2 Samuel 7:7 - Li Santil hu

⁷ Chalen nak xeꞌcuochbeni chak li ralal xcꞌajol laj Israel incꞌaꞌ xinye reheb li yo̱queb chi cꞌamoc be chiruheb nak teꞌxyi̱b junak li templo riqꞌuin chacalteꞌ re tincua̱nk cuiꞌ.”

Q'eqchi Bible

⁷ Chiru chixjunileb' li kutan xe'wochb'eeni wi' chaq eb' laj Israel yalaq b'ar, maajun sut xinye reheb' laj k'amol b'e li xeb'inxaqab' chi xb'eresinkil lintenamit Israel, naq te'xyiib' junaq ochoch rik'in yaw».

2 Samuel 7:7 ပူးပေါင်းရင်းမြစ်များ

1 Crónicas 17:6

Chalen nak xeꞌcuochbeni chak li ralal xcꞌajol laj Israel incꞌaꞌ xinye reheb li yo̱queb chi cꞌamoc be chiruheb nak teꞌxyi̱b junak li templo riqꞌuin chacalteꞌ re tincua̱nk cuiꞌ,” chan.

2 Samuel 5:2

Chalen nak toj cua̱nk laj Saúl chokꞌ karey, la̱at catcꞌamoc be chiruheb li soldados aj Israel saꞌ eb li ple̱t. Ut li Ka̱cuaꞌ quixye nak la̱at tat-ilok reheb lix tenamit ut la̱atak lix reyeb, chanqueb.

Hechos 21:28

Japjo̱queb re chixyebal: —Ex aj Israel, choe̱tenkꞌa. Aꞌan aꞌin li cui̱nk li napoꞌoc xnaꞌlebeb li tenamit yalak bar chixtzꞌekta̱nanquil li katenamit, joꞌ ajcuiꞌ li chakꞌrab li quixqꞌue ke laj Moisés. Ut naxtzꞌekta̱na li templo aꞌin. Joꞌ cuiꞌ anchal xrocsiheb li ma̱cuaꞌeb aj judío saꞌ li templo ut riqꞌuin aꞌan, xmux ru li Santil Naꞌajej, chanqueb.

Hechos 20:28

Joꞌcan nak ilomak e̱rib chi us la̱ex ut ilomakeb laj pa̱banel li xeꞌqꞌueheꞌ cheril xban li Santil Musikꞌej, li quixlokꞌeb riqꞌuin lix lokꞌlaj quiqꞌuel. Cherilak laj pa̱banel joꞌ nak naril chi us lix carner li pastor.

San Mateo 2:6

Joꞌcaꞌin tzꞌi̱banbil saꞌ li Santil Hu: Li tenamit Belén, xchꞌochꞌeb laj Judá, moco kꞌaxal caꞌchꞌin ta lix cuanquil saꞌ xya̱nkeb li xni̱nkal ru tenamit re Judá xban nak aran ta̱e̱lk jun Acuabej ut aꞌan ta̱beresi̱nk re lin tenamit Israel. (Miq. 5:2)

Miqueas 5:4

Ut li Acuabej li ta̱yoꞌla̱k, aꞌan chic xakxo̱k xcuanquil saꞌ xbe̱n lix tenamit ut aꞌan ajcuiꞌ ta̱ilok reheb riqꞌuin lix nimajcual xcuanquilal li Dios. Aꞌan ta̱takla̱nk saꞌ xbe̱neb saꞌ xcꞌabaꞌ li nimajcual Dios. Ut li ralal xcꞌajol cauhakeb xchꞌo̱l riqꞌuin xban nak kꞌaxal nim xcuanquil saꞌ xbe̱n chixjunil li ruchichꞌochꞌ.

Ezequiel 34:23

La̱in tinqꞌue aj ilol reheb. La̱in tinqꞌue laj David laj cꞌanjel chicuu chi iloc reheb ut aꞌan tixchꞌolaniheb.

Ezequiel 34:15

Ut la̱in tincꞌacꞌale̱nk reheb lin carner. La̱in tinsicꞌok re lix naꞌajeb re teꞌhila̱nk.

Ezequiel 34:2

—At ralal cui̱nk, ye reheb li nequeꞌiloc re li tenamit Israel nak ta̱cha̱lk raylal saꞌ xbe̱neb. Ut ta̱ye reheb: Joꞌcaꞌin xye li Ka̱cuaꞌ li nimajcual Dios. Raylal ta̱cha̱lk saꞌ e̱be̱n la̱ex li nequex-iloc reheb laj Israel xban nak incꞌaꞌ nequeril chi tzꞌakal li tenamit. Junes chokꞌ e̱re nequeraj li us. ¿Ma incꞌaꞌ ta biꞌ tento nak laj ilol xul ta̱ril chi us lix carner?

Jeremías 23:4

Ut la̱in tinxakabeb cuiꞌchic laj ilol reheb. Ut incꞌaꞌ chic teꞌxucuak chi moco teꞌsachekꞌ ruheb, chan.

Jeremías 3:15

La̱in tinxakabeb li ani teꞌilok e̱re. Eb aꞌan cua̱nkeb xnaꞌleb chi cꞌamoc be che̱ru joꞌ li nacuaj la̱in, chan li Dios.

Isaías 40:11

Li Ka̱cuaꞌ ta̱rileb li ralal xcꞌajol chi cha̱bil joꞌ nak li pastor narileb lix carner. Tixchꞌutubeb lix cocꞌ carner ut tixcꞌam saꞌ xbe̱n xtel. Ut saꞌ tu̱lanil tixberesiheb lix naꞌeb li cocꞌ carner.

Deuteronomio 23:14

Te̱ba̱nu chi joꞌcan xban nak li Ka̱cuaꞌ le̱ Dios cua̱nk saꞌ li naꞌajej li cua̱nkex cuiꞌ re texcol ut re ajcuiꞌ nak texqꞌue chi numta̱c saꞌ xbe̱neb li xicꞌ nequeꞌiloc e̱re. Joꞌcan nak li naꞌajej li cua̱nkex cuiꞌ santak re nak li Ka̱cuaꞌ le̱ Dios incꞌaꞌ ta̱ril li cꞌaꞌak re ru tzꞌaj saꞌ e̱ya̱nk. Ut re ajcuiꞌ nak incꞌaꞌ texcanab e̱junes yal xban li cꞌaꞌak re ru incꞌaꞌ us.

1 Pedro 5:1

Ut anakcuan tinye cuib oxibak li a̱tin reheb laj cꞌamol be saꞌ e̱ya̱nk la̱ex aj pa̱banel. La̱in ajcuiꞌ e̱rochben chi cꞌamoc be ut quicuil tzꞌakal nak li Cristo quixcꞌul raylal. La̱in tintzꞌako̱nk ajcuiꞌ joꞌ nak la̱ex textzꞌako̱nk saꞌ lix nimal xlokꞌal li ta̱cꞌutbesi̱k.

1 Crónicas 11:2

Junxil nak laj Saúl toj cuan chokꞌ karey, la̱at xatcꞌamoc be chiruheb laj Israel chi pletic. Ut li Ka̱cuaꞌ la̱ Dios quixye a̱cue: “La̱at tatcꞌamok be chiruheb laj Israel lin tenamit ut la̱at ajcuiꞌ tat-oc chokꞌ rey chi takla̱nc saꞌ xbe̱neb,” chan li Dios.—

Isaías 66:1

Aꞌan aꞌin li naxye li Ka̱cuaꞌ li nimajcual Dios: —Li choxa, aꞌan lin cꞌojariba̱l ut li ruchichꞌochꞌ, aꞌan xnaꞌaj li cuok. ¿Ma naru ta biꞌ te̱yi̱b jun li ochoch re tincua̱nk cuiꞌ? ¿Ma naru ta biꞌ te̱yi̱b innaꞌaj re tinhila̱nk cuiꞌ?