2 Samuel 7:12 - Li Santil hu

¹² Nak ta̱cuulak xkꞌehil nak tatca̱mk, tatxic chi hila̱nc saꞌ xya̱nkeb la̱ xeꞌto̱nil yucuaꞌ. La̱in tinqꞌue chokꞌ a̱cue̱kaj jun reheb la̱ cualal. Ut tinxakab saꞌ xnaꞌaj lix cuanquilal.

Q'eqchi Bible

¹² Jo'kan ajwi' naq taawulaq xq'ehil laakamik ut tatq'ajq tatsutq'iiq rik'ineb' laaxe'toonil yuwa', tinxaqab' chi awab'ej jun reheb' laawalal aak'ajol li taa'elq chaq aawik'in, ut tink'e xkawilal li x'awab'ejihom chi junelik.

2 Samuel 7:12 ပူးပေါင်းရင်းမြစ်များ

Hechos 2:30

Laj David aꞌan jun profeta. Aꞌan quixnau nak li Dios quixye riqꞌuin juramento nak saꞌ xya̱nkeb li ralal xcꞌajol ta̱yoꞌla̱k li Cristo, ut aꞌan chic ta̱xakaba̱k chokꞌ rey.

1 Reyes 8:20

Ut anakcuan xtzꞌakloc ru li quixye chak li Ka̱cuaꞌ xban nak la̱in xin-oc chokꞌ re̱kaj lin yucuaꞌ. Ut xkꞌaxtesi̱c saꞌ cuukꞌ li cuanquilal re tintakla̱nk saꞌ xbe̱neb li tenamit. Anakcuan la̱in xinyi̱b li templo re takalokꞌoni cuiꞌ li Ka̱cuaꞌ li kaDios la̱o aj Israel.

1 Reyes 2:1

Nak ac ca̱mc re laj David, quixbok laj Salomón riqꞌuin ut quixchakꞌrabi riqꞌuin li a̱tin aꞌin:

Hechos 13:36

Relic chi ya̱l laj David nak toj yoꞌyo̱k quicꞌanjelac chiru lix tenamit joꞌ quiraj li Dios. Quicam ut quimukeꞌ chixcꞌatk lix xeꞌto̱nil yucuaꞌ ut quikꞌa lix tibel.

1 Crónicas 17:11

Nak ta̱cuulak xkꞌehil nak tatca̱mk, tatxic chi hila̱nc saꞌ xya̱nkeb la̱ xeꞌto̱nil yucuaꞌ. La̱in tinqꞌue chokꞌ a̱cue̱kaj jun reheb la̱ cualal. Ut tinxakab saꞌ xnaꞌaj lix cuanquilal.

Deuteronomio 31:16

Ut li Ka̱cuaꞌ quixye re laj Moisés: —La̱at tatxic chi hila̱nc a̱cuochbeneb la̱ xeꞌto̱nil yucuaꞌ. Chi se̱b li tenamit aꞌin teꞌxtiquib xlokꞌoninquileb li jalanil dios saꞌ li naꞌajej li teꞌxic cuiꞌ. Chanchanakeb chic li ixk li nequeꞌxcꞌayi ribeb. Tineꞌxtzꞌekta̱na ut teꞌxkꞌet li contrato li quinba̱nu riqꞌuineb.

1 Ts 4:14

La̱o nakapa̱b nak li Jesús quicam ut quicuacli cuiꞌchic chi yoꞌyo. Ut nakapa̱b ajcuiꞌ nak li joꞌ qꞌuialeb queꞌpa̱ban re li Cristo, li Dios tixcuaclesiheb cuiꞌchic chi yoꞌyo saꞌ xya̱nkeb li camenak ut tixcꞌameb chak rochben nak ta̱cha̱lk cuiꞌchic li Jesucristo.

1 Corintios 15:51

Nacuaj ajcuiꞌ nak te̱nau lix ya̱lal li mukmu nak quicuan chak junxil. Aꞌan aꞌin: moco chikajunilo ta la̱o aj pa̱banel toca̱mk, abanan chikajunilo tojalanokꞌ.

Isaías 11:10

Ta̱cuulak xkꞌehil nak saꞌ xya̱nkeb li ralal xcꞌajol laj Isaí ta̱cꞌulu̱nk jun li ta̱takla̱nk. Ut aꞌanak jun etalil chiruheb li tenamit. Chixjunileb teꞌsicꞌok re. Ut li tenamit li ta̱cua̱nk cuiꞌ kꞌaxal lokꞌak.

Isaías 9:7

Ta̱nima̱k lix nimajcual cuanquilal ut li tuktu̱quil usilal ma̱cꞌaꞌak rosoꞌjic. Ta̱cꞌojla̱k saꞌ xcꞌojariba̱l laj David ut tixxakab lix cuanquil saꞌ xya̱lal ut saꞌ ti̱quilal chalen anakcuan ut chi junelic. Li nimajcual Dios tixba̱nu chi joꞌcaꞌin xban nak joꞌcan quiraj.

1 Reyes 1:21

Cui la̱at incꞌaꞌ ta̱ye ani ta̱oc chokꞌ rey, teꞌxcamsi laj Salomón ut tineꞌxcamsi ajcuiꞌ la̱in, chan.

Daniel 12:2

Ut nabaleb li ac camenakeb teꞌcuacli̱k cuiꞌchic. Cuan li teꞌxcꞌul li yuꞌam chi junelic ut cuan li xuta̱nal teꞌxcꞌul nak teꞌxic saꞌ li tojba ma̱c chi junelic.

Salmos 89:29

Junes eb li ralal xcꞌajol teꞌoc chokꞌ rey chokꞌ ru̱chil aꞌan junelic kꞌe cutan.

Génesis 15:4

Ut li Ka̱cuaꞌ Dios quixye re laj Abram: —Ma̱cuaꞌ la̱ mo̱s ta̱e̱chani̱nk re. Relic chi ya̱l tinye a̱cue nak li ani ta̱e̱chani̱nk re li cꞌaꞌru cuan a̱cue, aꞌan li tzꞌakal la̱ cualal, chan li Dios.

San Mateo 1:1

Saꞌ li hu aꞌin tzꞌi̱banbil retalil joꞌ qꞌuialeb lix xeꞌ xto̱nal li Jesucristo. Li Jesucristo ralal xcꞌajol li rey David ut ralal xcꞌajol ajcuiꞌ laj Abraham.

San Lucas 1:32

Nimak xcuanquil nak ta̱cua̱nk ut chixjunileb teꞌnaꞌok re nak aꞌan tzꞌakal Ralal li Dios. Ut li Ka̱cuaꞌ ta̱qꞌuehok xcuanquil chi takla̱nc joꞌ nak quicuan chi takla̱nc li rey David lix xeꞌto̱nil yucuaꞌ.

San Lucas 24:27

Ut quixchꞌolob xya̱lal chiruheb chirix li cꞌaꞌru quixtzꞌi̱ba laj Moisés. Quixchꞌolob ajcuiꞌ lix ya̱lal li queꞌxtzꞌi̱ba chak li profeta chirix li Cristo li yechiꞌinbil xban li Dios joꞌ tzꞌi̱banbil saꞌ li Santil Hu.

1 Reyes 1:48

Li rey David quixye, “Lokꞌoninbil taxak li Ka̱cuaꞌ lix Dioseb laj Israel. Anakcuan la̱in xcuil nak li Ka̱cuaꞌ xxakab chokꞌ rey jun reheb li cualal incꞌajol chokꞌ cue̱kaj,” chan laj Jonatán.

1 Reyes 2:4

Cui tatcua̱nk saꞌ ti̱quilal chiru li Dios, li Dios tixba̱nu chixjunil li cꞌaꞌru quixyechiꞌi cue. Aꞌan quixye cue, “Cui eb la̱ cualal a̱cꞌajol teꞌcua̱nk saꞌ ti̱quilal chicuu ut cui teꞌxba̱nu li cꞌaꞌru ninye chi anchaleb xchꞌo̱l ut chi anchaleb li ra̱m, junelic eb la̱ cualal a̱cꞌajol teꞌoc chokꞌ xreyeb laj Israel.”

1 Reyes 5:5

Joꞌcan nak la̱in tinyi̱b li templo li ta̱lokꞌoni̱k cuiꞌ li Ka̱cuaꞌ lin Dios xban nak li Dios quixye re laj David lin yucuaꞌ, “La̱ cualal, li tinxakab chokꞌ rey chokꞌ a̱cue̱kaj, aꞌan li ta̱yi̱ba̱nk re li templo re tinlokꞌoni̱k cuiꞌ,” chan.

1 Reyes 8:15

Ut quixye: —Lokꞌoninbil taxak li Ka̱cuaꞌ, lix Dioseb laj Israel, xban nak xba̱nu li cꞌaꞌru quixyechiꞌi re laj David lin yucuaꞌ,

1 Reyes 8:19

Abanan ma̱cuaꞌ la̱at tatyi̱ba̱nk re li cab aꞌan. La̱ cualal ban ta̱yi̱ba̱nk re li cab re tineꞌxlokꞌoni cuiꞌ,” chan li Dios.

1 Reyes 9:5

Cui ta̱ba̱nu li cꞌaꞌru xinye a̱cue, la̱in tinxakab saꞌ xnaꞌaj la̱ cuanquilal, ut la̱at junelic tattakla̱nk saꞌ xbe̱neb laj Israel joꞌ quinye re laj David la̱ yucuaꞌ nak junelic ta̱cua̱nk junak reheb li ralal xcꞌajol chokꞌ xreyeb laj Israel.

2 Reyes 8:19

Abanan li Ka̱cuaꞌ incꞌaꞌ quixsach ruheb li ralal xcꞌajol laj Judá xban nak quixyechiꞌi re laj David laj cꞌanjel chiru nak junelic cua̱nk junak reheb li ralal xcꞌajol ta̱oc chokꞌ rey.

2 Crónicas 1:9

Joꞌcan ut, at Ka̱cuaꞌ, at inDios, chaba̱nu joꞌ cayechiꞌi re laj David inyucuaꞌ. La̱at catxakaban cue chokꞌ rey saꞌ xbe̱n jun tenamit kꞌaxal nim. Chanchaneb li poks xban nak kꞌaxal nabaleb.

2 Crónicas 13:5

¿Ma incꞌaꞌ nequenau la̱ex nak li Ka̱cuaꞌ li kaDios la̱o aj Israel quixqꞌue li cuanquil aꞌin re laj David? Quixye nak aꞌan ut eb li ralal teꞌtakla̱nk saꞌ xbe̱neb laj Israel chi junelic. Li Dios quixba̱nu li contrato riqꞌuineb riqꞌuin atzꞌam.

2 Crónicas 21:7

Abanan li Ka̱cuaꞌ incꞌaꞌ quiraj xsachbal ruheb li ralal xcꞌajol laj David xban li contrato li quixba̱nu riqꞌuin laj David nak quixye re nak junelic cua̱nk junak reheb li ralal xcꞌajol ta̱oc chokꞌ rey.

2 Crónicas 23:3

chixjunileb li chꞌutchꞌu̱queb aran queꞌxba̱nu jun li contrato riqꞌuin li rey saꞌ lix templo li Ka̱cuaꞌ. Laj Joiada quixye reheb: —Cueꞌ li ralal li rey. Aꞌan ta̱oc chokꞌ rey joꞌ quixye li Ka̱cuaꞌ chirixeb li ralal xcꞌajol laj David.

2 Samuel 22:51

Riqꞌuin xnimal xcuanquil li Ka̱cuaꞌ xinixcol xban nak la̱in li quinixxakab chokꞌ rey. Ut aꞌan ta̱uxta̱na̱nk cuu, la̱in li sicꞌbil cuu. Ut ta̱ruxta̱na ajcuiꞌ ruheb li cualal incꞌajol chi junelic, chan laj David.

1 Reyes 2:10

Laj David quicam ut coxixtauheb lix xeꞌto̱nil yucuaꞌ. Ut quimukeꞌ Jerusalén saꞌ lix tenamit.

2 Crónicas 6:9

Abanan ma̱cuaꞌ la̱at li tatyi̱ba̱nk re li templo re tineꞌxlokꞌoni cuiꞌ. Aꞌan la̱ cualal li ta̱cua̱nk li ta̱yi̱ba̱nk re li templo,” chan li Dios.

2 Crónicas 6:15

La̱at xaba̱nu li cꞌaꞌru cayechiꞌi re laj David lin yucuaꞌ. La̱at catyechiꞌin re ut saꞌ li cutan aꞌin xaba̱nu li cꞌaꞌru cayechiꞌi.

Jeremías 33:17

La̱in li Ka̱cuaꞌ ninyehoc re nak junelic cua̱nk jun reheb li ralal xcꞌajol laj David ta̱oc chokꞌ xreyeb laj Israel.