2 Samuel 7:26 - Li Santil hu

²⁶ Chinima̱k taxak xlokꞌal la̱ cꞌabaꞌ chi junelic ut chixjunileb taxak teꞌyehok re nak la̱at, li nimajcual Dios, la̱at lix Dioseb laj Israel. Ut ta̱xakab taxak saꞌ xnaꞌaj lix cuanquileb li cualal incꞌajol chi junelic.

Q'eqchi Bible

²⁶ Chinimaaq taxaq xloq'al laak'ab'a' chi junelik ut chiyeemanq naq li Qaawa', li Nimajwal Yos, a'an li xYos laj Israel! Xaqxooq taxaq sa' xna'aj li xjunkab'al laj David laj k'anjel chawu xb'aan xnimal aarahom.

2 Samuel 7:26 ပူးပေါင်းရင်းမြစ်များ

San Mateo 6:9

Ut la̱ex joꞌcaꞌin nak textijok: At Ka̱cuaꞌ, cuancat saꞌ li santil choxa, lokꞌoninbilak taxak la̱ santil cꞌabaꞌ.

San Juan 12:28

At inYucuaꞌ, chinima̱k taxak la̱ lokꞌal, chan. Ut li Dios quia̱tinac chak saꞌ choxa ut quixye: —Ac xnima̱c inlokꞌal, ut ta̱nima̱k cuiꞌchic, chan li Dios.

Salmos 115:1

At Ka̱cuaꞌ, la̱at taxak chiqꞌuehekꞌ a̱lokꞌal. Ma̱cuaꞌ taxak la̱o. La̱at taxak chiqꞌuehekꞌ a̱lokꞌal xban nak la̱at li nacatcꞌutuc lix ya̱lal chiku ut la̱at li nacat-uxta̱nan ku.

Salmos 89:36

Junelic cua̱nk li ralal xcꞌajol ut junelic cua̱nkeb xcuanquil chokꞌ rey joꞌ najtil ta̱cua̱nk li sakꞌe saꞌ xbe̱n li ruchichꞌochꞌ.

Génesis 17:18

Ut laj Abraham quixye re li Dios, —Usan cui laj Ismael tixcꞌul li usilal a̱cuiqꞌuin, chan.

2 Samuel 7:25

At Ka̱cuaꞌ Dios, chaba̱nu taxak joꞌ xayechiꞌi cue. Ta̱xakab taxak lin cuanquil chi junelic joꞌ ajcuiꞌ lix cuanquileb li cualal incꞌajol joꞌ xaye.

1 Reyes 18:36

Nak quicuulac x-o̱ril xcꞌatbal li mayej, li profeta Elías quixye: —At nimajcual Dios, la̱at lix Dios laj Abraham, laj Isaac ut laj Israel. Chicꞌutu̱nk taxak chiruheb anakcuan nak la̱at li tzꞌakal Dios arin Israel ut nak la̱in laj cꞌanjel cha̱cuu. Ut li cꞌaꞌru yo̱quin chixba̱nunquil anakcuan, la̱at xattaklan cue chixba̱nunquil.

1 Reyes 18:37

At nimajcual Dios, chacuabi taxak li cꞌaꞌru nintzꞌa̱ma cha̱cuu. China̱sume taxak re nak eb li tenamit aꞌin teꞌxqꞌue retal nak la̱at li tzꞌakal Dios. Chacꞌut taxak chiruheb nak la̱at ta̱cuaj nak teꞌsukꞌi̱k cuiꞌchic a̱cuiqꞌuin, chan laj Elías.

Salmos 61:7

Aꞌ taxak la̱ cuusilal chicua̱nk cuiqꞌuin chi junelic nak cua̱nkin chokꞌ rey. China̱cuil riqꞌuin xnimal la̱ cuuxta̱n ut la̱ ti̱quilal.