2 Samuel 7:22 - Li Santil hu

²² At nimajcual Dios, kꞌaxal nim la̱ cuanquilal. Ma̱ jun chic nim xcuanquil joꞌ la̱at. Ma̱ jun chic Dios cuan. Caꞌaj cuiꞌ la̱at, joꞌ ac kabiom resil.

Q'eqchi Bible

²² Q'axal nim laawankil, at Qaawa'. Maajun junaq jo' laa'at, maak'a' chik junaq yos chawu; ka'ajwi' laa'at, jo' ak qab'ihom resil.

2 Samuel 7:22 ပူးပေါင်းရင်းမြစ်များ

Salmos 86:10

Teꞌxqꞌue a̱lokꞌal xban nak kꞌaxal nim a̱cuanquil ut sachba chꞌo̱lej li nalaja̱ba̱nu. Caꞌaj cuiꞌ la̱at li tzꞌakal Dios.

Salmos 86:8

At Ka̱cuaꞌ, ma̱cꞌaꞌ chic junak Dios joꞌ la̱at. Ma̱cꞌaꞌ chic junak Dios naru tixba̱nu li cꞌaꞌru nacaba̱nu la̱at.

Éxodo 15:11

Ma̱cꞌaꞌ chic junak dios joꞌ la̱at, at Ka̱cuaꞌ. Ma̱ ani chic junak cuan xti̱quilal joꞌ la̱ ti̱quilal la̱at. Ma̱ ani chic junak nim xcuanquil joꞌ la̱ nimajcual cuanquilal la̱at. Ma̱ ani chic junak naru ta̱ba̱nu̱nk re li sachba chꞌo̱lej xaba̱nu la̱at.

Miqueas 7:18

Ma̱ jun chic li Dios cuan. Caꞌaj cuiꞌ la̱at. La̱at nacatcuyuc ma̱c ut nasach saꞌ a̱chꞌo̱l lix ma̱queb la̱ tenamit Israel, li joꞌ qꞌuial chic li incꞌaꞌ queꞌsacheꞌ. La̱at incꞌaꞌ nacatjoskꞌoꞌ chi junaj cua. Nasahoꞌ ban saꞌ a̱chꞌo̱l chi uxta̱na̱nc u.

1 Crónicas 16:25

Kꞌaxal nim xcuanquil li nimajcual Dios ut xcꞌulub nak takaqꞌue xlokꞌal. Aꞌan li tento ta̱xucuak ru xban nak aꞌan li kꞌaxal nim xcuanquil chiruheb chixjunileb li jalanil dios.

Isaías 45:5

La̱in li Ka̱cuaꞌ. Ma̱ jun chic dios cuan. Caꞌaj cuiꞌ la̱in. La̱in tatincauresi re tatxic chixba̱nunquil li cꞌanjel xinteneb saꞌ a̱be̱n usta incꞌaꞌ nacanau cuu.

Deuteronomio 3:24

At nimajcual Dios, la̱in aj cꞌanjel cha̱cuu. Xatiquib xcꞌutbal la̱ cuanquilal chicuu. Ninnau nak kꞌaxal nim la̱ cuanquil xban nak ma̱cꞌaꞌ chic junak dios tixba̱nu joꞌ nacaba̱nu la̱at. Ma̱ jun cuan, chi moco saꞌ choxa, chi moco saꞌ ruchichꞌochꞌ.

1 Samuel 2:2

Ut quixye ajcuiꞌ: —Ma̱cꞌaꞌ chic junak Dios santo joꞌ li nimajcual Dios. Ma̱ ani naru nacoloc ke. Caꞌaj cuiꞌ li Ka̱cuaꞌ. Ma̱ ani chic junak joꞌ aꞌan.

Salmos 89:8

At Ka̱cuaꞌ, at nimajcual Dios, ma̱ ani chic junak joꞌ la̱at. Kꞌaxal nim la̱ cuanquil, at Ka̱cuaꞌ, ut numtajenak la̱ cha̱bilal.

Salmos 89:6

Ma̱cꞌaꞌ chic junak dios cha̱cuu la̱at. ¿Ma cuan ta biꞌ junak saꞌ choxa naru xjuntakꞌe̱tanquil a̱cuiqꞌuin la̱at?

Salmos 96:4

Kꞌaxal nim xcuanquil li nimajcual Dios ut xcꞌulub nak takaqꞌue xlokꞌal. Aꞌan li tento ta̱xucua̱k ru xban nak aꞌan li kꞌaxal nim xcuanquil chiruheb chixjunileb li jalanil dios.

Deuteronomio 4:35

Li Ka̱cuaꞌ quixba̱nu chixjunil aꞌin re xcꞌutbal che̱ru nak aꞌan li tzꞌakal Dios. Ut ma̱cꞌaꞌ chic junak Dios. Caꞌaj cuiꞌ aꞌan.

Isaías 40:18

¿Ani te̱juntakꞌe̱ta cuiꞌ li Dios? ¿Ma ta̱ru̱k ta biꞌ te̱juntakꞌe̱ta riqꞌuin junak li jalam u̱ch?

Salmos 48:1

Kꞌaxal nim lix cuanquil li Ka̱cuaꞌ ut xcꞌulub nak teꞌxqꞌue lix lokꞌal saꞌ lix tenamit li kaDios ut saꞌ li santil tzu̱l Sión xcꞌabaꞌ.

Salmos 145:3

Kꞌaxal nim xcuanquil li nimajcual Dios ut xcꞌulub nak takaqꞌue xlokꞌal. Ut ma̱ ani naru nataꞌoc ru lix nimal xcuanquilal.

Salmos 135:5

La̱in ninnau nak kꞌaxal nim xcuanquil li nimajcual Dios. Aꞌan li kꞌaxal nim xcuanquil chiruheb chixjunileb li jalanil dios.

Salmos 44:1

At kaDios, ac xkabi resil li joꞌ qꞌuial caba̱nu chak najter. Eb li kanaꞌ kayucuaꞌ queꞌxserakꞌi ke chanru nak catenkꞌaheb chak najter.

Ezequiel 36:22

Joꞌcan ut ye reheb li tenamit Israel: Joꞌcaꞌin ninye la̱in li nimajcual Dios. Ma̱cuaꞌ xban nak e̱cꞌulub la̱ex aj Israel nak tinba̱nu li us e̱re; re ban xqꞌuebal xcuanquil lin santil cꞌabaꞌ xban nak xemux ru lin cꞌabaꞌ chiruheb li tenamit bar xexcuan cuiꞌ chak.

Isaías 45:22

Cha̱lkex cuiqꞌuin re nak texcolekꞌ che̱junilex li cuanquex saꞌ ruchichꞌochꞌ xban nak la̱in li tzꞌakal Dios ut ma̱cꞌaꞌ chic junak dios. Caꞌaj cuiꞌ la̱in.

Isaías 45:18

Li Ka̱cuaꞌ li quiyi̱ban re li choxa, aꞌan li Ka̱cuaꞌ li tzꞌakal Dios. Aꞌan li quixakaban re li ruchichꞌochꞌ saꞌ xnaꞌaj. Aꞌan incꞌaꞌ quixyi̱b li ruchichꞌochꞌ re nak ta̱cua̱nk chi ma̱cꞌaꞌ cua̱nk chi saꞌ. Quixyi̱b ban re nak cua̱nk xnaꞌajeb li cristian. Aꞌan li quiyehoc re: —La̱in li Ka̱cuaꞌ Dios. Ma̱cꞌaꞌ chic junak dios chicuu la̱in.

Isaías 40:25

¿Cꞌaꞌru aj iqꞌuin tine̱juntakꞌe̱ta? ¿Ani aj iqꞌuin tine̱juntakꞌe̱ta? chan li Dios santo.

2 Crónicas 2:5

Li templo oc cue chixyi̱banquil, aꞌan kꞌaxal nim xban nak li kaDios, aꞌan li kꞌaxal nim xcuanquil saꞌ xbe̱neb chixjunileb li yi̱banbil dios.

Deuteronomio 32:39

¿Ma incꞌaꞌ nequenau nak la̱in li Ka̱cuaꞌ Dios? Ma̱cꞌaꞌ chic junak dios chicuu la̱in. Caꞌaj cuiꞌ la̱in. La̱in nincamsin ut la̱in ninqꞌuehoc yuꞌam. La̱in ninqꞌuehoc raylal ut la̱in ninbanoc. Ut ma̱ ani ta̱ru̱k tixcol rib saꞌ cuukꞌ.

Ezequiel 36:32

La̱ex aj Israel, chenauhak nak moco xban ta nak e̱cꞌulub nak yo̱quin chixba̱nunquil li usilal aꞌin. Chexxuta̱na̱k ban ut chisachk e̱chꞌo̱l xban li incꞌaꞌ us xeba̱nu. La̱in li Ka̱cuaꞌ ninyehoc re aꞌin, chan li Dios.

Éxodo 10:2

Chi joꞌcan la̱ex te̱ye reheb le̱ ralal e̱cꞌajol chanru xinba̱nu riqꞌuineb laj Egipto nak xincꞌutbesi lin cuanquilal chiruheb. La̱ex te̱nau nak relic chi ya̱l nak la̱in li Ka̱cuaꞌ Dios, chan.

Éxodo 8:10

Laj faraón quixye: —Cuulaj ajcuiꞌ ta̱ba̱nu.— Ut laj Moisés quixye re: —Cuulaj ajcuiꞌ ta̱uxma̱nk li cꞌaꞌru yo̱cat chixtzꞌa̱manquil re nak ta̱cuil nak ma̱cꞌaꞌ chic junak Dios joꞌ li Ka̱cuaꞌ Dios, li nakalokꞌoni la̱o.

Éxodo 9:14

Ut anakcuan tintakla cuiꞌchic jun raylal saꞌ a̱be̱n joꞌ ajcuiꞌ saꞌ xbe̱neb la̱ mo̱s ut saꞌ xbe̱neb ajcuiꞌ chixjunil li tenamit re nak chi joꞌcan ta̱nau nak ma̱ ani chic junak Dios saꞌ ruchichꞌochꞌ joꞌ la̱in.

1 Reyes 8:23

Quixye: —At Ka̱cuaꞌ, at kaDios la̱o aj Israel, ma̱cꞌaꞌ junak chic Dios joꞌ la̱at, chi moco saꞌ choxa, chi moco saꞌ ruchichꞌochꞌ. La̱at nacaba̱nu li cꞌaꞌru nacayechiꞌi. Ut nacacuuxta̱na ruheb li nequeꞌcꞌanjelac cha̱cuu chi anchaleb xchꞌo̱l ut nequeꞌcuan saꞌ ti̱quilal cha̱cuu.

Daniel 2:45

La̱at xacuil chanru nak li pec qui-el saꞌ li u̱l chi ma̱ ani xcutuc re. Xacuil ajcuiꞌ chanru nak quimuchꞌeꞌ li jalam u̱ch yi̱banbil riqꞌuin hierro, bronce, saklun, plata ut oro. At rey, li nimajcual Dios yo̱ chixyebal a̱cue cꞌaꞌru ta̱cꞌulma̱nk saꞌ eb li cutan cha̱lel. La̱in xinye a̱cue cꞌaꞌru la̱ matcꞌ ut xinye ajcuiꞌ a̱cue cꞌaꞌru lix ya̱lal, chan laj Daniel.

Éxodo 8:6

Tojoꞌnak laj Aarón quixyeꞌ lix xukꞌ saꞌ xbe̱neb chixjunileb li haꞌ. Ut queꞌel chak li amoch ut quilajeꞌtam saꞌ li tenamit Egipto.

Deuteronomio 4:39

Joꞌcan nak junelic cua̱nk saꞌ e̱chꞌo̱l nak li Ka̱cuaꞌ, aꞌan li nimajcual Dios, joꞌ saꞌ choxa joꞌ saꞌ ruchichꞌochꞌ. Ma̱ jun chic Dios cuan. Caꞌaj cuiꞌ aꞌan.

2 Samuel 22:32

¿Ma cuan ta biꞌ chic junak Dios joꞌ li kaDios la̱o? ¿Ma incꞌaꞌ ta biꞌ caꞌaj cuiꞌ li kaDios naru nacoloc ke?