2 Samuel 8:6 - Li Santil hu

⁶ Chirix aꞌan laj David quixyi̱b xnaꞌajeb li soldados re teꞌcꞌacꞌale̱nk saꞌ li tenamit Damasco. Ut eb laj Siria queꞌcana rubel xcuanquil ut queꞌxtoj rix lix naꞌajeb. Yalak bar co̱ chi pletic laj David, li Ka̱cuaꞌ quitenkꞌan re, re nak us qui-el.

Q'eqchi Bible

⁶ Moqon chik laj David kixxaqab'eb' aj k'aak'alenel aran Aram sa' xteepal Damaask, ut eb' laj Aram ke'kanaak rub'el xwankil laj David chi k'ehok toj. Yalaq b'ar naxik laj David, li Qaawa' natenq'ank re chi q'axok u.

2 Samuel 8:6 ပူးပေါင်းရင်းမြစ်များ

2 Samuel 8:14

Li rey David quixyi̱b lix naꞌajeb lix soldados saꞌ chixjunil li naꞌajej Edom. Ut eb li cuanqueb aran queꞌcana rubel xcuanquil laj David. Li Ka̱cuaꞌ quitenkꞌan re laj David chi numta̱c saꞌ xbe̱neb chixjunileb li quicuulac cuiꞌ chi pletic.

Salmos 140:7

At Ka̱cuaꞌ, at inDios, la̱at cau a̱cuib ut la̱at laj Colol cue. La̱at xatcoloc cue nak cuanquin saꞌ li ple̱t.

2 Crónicas 17:2

Quixqꞌueheb lix soldados saꞌ eb li tenamit li cuanqueb cuiꞌ li cab li nequeꞌxcol cuiꞌ ribeb ut quixqꞌueheb ajcuiꞌ li soldado saꞌ chixjunileb li tenamit aran Judá ut saꞌ eb li tenamit li cuanqueb cuiꞌ li ralal xcꞌajol laj Efraín li quire̱chani laj Asa lix yucuaꞌ.

2 Samuel 7:9

La̱in xintenkꞌan a̱cue saꞌ chixjunil li naꞌajej xatcuulac cuiꞌ ut xinkꞌaxtesi saꞌ a̱cuukꞌ chixjunileb li xicꞌ nequeꞌiloc a̱cue. Xinqꞌue a̱cuanquil joꞌ lix cuanquileb li xni̱nkal ru cui̱nk li cuanqueb saꞌ ruchichꞌochꞌ.

Proverbios 21:31

Eb li cui̱nk nequeꞌxcauresiheb lix cacua̱y re nak teꞌxic chi pletic. Abanan, aꞌ li Ka̱cuaꞌ, aꞌan li naqꞌuehoc reheb chi numta̱c saꞌ xbe̱neb li tenamit.

1 Crónicas 18:13

Li rey David quixyi̱b lix naꞌajeb lix soldado saꞌ chixjunileb li naꞌajej Edom. Ut eb li cuanqueb aran queꞌcana rubel xcuanquil laj David. Li Ka̱cuaꞌ quitenkꞌan re laj David chi numta̱c saꞌ xbe̱neb li quicuulac cuiꞌ chi pletic.

2 Samuel 23:14

Saꞌ li cutan aꞌan laj David cuan saꞌ li naꞌajej li nequeꞌxcol cuiꞌ ribeb. Ut cuan jun xnaꞌajeb li soldados aj filisteo aran Belén.

2 Samuel 8:2

Chirix chic aꞌan laj David quinumta saꞌ xbe̱neb laj Moab. Quixtusubeb chi yocyo saꞌ chꞌochꞌ ut quixbiseb riqꞌuin cꞌa̱m. Li caꞌcab tusul quixcamsiheb ut li cuanqueb saꞌ li rox tusul incꞌaꞌ quixcamsiheb. Eb li incꞌaꞌ queꞌcamsi̱c queꞌcana rubel xcuanquil laj David ut queꞌxtoj rix lix naꞌajeb.

2 Samuel 3:18

Anakcuan naru te̱xakab chokꞌ e̱rey xban nak li Ka̱cuaꞌ quixye re laj David chi joꞌcaꞌin, “La̱in tatintenkꞌa chixcolbaleb lin tenamit Israel chiruheb laj filisteo ut chiruheb ajcuiꞌ chixjunileb li xicꞌ nequeꞌiloc reheb,” chan.

1 Samuel 14:15

Chixjunileb laj filisteo li cuanqueb saꞌ lix muheba̱leb queꞌxucuac joꞌ eb ajcuiꞌ li soldados li yo̱queb chi cꞌacꞌale̱nc. Ut queꞌxucuac ajcuiꞌ li nequeꞌxic chi elkꞌac. Nequeꞌsicsot xban xxiuheb. Qui-ecꞌan li chꞌochꞌ ut li Dios quixsach xnaꞌlebeb.

1 Samuel 14:6

Laj Jonatán quixye re li natenkꞌan re: —Numeko jun pacꞌal bar cuanqueb cuiꞌ laj filisteo li incꞌaꞌ nequeꞌxpa̱b li Dios. Ma̱re chan nak li Ka̱cuaꞌ toxtenkꞌa xban nak chiru aꞌan ma̱cꞌaꞌ chꞌaꞌaj. Li Dios toxtenkꞌa chi numta̱c saꞌ xbe̱neb, usta nabalo, usta cuibo ajcuiꞌ, chan.

1 Samuel 14:1

Saꞌ jun li cutan laj Jonatán quixye re lix mo̱s li nacꞌamoc re lix chꞌi̱chꞌ li napletic cuiꞌ: —Yoꞌo. Numeko jun pacꞌal li nimaꞌ re topletik riqꞌuineb lix solda̱deb aj filisteo li yo̱queb chi cꞌacꞌale̱nc saꞌ li naꞌajej aꞌan, chan. Ut laj Jonatán incꞌaꞌ quixye re laj Saúl lix yucuaꞌ nak ta̱xic.

1 Samuel 13:3

Laj Jonatán quixcamsiheb jun chꞌu̱tal chi xsoldado laj filisteo aran Gabaa. Ut eb laj filisteo queꞌrabi resil. Tojoꞌnak laj Saúl quixtakla xya̱basinquil li trompeta saꞌ chixjunil li tenamit re nak chixjunileb teꞌxnau cꞌaꞌru quicꞌulman.

2 Samuel 8:7

Laj David quixxoc li chꞌi̱chꞌ oro li nequeꞌxcol cuiꞌ re xchꞌo̱leb li queꞌtaklan saꞌ xbe̱neb lix soldados laj Hadad-ezer ut quixcꞌameb Jerusalén.

2 Samuel 10:19

Eb li rey li cuanqueb rubel xcuanquil laj Hadad-ezer queꞌril nak eb laj Israel queꞌnumta saꞌ xbe̱neb. Joꞌcan nak queꞌxqꞌue ribeb rubel xcuanquileb laj Israel. Ut queꞌxcꞌam cuiꞌchic ribeb saꞌ usilal riqꞌuineb. Ut eb laj Siria incꞌaꞌ chic queꞌraj xtenkꞌanquileb li ralal xcꞌajol laj Amón xban nak queꞌxucuac.

1 Reyes 4:21

Laj Salomón cuan xcuanquil saꞌ chixjunil li naꞌajej li naticla cuan cuiꞌ li nimaꞌ Éufrates ut nacuulac toj cuanqueb cuiꞌ laj filisteo ut nacuulac toj saꞌ li nuba̱l re li tenamit Egipto. Eb aꞌan cuanqueb rubel xcuanquil li rey Salomón ut nequeꞌxtoj chiru li rey li joꞌ qꞌuial tento xtojbal joꞌ najtil yoꞌyo.

2 Samuel 5:10

Us yo̱ chi e̱lc chiru laj David li cꞌaꞌru naxba̱nu ut yo̱ chi nima̱nc xcuanquil xban nak li nimajcual Dios cuan riqꞌuin ut aꞌan yo̱ chi tenkꞌa̱nc re.

2 Reyes 1:1

Nak ac camenak chic li rey Acab, eb laj Moab queꞌpoꞌ saꞌ xbe̱neb laj Israel.

2 Reyes 3:4

Laj Mesa, lix reyeb laj Moab, aꞌan aj qꞌuiresihom carner. Ut rajlal chihab tento nak naxqꞌue jun ciento mil (100,000) chi carner toj sa̱j re lix reyeb laj Israel. Ut naxqꞌue ajcuiꞌ jun ciento mil li carner li ma̱jiꞌ besbileb rix.

2 Reyes 14:28

Chixjunil li quixba̱nu laj Jeroboam, ut li pletic li quixba̱nu xban xcacuilal xchꞌo̱l tzꞌi̱banbil retalil saꞌ li hu Crónicas li tzꞌi̱banbil cuiꞌ retalil li quilajeꞌxba̱nu lix reyeb laj Israel. Ut tzꞌi̱banbil ajcuiꞌ retalil chanru nak quire̱chani cuiꞌchic chokꞌ reheb laj Israel eb li tenamit Damasco ut Hamat li queꞌcuan rubel xcuanquileb laj Judá.

2 Reyes 18:7

Li Ka̱cuaꞌ cuan riqꞌuin ut quirosobtesi. Ut us qui-el chixjunil li quixba̱nu. Laj Ezequías incꞌaꞌ quixqꞌue rib rubel xcuanquil lix reyeb laj Asiria chi moco quixba̱nu li cꞌaꞌru quixye.

Salmos 60:10

Choa̱tenkꞌa, at Ka̱cuaꞌ, usta xoa̱canab kajunes junxil. Toa̱tenkꞌa saꞌ li ple̱t, at inDios.