2 Samuel 6:22 - Li Santil hu

²² Kꞌaxal cuiꞌchic tincubsi cuib anakcuan chiru xbe̱n cua. Cha̱cuu la̱at ma̱cꞌaꞌak inlokꞌal. Abanan qꞌuebilak inlokꞌal xbaneb li mo̱s ixk li yo̱cat chixyebal, chan.

Q'eqchi Bible

²² Ut q'axal wi' chik tinkub'si wib' anaqwan. Sa' aach'ool laa'at naq tinkub'si inwankil, ab'anan tintaw inloq'al chiruheb' li moos ixq nakaye”.

2 Samuel 6:22 ပူးပေါင်းရင်းမြစ်များ

1 Pedro 4:14

Us xak e̱re cui texhobekꞌ xban nak nequepa̱b li Cristo. Aꞌan retalil nak lix Musikꞌ li Dios cuan e̱riqꞌuin ut aꞌan li kꞌaxal lokꞌ. Relic chi ya̱l nak tzꞌekta̱nanbil li Dios xbaneb li nequeꞌhoboc e̱re, abanan che̱ru la̱ex, kꞌaxal lokꞌ ut nim xcuanquil.

Hebreos 12:2

Kaqꞌuehak kachꞌo̱l chixta̱kenquil li Jesucristo laj cꞌamol be chiku. Aꞌan naqꞌuehoc re li kapa̱ba̱l ut naxtzꞌakobresi ru. Usta xuta̱nal li ca̱mc quixcꞌul chiru li cruz, abanan incꞌaꞌ quixqꞌue saꞌ xchꞌo̱l. Ut quixcuy li raylal saꞌ kacꞌabaꞌ la̱o xban nak lix sahilal xchꞌo̱l quiqꞌueheꞌ re mokon. Ut anakcuan cuan saꞌ choxa saꞌ xnim ukꞌ li Dios.

Isaías 51:7

Cherabihak li cꞌaꞌru ninye, la̱ex li nequenau li us, la̱ex li nequecꞌu̱la lin chakꞌrab saꞌ le̱ chꞌo̱l. Mexxucuac nak eb li tenamit nequexseꞌe ut michꞌinan e̱chꞌo̱l nak nequexhobeꞌ.

1 Timoteo 1:15

Nakanau nak tzꞌakal ya̱l ut xcꞌulub nak takapa̱b chi anchal li kachꞌo̱l nak li Cristo Jesús quicꞌulun saꞌ ruchichꞌochꞌ chixcolbaleb laj ma̱c. Ut la̱in li kꞌaxal numtajenak inma̱c saꞌ xya̱nkeb chixjunileb nak quincuan.

Isaías 50:6

Quinkꞌaxtesi ban lix yi cuix chi saqꞌuecꞌ. Ut quincanab cuib re teꞌxmichꞌ lin mach. Ut incꞌaꞌ quinmuk li xnakꞌ cuu chiruheb nak quineꞌxhob ut nak quineꞌxchu̱ba.

Li xHu LAJ JOB 42:6

Anakcuan la̱in xinqꞌue retal nak incꞌaꞌ us xinye. Joꞌcan nak narahoꞌ inchꞌo̱l. Anakcuan tinjal incꞌaꞌux. Tinchunub cuib saꞌ poks ut saꞌ cha xban xrahil inchꞌo̱l, chan laj Job.

Li xHu LAJ JOB 40:4

—At Ka̱cuaꞌ, xban xma̱cꞌaꞌil innaꞌleb xina̱tinac. Incꞌaꞌ naru tatinsume anakcuan. Ma̱cꞌaꞌ chic cua̱tin re tatinsume cuiꞌ.

Génesis 32:10

La̱in ma̱cuaꞌ incꞌulub chixjunil li usilal xaba̱nu cue. Ma̱cꞌaꞌ cuan cue nak xinnumeꞌ saꞌ li nimaꞌ Jordán. Caꞌaj cuiꞌ lin xukꞌ natelnac saꞌ cuukꞌ. Ut anakcuan nabal lin biomal cuan xban nak la̱at xatqꞌuehoc re.

1 Pedro 5:6

Checubsi biꞌ e̱cuanquil chiru li Dios li kꞌaxal nim xcuanquil re nak li Dios tixnimobresi le̱ cuanquil nak tixtau xkꞌehil.

1 Samuel 2:30

Joꞌcan nak li Ka̱cuaꞌ li nequeꞌxlokꞌoni laj Israel quixye chi joꞌcaꞌin, “Quinye nak eb li ralal xcꞌajol la̱ yucuaꞌ teꞌcꞌanjelak chicuu chokꞌ aj tij chi junelic kꞌe cutan. Abanan anakcuan incꞌaꞌ chic ta̱ru̱k texcꞌanjelak chicuu xban nak la̱in ninqꞌue xlokꞌal li nalokꞌonin cue ut nintzꞌekta̱na li ani natzꞌekta̱nan cue.

San Marcos 14:66

Ut nak cuan laj Pedro takꞌa chi ruꞌuj neba̱l, quicuulac jun li ixk, xmo̱s li xyucuaꞌil eb aj tij.

2 Samuel 6:21

Laj David quixye re: —La̱in xinxajoc re xqꞌuebal xlokꞌal li Ka̱cuaꞌ li quisicꞌoc cuu chokꞌ re̱kaj la̱ yucuaꞌ ut eb li ralal xcꞌajol. Li Ka̱cuaꞌ xinixxakab chi takla̱nc saꞌ xbe̱neb laj Israel, lix tenamit. Joꞌcan nak la̱in tinxajok cuiꞌchic re xqꞌuebal xlokꞌal li Ka̱cuaꞌ.

2 Samuel 6:23

Lix Mical lix rabin laj Saúl, ma̱ jun lix cocꞌal quicuan chalen nak quicam.

Salmos 131:1

At nimajcual Dios, la̱in incꞌaꞌ ninnimobresi cuib, chi moco ninkꞌetkꞌeti cuib, chi moco naxic inchꞌo̱l riqꞌuin xtzolbal li xni̱nkal ru naꞌleb li chꞌaꞌaj xtaubal ru.