2 Samuel 8:4 - Li Santil hu

⁴ Laj David quixchapeb jun mil riqꞌuin cuukub ciento lix solda̱deb li nequeꞌxic chirix cacua̱y. Ut quixchapeb ajcuiꞌ junmay mil chi cui̱nk li nequeꞌxic chi rokeb. Quixtok li rokeb chixjunileb lix cacua̱yeb. Abanan incꞌaꞌ quixtok rokeb li cacua̱y li joꞌ qꞌuial li teꞌcꞌanjelak re xquelonquil li jun ciento chi carruaje.

Q'eqchi Bible

⁴ Laj David kixchapeb' o'k'aal ro' o'q'ob' (1,700) chi winq li wankeb' chirix kawaay ut junmay mileb' (20,000) li yal chi roqeb' neke'xik. Kixtoq roqeb' chixjunileb' li kawaay neke'kelonk re li b'eleb'aal ch'iich'. Ka'ajwi' li jo'k'ihaleb' te'k'anjelaq re xkelonkil o'k'aal (100) chi b'eleb'aal ch'iich' ink'a' kixtoq roqeb'.

2 Samuel 8:4 ပူးပေါင်းရင်းမြစ်များ

Josué 11:9

Laj Josué quixba̱nu joꞌ quiyeheꞌ re xban li Ka̱cuaꞌ. Quixtok rokeb lix cacua̱yeb ut quixcꞌateb lix carruaje.

Josué 11:6

Li Ka̱cuaꞌ Dios quixye re laj Josué: —Matxucuac chiruheb li cuanqueb Canaán xban nak cuulaj ajcuiꞌ joꞌcaꞌin ho̱nal acak xeꞌcam chixjunileb xban nak la̱in tinkꞌaxtesiheb saꞌ e̱rukꞌ la̱ex aj Israel. Te̱tok rokeb lix cacua̱yeb ut te̱cꞌateb lix carruaje, chan li Dios.

Salmos 20:7

Cuanqueb li cauheb xchꞌo̱l riqꞌuin lix carruajeb re pletic ut cuanqueb ajcuiꞌ li cauheb xchꞌo̱l riqꞌuin lix cacua̱yeb. Abanan la̱o cau kachꞌo̱l riqꞌuin li Ka̱cuaꞌ li kaDios.

1 Crónicas 18:4

Laj David quixchapeb jun mil li carruaje ut quixchapeb ajcuiꞌ cuukub mil (7,000) lix solda̱deb li nequeꞌxic chirix cacua̱y. Ut quixchapeb ajcuiꞌ junmay mil (20,000) li soldado li nequeꞌxic chi rokeb. Quixtok li rokeb chixjunileb lix cacua̱yeb. Abanan incꞌaꞌ quixtok rokeb li cacua̱y li joꞌ qꞌuial li teꞌcꞌanjelak re xquelonquil li jun ciento chi carruaje.

1 Reyes 10:26

Laj Salomón quixchꞌutubeb lix carruajes ut eb lix soldados li nequeꞌxic chirix cacua̱y. Cuanqueb jun mil riqꞌuin ca̱hib ciento (1,400) lix carruajes ut cablaju mil (12,000) li cui̱nk li nequeꞌxic chirix cacua̱y. Cuan li quixcꞌameb saꞌ li tenamit li quixyi̱b re xxocbaleb lix carruaje ut cuan queꞌcana Jerusalén cuan cuiꞌ li rey.

Deuteronomio 17:16

Li rey li te̱xakab incꞌaꞌ naru nak cua̱nk nabalak xcacua̱y. Chi moco ta̱ru̱k tixtaklaheb li tenamit chixsicꞌbal xtzꞌakob lix cacua̱y saꞌ li tenamit Egipto xban nak li Ka̱cuaꞌ quixye nak incꞌaꞌ chic naru texsukꞌi̱k saꞌ li naꞌajej aꞌan.

Génesis 49:6

Mixjunaji taxak rib li cua̱m riqꞌuin li camsi̱nc li queba̱nu chak la̱ex nak numtajenak e̱joskꞌil. Joꞌcan nak xecamsiheb li cui̱nk ut quilajeꞌxyoqꞌui ajcuiꞌ li richꞌ mul li rokeb li bo̱yx re nak incꞌaꞌ chic teꞌxcuy be̱c.