2 Samuel 7:23 - Li Santil hu

²³ Ma̱ jun chic tenamit cuan saꞌ ruchichꞌochꞌ joꞌ la̱ tenamit Israel. Caꞌaj cuiꞌ aꞌan. At Ka̱cuaꞌ, la̱at xatcoloc reheb re nak teꞌoc chokꞌ a̱tenamit. Xaba̱nu li milagros, li sachba chꞌo̱lej ut li xni̱nkal ru naꞌleb re xcolbaleb, re nak naꞌno̱k ruheb la̱ tenamit. La̱at cat-isin chak reheb saꞌ xya̱nkeb li jalanil tenamit ut lix dioseb nak cacuisiheb chak Egipto. Caba̱nu chixjunil aꞌan xban xra̱baleb.

Q'eqchi Bible

²³ Maajun chik tenamit wank sa' ruuchich'och' jo' laatenamit. “Laa'at, at Qaawa', xatkolok reheb' laj Israel, re naq a'anaqeb' laatenamit; xanima li xk'ab'a'eb' ut xab'aanu li sachb'ach'oolej q'axal ninqeb' ut xiwajeleb' xb'aan xnimal laarahom. Xawisiheb' sa' ruq'eb' laj Ejiipt ut xawaanilasiheb' li poyanam ut eb' li jalanil yos chiru laatenamit.

2 Samuel 7:23 ပူးပေါင်းရင်းမြစ်များ

Deuteronomio 10:21

Li Ka̱cuaꞌ aꞌan li te̱lokꞌoni xban nak aꞌan le̱ Dios. La̱ex queril li sachba chꞌo̱lej li quixba̱nu riqꞌuin lix nimal xcuanquilal.

Deuteronomio 9:26

Quintijoc chiru li Ka̱cuaꞌ ut quinye re: At nimajcual Dios, ma̱sach ru li tenamit aꞌin xban nak aꞌineb la̱ tenamit li cacoleb riqꞌuin lix nimal a̱cuanquil nak cacuisiheb chak Egipto.

Salmos 147:20

Li Ka̱cuaꞌ incꞌaꞌ quixqꞌue li ra̱tin reheb li jalaneb xtenamit. Eb aꞌan incꞌaꞌ nequeꞌxnau cꞌaꞌru naxye lix chakꞌrab. ¡Chikalokꞌoni taxak li Ka̱cuaꞌ!

Salmos 111:9

Quixcoleb li ralal xcꞌajol ut quixba̱nu li santil contrato riqꞌuineb. Li Ka̱cuaꞌ Dios, aꞌan santo ut kꞌaxal xiu xiu ru.

Nehemías 1:10

Joꞌcan ut, at Ka̱cuaꞌ, misach saꞌ a̱chꞌo̱l xban nak la̱o aj cꞌanjel cha̱cuu. La̱o la̱ cualal a̱cꞌajol li coa̱col riqꞌuin la̱ cuanquilal ut riqꞌuin la̱ metzꞌe̱u.

Deuteronomio 33:29

Us xak e̱re la̱ex aj Israel. ¿Ma cuan ta biꞌ junak chic tenamit juntakꞌe̱t e̱riqꞌuin la̱ex? La̱ex colbilex xban li Ka̱cuaꞌ. Li Ka̱cuaꞌ, aꞌan li ta̱tenkꞌa̱nk e̱re ut aꞌan li ta̱colok e̱re. Aꞌan ta̱qꞌuehok e̱re chi numta̱c saꞌ xbe̱neb li xicꞌ nequeꞌiloc e̱re. Eb li xicꞌ nequeꞌiloc e̱re teꞌxcuikꞌib ribeb che̱ru xban xxiuheb ut la̱ex texnumta̱k saꞌ xbe̱neb lix tenamit li queꞌxnimobresi cuiꞌ ribeb.

Deuteronomio 15:15

Chijulticokꞌ e̱re chanru nak quexcuan chak la̱ex chokꞌ rahobtesinbil mo̱s aran Egipto ut li Ka̱cuaꞌ le̱ Dios quicoloc chak e̱re. Joꞌcan nak la̱in xinqꞌue e̱re li chakꞌrab aꞌin anakcuan.

Ezequiel 20:9

Abanan incꞌaꞌ quinba̱nu xban nak chiruheb laj Egipto la̱in quinye reheb laj Israel nak tincuisiheb Egipto. Incꞌaꞌ quicuaj nak ta̱isi̱k lin lokꞌal.

Salmos 40:5

At Ka̱cuaꞌ, at kaDios, numtajenak li usilal xaba̱nu ke. Ma̱ ani naru nacatkajuntakꞌe̱ta cuiꞌ. Junelic yo̱cat chi cꞌoxlac chikix. Nacuaj raj xyebal resil joꞌ qꞌuial xaba̱nu, abanan incꞌaꞌ ninru xyebal xban nak numtajenak cuiꞌchic la̱ cuusilal.

Apocalipsis 5:9

Queꞌxbicha jun li acꞌ bich ut queꞌxye: A̱cꞌulub xchapbal li botbil hu ut xtebal li sello xban nak la̱at catcamsi̱c. Riqꞌuin la̱ quiqꞌuel xalokꞌeb nabal re nak teꞌoc chokꞌ ralal xcꞌajol li Dios. Yalak ani xacoleb aꞌ yal ani xte̱paleb xxeꞌto̱nil yucuaꞌeb, ut aꞌ yal bar xtenamiteb ut aꞌ yal chanru li ra̱tinoba̱leb.

Tito 2:14

Aꞌan quixkꞌaxtesi rib chi ca̱mc saꞌ kacꞌabaꞌ la̱o re nak tocolekꞌ chiru li ma̱usilal. Quixba̱nu aꞌan re xti̱cobresinquil li kachꞌo̱l ut re nak chikaqꞌuehak kachꞌo̱l chixba̱nunquil li us.

Efesios 1:6

Joꞌcan nak chikalokꞌonihak ru li Dios xban nak yal chi ma̱tan quiruxta̱na ku nak quixtakla chak li Ralal li kꞌaxal raro xban.

Salmos 145:6

Eb li tenamit teꞌxye resil li cꞌaꞌru caba̱nu riqꞌuin la̱ cuanquil. Ut la̱in tinye resil nak kꞌaxal nim la̱ cuanquilal.

Salmos 65:5

At kaDios, at aj Colol ke, riqꞌuin xni̱nkal ru usilal nacasume li cꞌaꞌru nakatzꞌa̱ma a̱cue, ut nacaqꞌue ke saꞌ ti̱quilal. Li cuanqueb saꞌ chixjunil li ruchichꞌochꞌ, junes a̱cuiqꞌuin nequeꞌyoꞌonin joꞌqueb ajcuiꞌ li cuanqueb toj jun pacꞌal li ni̱nki palau.

1 Crónicas 17:21

Ma̱ jun chic tenamit cuan saꞌ ruchichꞌochꞌ joꞌ la̱ tenamit Israel. At Ka̱cuaꞌ, la̱at catcoloc reheb re nak teꞌoc chokꞌ a̱tenamit. La̱at caba̱nu milagros ut sachba chꞌo̱lej nak cacuisiheb li jalanil tenamit saꞌ lix naꞌajeb la̱ tenamit li cacoleb nak cacuisiheb chak Egipto. Caba̱nu aꞌan re xcꞌutbesinquil nak la̱at kꞌaxal nim la̱ cuanquil.

Josué 7:9

Nak teꞌrabi eb laj cananeo ut chixjunileb li cuanqueb saꞌ li naꞌajej aꞌin li cꞌaꞌru xkacꞌul, ma̱re teꞌxchꞌutub chak rib ut teꞌcha̱lk chi pletic kiqꞌuin ut ma̱re ma̱ ani chic ke ta̱colekꞌ. Cui joꞌcan takacꞌul, ¿cꞌaꞌru ta̱ba̱nu la̱at re xcolbal rix la̱ lokꞌal? chan.

Éxodo 12:12

Saꞌ li kꞌojyi̱n aꞌan la̱in tincuulak saꞌ li tenamit Egipto ut tincamsiheb chixjunileb li xbe̱n alalbej saꞌ xya̱nkeb laj Egipto, joꞌcan ajcuiꞌ li xbe̱n ral li queto̱mk. Ut la̱in tinrakok a̱tin saꞌ xbe̱neb lix dioseb li nequeꞌxlokꞌoni laj Egipto. La̱in li Ka̱cuaꞌ Dios.

Éxodo 9:16

Abanan la̱in incꞌaꞌ xinqꞌue li yajel aꞌan saꞌ e̱be̱n xban nak xcuaj xcꞌutbal lin cuanquil che̱ru. Ut re ajcuiꞌ nak te̱ye cuesilal saꞌ ruchichꞌochꞌ.

1 Pedro 2:9

La̱ex sicꞌbil e̱ru xban li Dios. Sicꞌbil e̱ru chi cꞌanjelac chiru li Dios joꞌ nak nequeꞌcꞌanjelac laj tij. La̱ex lix tenamit li Dios ut santobresinbilex. La̱ex chic ralal xcꞌajol li Dios. Sicꞌbil e̱ru chixyebal resil lix nimal xcuanquilal li Dios. Li Dios quexrisi saꞌ xkꞌojyi̱nal ru li ma̱c ut anakcuan cuanquex chic saꞌ xcutan xsaken.

Salmos 66:3

Joꞌcaꞌin te̱ye re li Dios: —Sachba chꞌo̱lej rilbal li cꞌaꞌru nacaba̱nu. Xban xnimal la̱ cuanquilal, eb li xicꞌ nequeꞌiloc a̱cue teꞌxcuikꞌib ribeb cha̱cuu.

Salmos 106:22

Nabal li milagros quilajxba̱nu aran Egipto saꞌ lix tenamit laj Cam. Sachba chꞌo̱lej quixba̱nu saꞌ li Caki Palau.

Números 6:27

Joꞌcaꞌin nak teꞌxya̱ba lin cꞌabaꞌ saꞌ xbe̱neb laj Israel. Ut la̱in tincuosobtesiheb, chan li Dios.

Jeremías 32:21

Riqꞌuin sachba chꞌo̱lej ut milagro cacuisiheb chak la̱ tenamit Israel aran Egipto. Riqꞌuin la̱ cuanquil cacꞌut la̱ joskꞌil chiruheb li xicꞌ nequeꞌiloc a̱cue ut caqꞌue xxiuheb.

Éxodo 6:7

La̱in texinqꞌue chokꞌ intenamit. La̱inak le̱ Dios. La̱ex te̱nau nak la̱in li nimajcual Dios li ta̱isi̱nk e̱re saꞌ li cacuil trabaj saꞌ rukꞌeb laj Egipto.

Éxodo 9:15

Cui ta la̱in xcuaj, xinqꞌue raj jun nimla yajel saꞌ e̱be̱n ut xex-osoꞌ raj. Ut xexcuisi raj chi junaj cua saꞌ ruchichꞌochꞌ.

Éxodo 33:16

Cui incꞌaꞌ tatcua̱nk kiqꞌuin, ¿chanru nak ta̱cꞌutu̱nk chiruheb li jalan xtenamiteb nak la̱o xkacꞌam kib saꞌ usilal a̱cuiqꞌuin? Cui la̱at tatcua̱nk kiqꞌuin, chixjunileb li tenamit saꞌ ruchichꞌochꞌ teꞌxnau nak la̱o sicꞌbil ku a̱ban, chan laj Moisés.

2 Samuel 7:24

La̱at catsicꞌoc ruheb laj Israel re nak aꞌanakeb la̱ tenamit chi junelic. Ut la̱at, at Ka̱cuaꞌ, la̱atak lix Dioseb.

Salmos 44:3

Eb li kaxeꞌto̱nil yucuaꞌ incꞌaꞌ queꞌre̱chani li naꞌajej riqꞌuin li ple̱t queꞌxba̱nu chi moco xban xcuanquileb. La̱at ban cattenkꞌan reheb riqꞌuin la̱ cuanquilal xban nak cacuil xtokꞌoba̱l ruheb ut cacuuxta̱na ruheb.

Jeremías 32:20

Caba̱nu li sachba chꞌo̱lej ut li milagros aran Egipto. Ut chalen toj anakcuan yo̱cat chixba̱nunquil li sachba chꞌo̱lej arin Israel ut saꞌ chixjunil li ruchichꞌochꞌ. Joꞌcan nak naqꞌueheꞌ a̱lokꞌal toj chalen anakcuan.