2 Samuel 7:21 - Li Santil hu

²¹ La̱at xaba̱nu chixjunil li xni̱nkal ru naꞌleb aꞌin joꞌ xaye ut joꞌ xacuaj la̱at. Ut anakcuan la̱at xaye cue re nak la̱in tinnau.

Q'eqchi Bible

²¹ “Xab'aanu chixjunileb' li sachb'ach'oolej a'in, jo' xaye ut xwulak chawu, re naq laa'in teb'innaw.

2 Samuel 7:21 ပူးပေါင်းရင်းမြစ်များ

Salmos 115:1

At Ka̱cuaꞌ, la̱at taxak chiqꞌuehekꞌ a̱lokꞌal. Ma̱cuaꞌ taxak la̱o. La̱at taxak chiqꞌuehekꞌ a̱lokꞌal xban nak la̱at li nacatcꞌutuc lix ya̱lal chiku ut la̱at li nacat-uxta̱nan ku.

Efesios 3:11

Ac cꞌu̱banbil chak junxil chi joꞌcaꞌin xban li Dios nak li Ka̱cuaꞌ Jesucristo tixjunajiheb ru li ralal xcꞌajol.

Efesios 1:9

Ut quixcꞌutbesi chiku li naꞌleb li mukmu nak quicuan chak junxil, aꞌ li qui-ala saꞌ xchꞌo̱l xba̱nunquil nak quixtakla chak li Jesucristo.

1 Corintios 1:1

La̱in laj Pablo. Sicꞌbil chak cuu xban li Dios re nak tincꞌanjelak chokꞌ x-apóstol li Jesucristo xban nak joꞌcan quiraj li Dios. Cuochben laj Sóstenes li cuech aj pa̱banelil.

San Lucas 12:32

Mexxucuac ex cualal incꞌajol. Usta incꞌaꞌ qꞌuihex, abanan le̱ yucuaꞌ cuan saꞌ choxa cꞌojcꞌo xchꞌo̱l chixqꞌuebal e̱re lix nimajcual cuanquilal.

Salmos 138:2

Nak tincuikꞌib cuib cha̱lokꞌoninquil, tin-ilok cuan cuiꞌ la̱ santil templo. Tinqꞌue a̱lokꞌal xban nak kꞌaxal cha̱bilat ut kꞌaxal nim la̱ cuuxta̱n. Tinqꞌue a̱lokꞌal xban nak kꞌaxal nim xcuanquil la̱ cꞌabaꞌ ut kꞌaxal nim xcuanquil la̱ cua̱tin chiruheb chixjunil li cꞌaꞌak re ru.

San Lucas 10:21

Saꞌ li ho̱nal aꞌan li Jesús quirecꞌa xsahil xchꞌo̱l xban li Santil Musikꞌej. Quitijoc ut quixye: —At inYucuaꞌ, la̱at laj e̱chal re li choxa joꞌ ajcuiꞌ li ruchichꞌochꞌ. Ninbantioxi cha̱cuu xban nak xamuk lix ya̱lal chiruheb li tzolbileb ut li cuanqueb xnaꞌleb. Ut xacꞌut lix ya̱lal chiruheb li cubenakeb xcuanquil. Chanchaneb cocꞌal. Xaba̱nu chi joꞌcan xban nak joꞌcan xcuulac cha̱cuu la̱at, chan li Jesús nak quitijoc.

San Lucas 1:72

Quixye nak ta̱ruxta̱na ruheb li kaxeꞌto̱nil yucuaꞌ xban nak jultic re li quixye saꞌ li santil contrato.

San Mateo 24:35

Li choxa ut li ruchichꞌochꞌ talajeꞌosokꞌ. Abanan li cua̱tin incꞌaꞌ ta̱cana̱k yal chi joꞌcan chi incꞌaꞌ ta ta̱cꞌulma̱nk chixjunil li cꞌaꞌak re ru xinye.

San Mateo 11:26

Xaba̱nu chi joꞌcan xban nak joꞌcan xcuulac cha̱cuu, chan li Jesús nak quitijoc.

Deuteronomio 9:5

Moco xban ta xti̱quilal le̱ chꞌo̱l nak li Dios tixqꞌue chere̱chani li naꞌajej aꞌan. Ta̱risiheb ban xban nak kꞌaxal yibru lix naꞌlebeb ut xban ajcuiꞌ nak tento tixba̱nu li cꞌaꞌru quixyechiꞌi riqꞌuin juramento reheb le̱ xeꞌto̱nil yucuaꞌ, laj Abraham, laj Isaac, ut laj Jacob.

Números 23:19

Li Dios moco cui̱nk ta. Li Dios incꞌaꞌ naticꞌtiꞌic chi moco naxjal xcꞌaꞌux. Junelic naxba̱nu li cꞌaꞌru naxye. Ut junelic naxba̱nu li cꞌaꞌru naxyechiꞌi.

Efesios 4:32

Cha̱bilakex che̱ribil e̱rib. Cheruxta̱na e̱ru chi ribil e̱rib. Ut checuyak e̱ma̱c chi ribil e̱rib joꞌ nak li Dios quixcuy e̱ma̱c saꞌ xcꞌabaꞌ li Cristo.

1 Crónicas 17:19

At Ka̱cuaꞌ, xban nak niquina̱ra, saꞌ a̱chꞌo̱l x-ala chak nak xaba̱nu lix ni̱nkal ru naꞌleb aꞌin cuiqꞌuin. Xaba̱nu ajcuiꞌ chi joꞌcan re nak ta̱cꞌutu̱nk li sachba chꞌo̱lej li nacaba̱nu.