2 Samuel 8:18 - Li Santil hu

¹⁸ Laj Benaía, li ralal laj Joiada, aꞌan li quitaklan saꞌ xbe̱neb laj cereteo ut eb laj peleteo. Eb li ralal laj David, aꞌaneb li ni̱nkeb xcuanquil saꞌ xya̱nkeb.

Q'eqchi Bible

¹⁸ Laj Benaías, ralal laj Johadá, nataqlank sa' xb'eeneb' laj Keret ut eb' laj Pélet. Eb' li ralal laj David a'aneb' ajwi' aj tij.

2 Samuel 8:18 ပူးပေါင်းရင်းမြစ်များ

1 Samuel 30:14

La̱o xocuulac aran Neguev bar cuanqueb cuiꞌ eb laj cereteo. Ut xocuulac ajcuiꞌ aran Judá ut aran Neguev saꞌ lix naꞌaj laj Caleb. Ut xkacꞌat ajcuiꞌ li tenamit Siclag, chan.

1 Crónicas 18:17

Laj Benaía, li ralal laj Joiada, aꞌan li quitaklan saꞌ xbe̱neb laj cereteo ut eb laj peleteo. Eb li ralal laj David, aꞌaneb li ni̱nkeb xcuanquil saꞌ xya̱nkeb.

2 Samuel 20:23

Laj Joab quicana chi takla̱nc saꞌ xbe̱neb chixjunileb lix soldados aj Israel. Ut laj Benaía li ralal laj Joiada quicana chi takla̱nc saꞌ xbe̱neb laj cereteo ut eb laj peleteo.

2 Samuel 20:7

Joꞌcan nak queꞌco̱eb chixjunileb li cuanqueb rubel xtakl laj Joab. Queꞌco̱eb ajcuiꞌ eb laj cereteo, eb laj peleteo, joꞌ eb ajcuiꞌ chixjunileb li cauheb xchꞌo̱l chi pletic. Queꞌel Jerusalén re teꞌxic chixsicꞌbal laj Seba, li ralal laj Bicri.

2 Samuel 15:18

Chixjunileb li nequeꞌtaklan saꞌ xbe̱neb lix soldados, queꞌxakli chixcꞌatk li rey. Eb laj cereteo ut eb laj peleteo li nequeꞌcꞌacꞌalen re li rey saꞌ li ple̱t queꞌnumeꞌ chiru. Ut queꞌnumeꞌ ajcuiꞌ eb li cuakib ciento li soldados li queꞌchal Gat.

1 Reyes 1:44

Ut quixtakla laj Sadoc laj tij ut li profeta Natán chirochbeninquil joꞌ eb ajcuiꞌ laj Benaía li ralal laj Joiada ut eb laj cereteo ut eb laj peleteo. Ut queꞌxqꞌue laj Salomón chirix lix mu̱l li rey David.

1 Reyes 1:38

Queꞌco̱eb laj Sadoc laj tij rochbeneb li profeta Natán ut laj Benaía li ralal laj Joiada, joꞌqueb ajcuiꞌ laj cereteo ut eb laj peleteo. Queꞌxqꞌue laj Salomón chirix li mu̱l li nabe̱c cuiꞌ li rey David. Queꞌxcꞌam saꞌ li naꞌajej cuan cuiꞌ li yuꞌam haꞌ Gihón.

Sofonías 2:5

Ra cha̱lc re saꞌ e̱be̱n la̱ex aj Creta li cuanquex chire li palau. Li Ka̱cuaꞌ xqꞌue ajcuiꞌ jun li raylal saꞌ e̱be̱n la̱ex aj filisteo nak quixye: —La̱ex aj filisteo li cuanquex saꞌ li naꞌajej Canaán, tinsach e̱ru chi junaj cua. Ma̱ jun chi cristian ta̱cana̱k saꞌ le̱ tenamit.

Ezequiel 25:16

Joꞌcan nak la̱in ninye nak tinpletik riqꞌuineb laj filisteo ut tinsach ruheb. Tinsach ruheb laj cereteo joꞌ eb ajcuiꞌ li joꞌ qꞌuial queꞌcana chire li palau.

1 Reyes 4:4

Laj Benaía li ralal laj Joiada, aꞌan li quitaklan saꞌ xbe̱neb li soldados; laj Sadoc ut laj Abiatar, aꞌaneb laj tij.

2 Samuel 20:26

Laj Ira, Jair xtenamit, aꞌan laj tij li quicuan riqꞌuin laj David.

1 Reyes 1:8

Abanan laj Sadoc laj tij ut laj Benaía li ralal laj Joiada incꞌaꞌ queꞌoquen chirix laj Adonías. Ut li profeta Natán ut laj Simei ut laj Rei incꞌaꞌ queꞌoquen chirix. Joꞌcaneb ajcuiꞌ lix soldado laj David, li kꞌaxal cha̱bileb.

1 Reyes 2:25

Joꞌcan nak li rey Salomón quixtakla laj Benaía li ralal laj Joiada chixcamsinquil laj Adonías. Ut laj Benaía quixba̱nu li cꞌaꞌru quiyeheꞌ re.

1 Crónicas 11:22

Joꞌcan ajcuiꞌ laj Benaía naꞌno ru. Laj Benaía, aꞌan li ralal laj Joiada li chalenak saꞌ li tenamit Cabseel. Nabal li cꞌaꞌru quixba̱nu xban xcacuilal xchꞌo̱l. Quixcamsi cuibeb li cui̱nk aj Moab. Saꞌ jun li cutan nak yo̱ chi tꞌanecꞌ li nieve, laj Benaía cuan saꞌ jun chamal jul nak quixcamsi jun li cakcoj.

1 Reyes 4:5

Laj Azarías li ralal laj Natán, aꞌan li kꞌaxal nim xcuanquil saꞌ xbe̱neb li nequeꞌtaklan. Ut laj Zabud, aꞌan jun chic ralal laj Natán, aꞌan li quiqꞌuehoc xnaꞌleb li rey ut tzꞌakal rami̱g.

2 Reyes 11:4

Nak yo̱ chic xcuuk chihab laj Joiada laj tij quixtakla xbokbaleb li nequeꞌtaklan saꞌ xbe̱neb li soldado ut eb li capitán joꞌ eb ajcuiꞌ li soldado li nequeꞌcꞌacꞌalen. Nak queꞌcuulac, quirocsiheb saꞌ lix templo li Ka̱cuaꞌ. Nak cuanqueb aran queꞌxcꞌu̱b ru cꞌaꞌru teꞌxba̱nu ut queꞌxba̱nu li juramento saꞌ xcꞌabaꞌ li Ka̱cuaꞌ. Tojoꞌnak laj Joiada quixcꞌut chiruheb laj Joás li ralal li rey Ocozías.