”, chan.

2 Samuel 9:1 ပူးပေါင်းရင်းမြစ်များ

1 Samuel 20:42

Laj Jonatán quixye re laj David: —Ayu chi ma̱cꞌaꞌ a̱cꞌaꞌux. La̱o ac xkaba̱nu li juramento saꞌ xcꞌabaꞌ li Ka̱cuaꞌ. Aꞌan ta̱tenkꞌa̱nk ke re nak incꞌaꞌ takakꞌet li ka̱tin, la̱o joꞌqueb ajcuiꞌ li kalal kacꞌajol, chan. Ut laj David co̱ ut laj Jonatán quisukꞌi saꞌ li tenamit.

San Mateo 25:40

Ut la̱in tinchakꞌok ut tinye reheb: “Relic chi ya̱l tinye e̱re, cui queba̱nu aꞌin re junak li nequeꞌpa̱ban cue, usta cubenak xcuanquil, cue ajcuiꞌ la̱in queba̱nu chak.”

1 Pedro 3:8

Ut tinye ajcuiꞌ e̱re, chexcua̱nk che̱junilex chi junajak le̱ chꞌo̱l ut chi junajak le̱ cꞌaꞌux. Cherahak e̱rib che̱ribil e̱rib. Chetokꞌoba e̱ru che̱ribil e̱rib ut kꞌunak le̱ chꞌo̱l.

San Marcos 9:41

Li ani ta̱qꞌuehok jun secꞌak haꞌ e̱re saꞌ incꞌabaꞌ la̱in xban nak la̱ex cualal incꞌajol, relic chi ya̱l tinye e̱re nak tixcꞌul lix kꞌajca̱munquil.—

1 Reyes 2:7

Abanan ta̱ba̱nu usilal reheb li ralal xcꞌajol laj Barzilai, Galaad xtenamit. Chaqꞌueheb chi cuaꞌac saꞌ la̱ me̱x. Aꞌaneb li xeꞌtenkꞌan cue nak xine̱lelic chiru laj Absalón la̱ cuas.

2 Samuel 1:26

At Jonatán, la̱at chanchanat li cuas. Cꞌajoꞌ xrahil inchꞌo̱l xban nak kꞌaxal raro̱cat inban. Kꞌaxal lokꞌ chokꞌ cue nak xina̱ra. Kꞌaxal lokꞌ nak xinraheꞌ a̱ban chiru nak xinraheꞌ xbaneb li ixk.

Proverbios 27:10

Ma̱tzꞌekta̱naheb la̱ cuami̱g chi moco ta̱tzꞌekta̱naheb li rami̱g la̱ yucuaꞌ. Chi moco tatxic saꞌ rochoch la̱ cuas chixyebal li chꞌaꞌajquilal li cuancat cuiꞌ. Kꞌaxal us nak tatxtenkꞌa la̱ cuechcabal li nachꞌ cuan chiru nak tatxtenkꞌa la̱ cuas li najt cuan.

San Mateo 10:42

Li ani tixqꞌue jun secꞌak rucꞌa junak reheb lin tzolom usta cubenak xcuanquil, cui tixqꞌue li rucꞌa xban nak aꞌan intzolom, relic chi ya̱l ninye e̱re nak li jun aꞌan tixcꞌul lix kꞌajca̱munquil.

2 Samuel 9:7

Laj David quixye re: —Matxucuac xban nak la̱in tinba̱nu usilal a̱cue saꞌ xcꞌabaꞌ laj Jonatán la̱ yucuaꞌ. Tinkꞌaxtesi a̱cue chixjunil li chꞌochꞌ li quicuan re laj Saúl la̱ yucuaꞌchin. Ut la̱at junelic tatcuaꞌak cuochben saꞌ lin me̱x, chan.

2 Samuel 21:7

Li rey David quiril xtokꞌoba̱l ru laj Mefi-boset li ralal laj Jonatán li ralal laj Saúl xban li juramento li queꞌxba̱nu laj David ut laj Jonatán saꞌ xcꞌabaꞌ li Dios.