2 Samuel 8:2 - Li Santil hu

² Chirix chic aꞌan laj David quinumta saꞌ xbe̱neb laj Moab. Quixtusubeb chi yocyo saꞌ chꞌochꞌ ut quixbiseb riqꞌuin cꞌa̱m. Li caꞌcab tusul quixcamsiheb ut li cuanqueb saꞌ li rox tusul incꞌaꞌ quixcamsiheb. Eb li incꞌaꞌ queꞌcamsi̱c queꞌcana rubel xcuanquil laj David ut queꞌxtoj rix lix naꞌajeb.

Q'eqchi Bible

² Kixq'ax ajwi' ruheb' laj Mohab; kixk'eheb' chi jilib'aak chiru ch'och' ut kixb'iseb' rik'in k'aam: jo'k'ihaleb' li ke'kanaak sa' li wiib' b'isok, ke'kamsiik; ut li ke'kanaak sa' li rox b'isok, ke'kanab'aak chi yo'yo. Jo'ka'in naq eb' laj Mohab ke'kanaak rub'el xwankil laj David chi k'ehok toj.

2 Samuel 8:2 ပူးပေါင်းရင်းမြစ်များ

Números 24:17

La̱in quicuil saꞌ visión li cꞌaꞌru ta̱cꞌulma̱nk saꞌ xya̱nkeb laj Israel saꞌ eb li cutan teꞌcha̱lk. Ta̱cua̱nk jun li rey saꞌ xya̱nkeb li ralal xcꞌajol laj Jacob. Chanchanak jun li chahim. Ta̱numta̱k saꞌ xbe̱neb li ralal xcꞌajol laj Moab ut tixsach ruheb li ralal xcꞌajol laj Set.

Salmos 60:8

Moab tzꞌekta̱nanbil inban. Chanchan jun li palangana re xchꞌajbal li cuukꞌ. Tinqꞌue li cuok saꞌ xbe̱n Edom retalil nak la̱in xine̱chanin re. Ta̱sahokꞌ saꞌ inchꞌo̱l nak tinnumta̱k saꞌ xbe̱neb laj filisteo, chan li Dios.

2 Samuel 8:6

Chirix aꞌan laj David quixyi̱b xnaꞌajeb li soldados re teꞌcꞌacꞌale̱nk saꞌ li tenamit Damasco. Ut eb laj Siria queꞌcana rubel xcuanquil ut queꞌxtoj rix lix naꞌajeb. Yalak bar co̱ chi pletic laj David, li Ka̱cuaꞌ quitenkꞌan re, re nak us qui-el.

1 Samuel 10:27

Abanan cuanqueb li incꞌaꞌ useb xnaꞌleb. Queꞌxye: —¿Ma aꞌan li cui̱nk li ta̱colok ke? chanqueb. Ut xicꞌ queꞌril laj Saúl ut incꞌaꞌ queꞌxqꞌue xma̱tan. Abanan laj Saúl incꞌaꞌ quixqꞌue saꞌ xchꞌo̱l li cꞌaꞌru queꞌxba̱nu.

Isaías 36:16

Me̱pa̱b li cꞌaꞌru tixye e̱re laj Ezequías. Aꞌan aꞌin li naxye e̱re lix reyeb laj Asiria: Cui te̱cꞌam e̱rib saꞌ usilal cuiqꞌuin, che̱ju̱nkal te̱tzaca li ru le̱ uvas ut te̱tzaca li ru le̱ higo ut naru ajcuiꞌ te̱rucꞌ li haꞌ li na-el saꞌ le̱ jul haꞌ,

Salmos 108:9

Moab tzꞌekta̱nanbil inban. Chanchan jun li palangana re xchꞌajbal li cuukꞌ. Tinqꞌue li cuok saꞌ xbe̱n Edom retalil nak la̱in xine̱chanin re. Ta̱sahokꞌ saꞌ inchꞌo̱l nak tinnumta̱k saꞌ xbe̱neb laj filisteo, chan li Dios.

2 Crónicas 26:8

Eb laj amonita queꞌxsi xma̱tan laj Uzías. Cꞌajoꞌ nak quiniman xcuanquil laj Uzías ut naꞌno chixjunil li quilajxba̱nu saꞌ eb li naꞌajej toj saꞌ li nuba̱l re Egipto.

1 Crónicas 18:2

Ut quinumta ajcuiꞌ saꞌ xbe̱neb laj Moab. Queꞌcana rubel xcuanquil laj David ut queꞌxtoj rix lix naꞌajeb.

2 Reyes 17:3

Laj Salmanasar lix reyeb laj Asiria quipletic riqꞌuin laj Oseas ut quire̱chani li ple̱t. Joꞌcan nak laj Oseas quicꞌanjelac chiru ut quixtoj rix lix naꞌajeb.

2 Reyes 1:1

Nak ac camenak chic li rey Acab, eb laj Moab queꞌpoꞌ saꞌ xbe̱neb laj Israel.

2 Samuel 12:31

Li joꞌ qꞌuial chic li tenamit li queꞌcana quirisiheb aran ut quixqꞌueheb chi jachoc cheꞌ ut chi picꞌoc chꞌochꞌ, ut chi yocꞌoc cheꞌ riqꞌuin ma̱l. Quixqꞌueheb ajcuiꞌ chixyi̱banquil li xan ut chixcꞌatbaleb saꞌ li horno. Joꞌcan ajcuiꞌ quixba̱nu riqꞌuineb chixjunileb li tenamit li cuanqueb cuiꞌ eb li ralal xcꞌajol laj Amón. Chirix aꞌan, laj David rochbeneb chixjunileb lix soldados queꞌsukꞌi Jerusalén.

1 Samuel 14:47

Nak ac x-oc laj Saúl chokꞌ xreyeb laj Israel, quipletic riqꞌuineb chixjunileb li xicꞌ nequeꞌiloc reheb. Quipletic riqꞌuineb laj Moab, ut eb laj Amón, ut eb laj Edom. Ut quipletic ajcuiꞌ riqꞌuineb lix reyeb laj Soba, joꞌ eb ajcuiꞌ laj filisteo. Saꞌ chixjunil li tenamit li queꞌpletic cuiꞌ, eb laj Israel queꞌnumta saꞌ xbe̱neb li xicꞌ nequeꞌiloc reheb.

Salmos 83:6

Queꞌxjunaji ribeb laj Edom riqꞌuineb li ralal xcꞌajol laj Ismael, ut eb laj Moab ut li ralal xcꞌajol lix Agar,

1 Samuel 22:3

Laj David qui-el aran ut co̱ Mizpa, li cuan aran Moab, chi a̱tinac riqꞌuin li rey. Quixye re: —Nintzꞌa̱ma usilal cha̱cuu nak ta̱qꞌue inlese̱ns chixcanabanquil lin naꞌ ut lin yucuaꞌ a̱cuiqꞌuin toj tinnau cꞌaꞌru tixba̱nu cuiqꞌuin li Dios, chan.

1 Samuel 22:4

Ut laj David quixcꞌam lix naꞌ xyucuaꞌ riqꞌuin lix reyeb laj Moab. Ut aran queꞌcana joꞌ najtil yo̱ chixmukbal rib laj David saꞌ li ochoch pec.

1 Reyes 4:21

Laj Salomón cuan xcuanquil saꞌ chixjunil li naꞌajej li naticla cuan cuiꞌ li nimaꞌ Éufrates ut nacuulac toj cuanqueb cuiꞌ laj filisteo ut nacuulac toj saꞌ li nuba̱l re li tenamit Egipto. Eb aꞌan cuanqueb rubel xcuanquil li rey Salomón ut nequeꞌxtoj chiru li rey li joꞌ qꞌuial tento xtojbal joꞌ najtil yoꞌyo.

Salmos 18:45

Nachꞌinan xchꞌo̱leb ut nequeꞌsicsot xban xxiuheb nak nequeꞌel saꞌ li naꞌajej li nequeꞌxcol cuiꞌ ribeb.

Salmos 60:10

Choa̱tenkꞌa, at Ka̱cuaꞌ, usta xoa̱canab kajunes junxil. Toa̱tenkꞌa saꞌ li ple̱t, at inDios.