2 Samuel 7:15 - Li Santil hu

¹⁵ Abanan incꞌaꞌ tincanab ruxta̱nanquil ru joꞌ nak quincanab ruxta̱nanquil ru laj Saúl. Quicuisi saꞌ xcuanquil re nak la̱at chic tat-oc chokꞌ rey.

Q'eqchi Bible

¹⁵ Ab'anan ink'a' tinkanab' xraab'al ut ruxtaanankil ru jo' kinb'aanu re laj Saúl li kiwisi sa' xwankil re naq laa'ataq chik reeqaj a'an.

2 Samuel 7:15 ပူးပေါင်းရင်းမြစ်များ

1 Samuel 15:23

Li xkꞌetbal xchakꞌrab li Dios, aꞌan nimla ma̱c joꞌ li kꞌehi̱nc. Ut li xtzꞌekta̱nanquil li ra̱tin li Dios, aꞌan nimla ma̱c ajcuiꞌ joꞌ li xlokꞌoninquil li yi̱banbil dios. Joꞌ nak la̱at xatzꞌekta̱na li ra̱tin li Ka̱cuaꞌ, joꞌcan ajcuiꞌ nak li Ka̱cuaꞌ xatxtzꞌekta̱na la̱at ut xatrisi saꞌ la̱ cuanquil. Incꞌaꞌ chic tatcꞌanjelak chokꞌ rey, chan laj Samuel.

Salmos 89:28

Junelic tinra aꞌan ut incꞌaꞌ ta̱sachk xcuanquil li contrato li xinba̱nu riqꞌuin.

1 Samuel 15:28

Laj Samuel quixye re laj Saúl: —Li Ka̱cuaꞌ quixmakꞌ cha̱cuu la̱ cuanquil anakcuan ut quixqꞌue re jun chic kꞌaxal cha̱bil cha̱cuu la̱at.

Isaías 9:7

Ta̱nima̱k lix nimajcual cuanquilal ut li tuktu̱quil usilal ma̱cꞌaꞌak rosoꞌjic. Ta̱cꞌojla̱k saꞌ xcꞌojariba̱l laj David ut tixxakab lix cuanquil saꞌ xya̱lal ut saꞌ ti̱quilal chalen anakcuan ut chi junelic. Li nimajcual Dios tixba̱nu chi joꞌcaꞌin xban nak joꞌcan quiraj.

1 Reyes 11:13

La̱ cualal incꞌaꞌ chic ta̱takla̱nk saꞌ xbe̱neb chixjunileb li tenamit. Jun te̱peb ajcuiꞌ li ralal xcꞌajol laj Israel li tincanab rubel xcuanquil. Tinba̱nu chi joꞌcaꞌin xban nak ninra laj David laj cꞌanjel chicuu ut xban nak ninra li tenamit Jerusalén li sicꞌbil ru inban, chan li Ka̱cuaꞌ.

2 Samuel 7:14

La̱inak lix yucuaꞌ ut aꞌanak li cualal. Nak tixba̱nu li incꞌaꞌ us, la̱in tinkꞌusuk re, ut tinqꞌue chixtojbal xma̱c, joꞌ nak naxkꞌus ut naxqꞌue chi tzꞌu̱m li ralal junak yucuaꞌbej.

1 Samuel 16:14

Ut incꞌaꞌ chic quicuan lix musikꞌ li Dios riqꞌuin laj Saúl. Li Dios quixtakla jun li ma̱us aj musikꞌej chixchꞌiꞌchꞌiꞌinquil.

Isaías 37:35

La̱in tin-ilok re li tenamit ut la̱in ajcuiꞌ tincolok re. Tinba̱nu aꞌin saꞌ incꞌabaꞌ la̱in ut saꞌ xcꞌabaꞌ laj David li quicꞌanjelac chicuu” chan li Ka̱cuaꞌ.—

Salmos 89:34

Incꞌaꞌ tinsach xcuanquil li contrato li quinba̱nu riqꞌuin. Chi moco tinjal incꞌaꞌux riqꞌuin li cꞌaꞌru quinye re.

2 Samuel 7:16

Junelic teꞌcua̱nk a̱cualal a̱cꞌajol, ut aꞌaneb li teꞌoc chokꞌ rey mokon chi junelic kꞌe cutan. Ut la̱ cuanquil xakxo̱k saꞌ xnaꞌaj chi junelic,” chan li Ka̱cuaꞌ.

Isaías 55:3

Cha̱lkex cuiqꞌuin. Cherabihak li cꞌaꞌru ninye. Cheba̱nuhak li cꞌaꞌru ninye ut ta̱cua̱nk e̱yuꞌam chi junelic. La̱in tinba̱nu jun li contrato e̱riqꞌuin. Texcuosobtesi chi junelic joꞌ xinyechiꞌi re laj David junxil.

1 Samuel 19:24

Ut laj Saúl quirisi lix tꞌicr li cuan saꞌ xbe̱n li rakꞌ joꞌ ajcuiꞌ lix chꞌi̱chꞌ re pletic. Ut qui-oc chi xajoc ut chixjapbal re chiru laj Samuel. Ut joꞌcan quixnumsi li cutan ut li kꞌojyi̱n. Chalen aꞌan quiticla xyebal: “¿Ma xcomoneb li profeta laj Saúl?” chanqueb.

Salmos 89:33

Abanan junelic tinra laj David ut junelic tinba̱nu li cꞌaꞌru xinyechiꞌi re.

Salmos 89:49

At Ka̱cuaꞌ, ¿ma incꞌaꞌ chic nacat-uxta̱nan u joꞌ caba̱nu najter? ¿Ma incꞌaꞌ jultic a̱cue li cayechiꞌi re laj David riqꞌuin xti̱quilal a̱chꞌo̱l?

1 Samuel 15:26

Laj Samuel quixye re: —Incꞌaꞌ tinxic cha̱cuix xban nak xatzꞌekta̱na li ra̱tin li Dios. Ut li Ka̱cuaꞌ xatxtzꞌekta̱na la̱at re nak incꞌaꞌ chic tatcua̱nk chokꞌ xreyeb laj Israel, chan.

Salmos 89:31

Cui nequeꞌxkꞌet li cua̱tin ut nequeꞌxmux ru lin chakꞌrab, la̱in tinqꞌueheb chixcꞌulbal li raylal.