2 Samuel 7:2 - Li Santil hu

² Laj David quixye re li profeta Natán: —¡Qꞌue retal! La̱in cuanquin saꞌ cha̱bil cab yi̱banbil riqꞌuin li cheꞌ chacalteꞌ. Abanan li muheba̱l li cuan cuiꞌ lix Lokꞌlaj Ca̱x li Ka̱cuaꞌ, aꞌan yal riqꞌuin tꞌicr yi̱banbil, chan.

Q'eqchi Bible

² li awab'ej kixye re li propeet Natán: “K'e reetal, laa'in wankin sa' jun li ochoch yiib'anb'il rik'in yaw, ab'an li xLoq'laj Kaax li Yos wank sa' tz'uumil muheb'aal”, chan.

2 Samuel 7:2 ပူးပေါင်းရင်းမြစ်များ

2 Samuel 5:11

Laj Hiram, li rey re li tenamit Tiro, quixtaklaheb lix takl riqꞌuin laj David. Quixtakla ajcuiꞌ li cha̱bil cheꞌ chacalteꞌ ut quixtaklaheb laj pechꞌ ut laj tzꞌac. Queꞌxyi̱b chi cha̱bil li rochoch laj David.

2 Samuel 12:1

Li Ka̱cuaꞌ quixtakla li profeta Natán riqꞌuin laj David. Nak quicuulac riqꞌuin, laj Natán quixye re: —Queꞌcuan cuib li cui̱nk saꞌ jun li tenamit. Jun li cui̱nk biom ut li jun chic nebaꞌ.

Hechos 7:46

Laj David quixba̱nu li cꞌaꞌru quiraj li Dios, ut li Dios quisahoꞌ xchꞌo̱l riqꞌuin. Quixtzꞌa̱ma chiru li Dios nak tixyi̱b li templo bar teꞌxlokꞌoni cuiꞌ li Dios li quixlokꞌoni laj Jacob.

San Juan 2:17

Tojoꞌnak quinak saꞌ xchꞌo̱leb lix tzolom nak tzꞌi̱banbil retalil saꞌ li Santil Hu li naxye chi joꞌcaꞌin: La̱in ninra la̱ cuochoch ut narahoꞌ saꞌ inchꞌo̱l nak nequeꞌxba̱nu li incꞌaꞌ us saꞌ la̱ cuochoch. (Sal. 69:9)

Hageo 1:4

—¿Ma xkꞌehil ta biꞌ chokꞌ e̱re la̱ex nak texcua̱nk saꞌ cha̱bil cab ut lix templo li Ka̱cuaꞌ incꞌaꞌ nequecꞌoxla xyi̱banquil?

1 Crónicas 29:29

Chixjunil li quilajxba̱nu laj David, chalen saꞌ xticlajic nak qui-oc chokꞌ rey ut toj nak quixrak lix cꞌanjel tzꞌi̱banbil retal saꞌ lix hu li profeta Samuel ut tzꞌi̱banbil ajcuiꞌ retalil saꞌ eb lix hu li profeta Natán ut li profeta Gad.

1 Crónicas 16:1

Joꞌcaꞌin nak queꞌxcꞌam lix Lokꞌlaj Ca̱x li Ka̱cuaꞌ ut queꞌxqꞌue saꞌ xyi li muheba̱l li quixyi̱b laj David. Queꞌxcꞌat li mayejanbil xul chiru li Ka̱cuaꞌ ut queꞌxqꞌue xmayej re xcꞌambaleb rib saꞌ usilal riqꞌuin li Ka̱cuaꞌ.

Salmos 132:5

Incꞌaꞌ tinhila̱nk toj tintau xnaꞌaj li Lokꞌlaj Ca̱x li nahilan cuiꞌ li nimajcual Dios. Tento ta̱cua̱nk xnaꞌaj li nimajcual Dios li quixlokꞌoni laj Jacob, chan.

2 Crónicas 1:4

Abanan lix Lokꞌlaj Ca̱x li Ka̱cuaꞌ cuan Jerusalén saꞌ li muheba̱l li quixyi̱b laj David nak quixcꞌam chak li Lokꞌlaj Ca̱x toj Quiriat-jearim.

1 Crónicas 14:1

Laj Hiram lix reyeb laj Tiro quixtaklaheb lix takl riqꞌuin laj David. Ut quixtaklaheb ajcuiꞌ laj tzꞌac ut eb laj pechꞌ joꞌ ajcuiꞌ li cha̱bil cheꞌ chacalteꞌ re nak teꞌxyi̱b chi cha̱bil li rochoch.

2 Samuel 7:17

Li profeta Natán quixye re laj David chixjunil li cꞌaꞌru quiyeheꞌ re ut li cꞌaꞌru quicꞌutbesi̱c chiru saꞌ visión xban li Ka̱cuaꞌ.

2 Samuel 6:17

Queꞌxcꞌam lix Lokꞌlaj Ca̱x li Ka̱cuaꞌ ut queꞌxqꞌue saꞌ xnaꞌaj saꞌ xyi li muheba̱l li quixyi̱b laj David. Ut laj David quixcꞌat li mayejanbil xul chiru li Ka̱cuaꞌ ut quixqꞌue xmayej re xcꞌambal ribeb saꞌ usilal riqꞌuin li Ka̱cuaꞌ.

Éxodo 40:21

Laj Moisés quirocsi li Lokꞌlaj Ca̱x chi saꞌ li tabernáculo ut quixqꞌue jun li nimal tꞌicr re xrambal li Lokꞌlaj Ca̱x. Quixba̱nu joꞌ quixye li Dios.

2 Samuel 11:11

Laj Urías quixye re: —Eb li soldados aj Israel ut eb laj Judá najt cuanqueb chak saꞌ li ple̱t. Li Lokꞌlaj Ca̱x cuan rochbeneb. Laj Joab li nataklan saꞌ inbe̱n joꞌ eb ajcuiꞌ li nequeꞌtaklan saꞌ xbe̱neb li soldados yo̱queb chi cua̱rc yal saꞌ muheba̱l yi̱banbil riqꞌuin rukꞌ cheꞌ. ¿Cꞌaꞌut nak tinxic la̱in saꞌ cuochoch chi cuaꞌac ut chi cua̱nc riqꞌuin li cuixakil? Saꞌ a̱cꞌabaꞌ la̱at, at rey, la̱in ninye nak incꞌaꞌ tinba̱nu aꞌan, chan.

1 Reyes 1:22

Toj yo̱ ajcuiꞌ chi a̱tinac lix Betsabé nak quicuulac li profeta Natán riqꞌuin li rey.

1 Reyes 8:17

Ut laj Salomón quixye ajcuiꞌ: —Laj David lin yucuaꞌ qui-ala saꞌ xchꞌo̱l xyi̱banquil jun li templo re teꞌxlokꞌoni cuiꞌ li Ka̱cuaꞌ lix Dios eb laj Israel.

1 Crónicas 22:7

Ut quixye re: —At cualal, la̱in quicuaj raj xyi̱banquil lix templo li Ka̱cuaꞌ lin Dios.

2 Crónicas 9:29

Chixjunil li quixba̱nu li rey Salomón chalen saꞌ xticlajic toj saꞌ rosoꞌjic tzꞌi̱banbil retalil saꞌ eb li hu li queꞌxtzꞌi̱ba li profeta Natán, li profeta Ahías Silón xtenamit, ut li profeta Iddo li quiyehoc re li cꞌaꞌru tixcꞌul laj Jeroboam li ralal laj Nabat.

2 Crónicas 29:25

Ut li rey Ezequías quixqꞌueheb cuiꞌchic laj levita saꞌ lix templo li Dios re teꞌcuajbak riqꞌuin li sursu̱quil chꞌi̱chꞌ, li salterio ut li arpa. Queꞌxba̱nu joꞌ quicꞌuteꞌ chiruheb xban li rey David ut xban laj Gad lix profeta li Dios li quicꞌanjelac chiru laj David, joꞌ ajcuiꞌ li profeta Natán. Queꞌxba̱nu chi joꞌcan xban nak li Dios quixye reheb lix profeta nak joꞌcan teꞌxba̱nu.

1 Reyes 1:8

Abanan laj Sadoc laj tij ut laj Benaía li ralal laj Joiada incꞌaꞌ queꞌoquen chirix laj Adonías. Ut li profeta Natán ut laj Simei ut laj Rei incꞌaꞌ queꞌoquen chirix. Joꞌcaneb ajcuiꞌ lix soldado laj David, li kꞌaxal cha̱bileb.

1 Reyes 4:5

Laj Azarías li ralal laj Natán, aꞌan li kꞌaxal nim xcuanquil saꞌ xbe̱neb li nequeꞌtaklan. Ut laj Zabud, aꞌan jun chic ralal laj Natán, aꞌan li quiqꞌuehoc xnaꞌleb li rey ut tzꞌakal rami̱g.

Salmos 132:2

Chijulticokꞌ taxak a̱cue li juramento li quixba̱nu a̱cuiqꞌuin la̱at li nimajcual Dios li quixlokꞌoni laj Jacob.