2 Samuel 8:3 - Li Santil hu

³ Laj Hadad-ezer, li ralal laj Rehob, aꞌan lix reyeb laj Soba. Nak yo̱ raj chi xic laj Hadad-ezer chire̱chaninquil cuiꞌchic li naꞌajej chire li nimaꞌ Éufrates, laj David quinumta saꞌ xbe̱neb.

Q'eqchi Bible

³ Laj David kixq'ax ajwi' ru laj Hadadéser, ralal laj Rejob, awab'ej re Sobá, naq a'in ok raj re chi xxaqab'ankil xwankil sa' xb'een li na'ajej wank junqre li nima' Éwfrates.

2 Samuel 8:3 ပူးပေါင်းရင်းမြစ်များ

1 Samuel 14:47

Nak ac x-oc laj Saúl chokꞌ xreyeb laj Israel, quipletic riqꞌuineb chixjunileb li xicꞌ nequeꞌiloc reheb. Quipletic riqꞌuineb laj Moab, ut eb laj Amón, ut eb laj Edom. Ut quipletic ajcuiꞌ riqꞌuineb lix reyeb laj Soba, joꞌ eb ajcuiꞌ laj filisteo. Saꞌ chixjunil li tenamit li queꞌpletic cuiꞌ, eb laj Israel queꞌnumta saꞌ xbe̱neb li xicꞌ nequeꞌiloc reheb.

2 Samuel 10:19

Eb li rey li cuanqueb rubel xcuanquil laj Hadad-ezer queꞌril nak eb laj Israel queꞌnumta saꞌ xbe̱neb. Joꞌcan nak queꞌxqꞌue ribeb rubel xcuanquileb laj Israel. Ut queꞌxcꞌam cuiꞌchic ribeb saꞌ usilal riqꞌuineb. Ut eb laj Siria incꞌaꞌ chic queꞌraj xtenkꞌanquileb li ralal xcꞌajol laj Amón xban nak queꞌxucuac.

2 Samuel 10:16

Li rey Hadad-ezer quixbokeb li soldados aj Siria li cuanqueb jun pacꞌal li nimaꞌ Éufrates. Queꞌco̱eb saꞌ li naꞌajej Helam. Laj Sobac, li nataklan saꞌ xbe̱neb lix soldados laj Hadad-ezer, aꞌan li yo̱ chi cꞌamoc xbeheb.

1 Crónicas 18:3

Ut quinumta ajcuiꞌ laj David saꞌ xbe̱neb laj Hadad-ezer, lix reyeb laj Soba aran Hamat nak yo̱ raj chi xic chixxakabanquil lix cuanquil saꞌ li naꞌajej li cuan chire li nimaꞌ Éufrates.

2 Samuel 10:6

Eb li ralal xcꞌajol laj Amón queꞌxqꞌue retal nak xicꞌ chic teꞌilekꞌ xban laj David. Joꞌcan nak queꞌxtoj junmay mil chi soldados re Siria li queꞌcuan saꞌ li cuib chi tenamit Bet-rehob ut Soba. Queꞌxtoj ajcuiꞌ lix reyeb laj Maaca rochben jun mil chi soldados. Joꞌcan ajcuiꞌ cablaju mil chi soldados re Is-tob.

Salmos 72:8

Chicua̱nk ta xcuanquil saꞌ chixjunil li ruchichꞌochꞌ. Naticla cuan cuiꞌ li Caki Palau toj saꞌ li Mar Mediterráneo ut saꞌ li nimaꞌ Éufrates ut toj saꞌ chixjunil li ruchichꞌochꞌ.

Salmos 60:1

At inDios, xoa̱canab kajunes. Xatjoskꞌoꞌ saꞌ kabe̱n ut xacuisi kacuanquil. At inDios, choa̱tenkꞌa ta cuiꞌchic.

1 Reyes 4:21

Laj Salomón cuan xcuanquil saꞌ chixjunil li naꞌajej li naticla cuan cuiꞌ li nimaꞌ Éufrates ut nacuulac toj cuanqueb cuiꞌ laj filisteo ut nacuulac toj saꞌ li nuba̱l re li tenamit Egipto. Eb aꞌan cuanqueb rubel xcuanquil li rey Salomón ut nequeꞌxtoj chiru li rey li joꞌ qꞌuial tento xtojbal joꞌ najtil yoꞌyo.

Deuteronomio 11:24

Chixjunil li naꞌajej li texnumekꞌ cuiꞌ, e̱rehak la̱ex. Naticla chak saꞌ li chaki chꞌochꞌ nacuulac Líbano. Naticla cuan cuiꞌ li nimaꞌ Éufrates ut nacuulac toj cuan cuiꞌ li palau Mediterráneo. Chixjunil li naꞌajej li texbe̱k cuiꞌ, e̱rehak.

Éxodo 23:31

La̱in tinqꞌue retalil bar ta̱numekꞌ li nuba̱l re li naꞌajej li tinqꞌue e̱re. Li nuba̱l ta̱numekꞌ cuan cuiꞌ li Caki Palau ut ta̱cuulak cuan cuiꞌ li palau Mediterráneo li cuan saꞌ xcue̱nt lix tenamiteb laj filisteo ut ta̱cuulak cuan cuiꞌ li chaki chꞌochꞌ ut toj cuan cuiꞌ li nimaꞌ Éufrates. La̱in tinkꞌaxtesiheb saꞌ e̱rukꞌ li cuanqueb saꞌ li naꞌajej aꞌan, ut la̱ex tex-isi̱nk reheb aran.

Génesis 15:18

Aꞌan aꞌin li retalil nak saꞌ li cutan aꞌan li Ka̱cuaꞌ Dios quixba̱nu jun li contrato riqꞌuin laj Abram. Ut li Dios quixye re laj Abram: —Li naꞌajej aꞌin tinqꞌue chokꞌ a̱cue ut chokꞌ reheb ajcuiꞌ la̱ cualal a̱cꞌajol li teꞌcua̱nk. Li naꞌajej li tinqꞌue reheb naticla chak cuan cuiꞌ li nimaꞌ re Egipto ut nocoxrakekꞌ cuan cuiꞌ li nimla nimaꞌ Éufrates, chan.

2 Samuel 10:15

Eb li soldados re Siria queꞌxqꞌue retal nak eb laj Israel queꞌnumta saꞌ xbe̱neb. Joꞌcan nak queꞌxchꞌutub cuiꞌchic ribeb chixjunileb.

2 Samuel 23:36

laj Igal li ralal laj Natán, Soba xtenamit; laj Bani, Gad xtenamit;

2 Crónicas 8:3

Chirix aꞌan laj Salomón co̱ saꞌ li tenamit Hamat li cuan saꞌ xcue̱nt Soba ut quixchap chokꞌ re.