2 Samuel 7:9 - Li Santil hu

⁹ La̱in xintenkꞌan a̱cue saꞌ chixjunil li naꞌajej xatcuulac cuiꞌ ut xinkꞌaxtesi saꞌ a̱cuukꞌ chixjunileb li xicꞌ nequeꞌiloc a̱cue. Xinqꞌue a̱cuanquil joꞌ lix cuanquileb li xni̱nkal ru cui̱nk li cuanqueb saꞌ ruchichꞌochꞌ.

Q'eqchi Bible

⁹ Xinwank aawik'in yalaq b'ar xkohat, ut xinsacheb' ru chixjunileb' li xik' xe'ilok aawe. Ut laa'in tink'e chi nimaak laak'ab'a' jo'eb' li ninqeb' xwankil sa' ruuchich'och'.

2 Samuel 7:9 ပူးပေါင်းရင်းမြစ်များ

2 Samuel 5:10

Us yo̱ chi e̱lc chiru laj David li cꞌaꞌru naxba̱nu ut yo̱ chi nima̱nc xcuanquil xban nak li nimajcual Dios cuan riqꞌuin ut aꞌan yo̱ chi tenkꞌa̱nc re.

1 Crónicas 17:8

La̱in xintenkꞌan a̱cue saꞌ chixjunil li naꞌajej xatcuulac cuiꞌ ut xinkꞌaxtesi saꞌ a̱cuukꞌ chixjunileb li xicꞌ nequeꞌiloc a̱cue. Ut xinqꞌue a̱cuanquil joꞌ xcuanquil li ni̱nkeb xcuanquil saꞌ ruchichꞌochꞌ.

2 Samuel 8:6

Chirix aꞌan laj David quixyi̱b xnaꞌajeb li soldados re teꞌcꞌacꞌale̱nk saꞌ li tenamit Damasco. Ut eb laj Siria queꞌcana rubel xcuanquil ut queꞌxtoj rix lix naꞌajeb. Yalak bar co̱ chi pletic laj David, li Ka̱cuaꞌ quitenkꞌan re, re nak us qui-el.

1 Samuel 18:14

Li Ka̱cuaꞌ cuan riqꞌuin laj David. Joꞌcan nak us na-el riqꞌuin chixjunil li cꞌaꞌru naxba̱nu.

2 Samuel 8:14

Li rey David quixyi̱b lix naꞌajeb lix soldados saꞌ chixjunil li naꞌajej Edom. Ut eb li cuanqueb aran queꞌcana rubel xcuanquil laj David. Li Ka̱cuaꞌ quitenkꞌan re laj David chi numta̱c saꞌ xbe̱neb chixjunileb li quicuulac cuiꞌ chi pletic.

Génesis 12:2

—Eb la̱ cualal a̱cꞌajol teꞌqꞌuia̱nk. Ut ta̱nima̱nk lix cuanquileb saꞌ ruchichꞌochꞌ. Ut la̱in tin-osobtesi̱nk a̱cue. Ut la̱ cꞌabaꞌ naꞌno̱k ru yalak bar. Saꞌ a̱cꞌabaꞌ la̱at, nabaleb chic li cristian teꞌxcꞌul li usilal xban nak la̱at sicꞌbil a̱cuu inban.

San Lucas 1:52

Quirisi saꞌ xnaꞌajeb li cuanqueb saꞌ xcuanquil. Ut quixqꞌueheb xlokꞌal li ma̱cꞌaꞌeb xcuanquil.

Salmos 89:23

La̱in tinsach ruheb li xicꞌ nequeꞌiloc re. La̱in tinqꞌueheb chixtojbal lix ma̱queb li nequeꞌtzꞌekta̱nan re.

2 Samuel 22:30

La̱at nacatqꞌuehoc xcacuilal inchꞌo̱l chi pletic riqꞌuineb li xicꞌ nequeꞌiloc cue. Ut la̱at nacatqꞌuehoc incacuilal chi numecꞌ saꞌ xbe̱neb li tzꞌac li sutsu̱queb cuiꞌ.

1 Samuel 2:8

Aꞌan narisiheb li nebaꞌ saꞌ nebaꞌil ut aꞌan ajcuiꞌ na-isin reheb saꞌ nebaꞌil li nequeꞌxtzꞌa̱ma xcua chire cablal. Naxqꞌueheb chi cua̱nc saꞌ xya̱nkeb li cuanqueb xcuanquil ut naxqꞌueheb saꞌ jun li naꞌajej kꞌaxal lokꞌ. Naxba̱nu chi joꞌcan xban nak aꞌan ya̱l re saꞌ xbe̱n li nacu̱tun re li ruchichꞌochꞌ, ut aꞌan ajcuiꞌ li quiqꞌuehoc re li ruchichꞌochꞌ saꞌ xnaꞌaj.

2 Samuel 22:1

Aꞌan aꞌin li bich li quixbicha laj David re xlokꞌoninquil li Ka̱cuaꞌ xban nak li Ka̱cuaꞌ quixcol aꞌan chiru laj Saúl ut chiruheb chixjunileb li xicꞌ nequeꞌiloc re:

1 Samuel 31:6

Joꞌcaꞌin nak quicam laj Saúl saꞌ li cutan aꞌan rochbeneb li oxib chi ralal, ut li cui̱nk li nacꞌamoc re lix chꞌi̱chꞌ re pletic ut rochbeneb ajcuiꞌ lix soldados.

1 Samuel 5:10

Joꞌcan nak queꞌxtakla li Lokꞌlaj Ca̱x saꞌ li tenamit Ecrón. Eb li cuanqueb aran queꞌxucuac. Japjo̱queb re chixyebal: —Xeꞌxtakla chak arin lix Lokꞌlaj Ca̱x lix Dios eb laj Israel re kacamsinquil la̱o ut eb li katenamit, chanqueb.

2 Samuel 8:13

Kꞌaxal cuiꞌchic naꞌno ru laj David yalak bar nak quisukꞌi chixcamsinquileb laj Siria xban nak quixcamsiheb ajcuiꞌ cuakxaklaju mil (18,000) chi cui̱nk aj Edom saꞌ li ru takꞌa cuan cuiꞌ li atzꞌam.

2 Samuel 23:1

Riqꞌuin li a̱tin aꞌin quixrak a̱tinac laj David: Aꞌan aꞌin li a̱tin li quixye laj David li ralal laj Isaí. Aꞌin li ra̱tin laj David li quitaksi̱c xcuanquil xban li Ka̱cuaꞌ. Aꞌin ra̱tin li rey li quisiqꞌueꞌ ru xban li Ka̱cuaꞌ, lix Dios laj Jacob. Aꞌan li quixbicha nabal li bich reheb laj Israel.

Josué 6:27

Li Ka̱cuaꞌ quitenkꞌan re laj Josué ut yalak bar quicuulac resil li cꞌaꞌru quixba̱nu.

1 Samuel 18:30

Rajlal nak nequeꞌchal eb laj filisteo chi pletic riqꞌuineb laj Israel, laj David, aꞌan li kꞌaxal us na-el chiruheb li jun chꞌol chic li nequeꞌcꞌanjelac chiru laj Saúl. Joꞌcan nak chixjunileb queꞌxqꞌue saꞌ xnakꞌ ruheb laj David.

2 Samuel 22:43

Chanchaneb li poks li nacꞌameꞌ xban ikꞌ nak xinsach ruheb. Chanchan yekꞌinbileb joꞌ li sulul saꞌ be xinba̱nu reheb.

Salmos 21:6

Osobtesinbil a̱ban chi junelic ut kꞌaxal sa saꞌ xchꞌo̱l xban nak cuancat riqꞌuin.