2 Samuel 6:21 - Li Santil hu

²¹ Laj David quixye re: —La̱in xinxajoc re xqꞌuebal xlokꞌal li Ka̱cuaꞌ li quisicꞌoc cuu chokꞌ re̱kaj la̱ yucuaꞌ ut eb li ralal xcꞌajol. Li Ka̱cuaꞌ xinixxakab chi takla̱nc saꞌ xbe̱neb laj Israel, lix tenamit. Joꞌcan nak la̱in tinxajok cuiꞌchic re xqꞌuebal xlokꞌal li Ka̱cuaꞌ.

Q'eqchi Bible

²¹ Toja' naq laj David kixye re: “Chiru li Qaawa' xinxajok laa'in: chiru li Qaawa' li kisik'ok wu cho'q reeqaj laayuwa' ut chixjunil li xjunkab'al ut kinxxaqab' cho'q aj k'amol xb'e Israel li xtenamit.

2 Samuel 6:21 ပူးပေါင်းရင်းမြစ်များ

Hechos 13:22

Ut nak qui-isi̱c laj Saúl, li Dios quixqꞌue laj David chokꞌ xreyeb ut quixye: “Xinsicꞌ ru laj David ralal laj Isaí. Nacuulac chicuu lix naꞌleb li cui̱nk aꞌan. Aꞌan tixba̱nu chixjunil li cꞌaꞌru nacuaj la̱in,” chan.

2 Samuel 6:16

Nak yo̱queb chirocsinquil li Lokꞌlaj Ca̱x Jerusalén, saꞌ lix tenamit laj David, lix Mical lix rabin laj Saúl yo̱ chi iloc saꞌ li ventana. Nak quiril nak laj David yo̱ chi xajoc ut yo̱ chi piscꞌoc re xqꞌuebal xlokꞌal li Ka̱cuaꞌ, xicꞌ quirecꞌa.

1 Samuel 13:14

Abanan anakcuan incꞌaꞌ chic ta̱cua̱nk a̱cuanquil chi junelic xban nak xakꞌet xchakꞌrab li Dios. Li Ka̱cuaꞌ ac xsicꞌ ru jun chic li cui̱nk li tixba̱nu joꞌ naraj li Dios. Ut aꞌan chic ta̱takla̱nk saꞌ xbe̱neb laj Israel xban nak xakꞌet li ra̱tin li Ka̱cuaꞌ, chan.

1 Samuel 15:28

Laj Samuel quixye re laj Saúl: —Li Ka̱cuaꞌ quixmakꞌ cha̱cuu la̱ cuanquil anakcuan ut quixqꞌue re jun chic kꞌaxal cha̱bil cha̱cuu la̱at.

2 Samuel 6:14

Laj David cuan chirix jun li efod yi̱banbil riqꞌuin li cha̱bil tꞌicr lino ut yo̱ chi xajoc chi anchal xchꞌo̱l re xqꞌuebal xlokꞌal li Dios.

2 Samuel 6:5

Laj David ut chixjunileb laj Israel yo̱queb chi xajoc ut yo̱queb chi bicha̱nc chi anchaleb xchꞌo̱l re xqꞌuebal xlokꞌal li Ka̱cuaꞌ ut yo̱queb chi cuajbac. Cuanqueb x-arpa, cuanqueb xsalterios, cuanqueb xtambor, ut cuanqueb xxo̱lb ut yo̱queb ajcuiꞌ chixtꞌochbal li sursu̱quil chꞌi̱chꞌ.

1 Samuel 16:1

Li Ka̱cuaꞌ quixye re laj Samuel: —¿Joꞌ najtil chic rahak a̱chꞌo̱l chirix laj Saúl? La̱in incꞌaꞌ chic nacuaj ta̱cua̱nk chokꞌ rey. Ta̱qꞌue li aceite saꞌ li xucub ut tatxic aran Belén riqꞌuin laj Isaí xban nak la̱in xinsicꞌ ru jun reheb li ralal re ta̱oc chokꞌ rey, chan li Ka̱cuaꞌ.

1 Corintios 10:31

La̱in tinye e̱re lix ya̱lal. Chixjunil li cꞌaꞌru te̱tzaca ut chixjunil li cꞌaꞌru te̱ba̱nu, cheba̱nuhak re xqꞌuebal xlokꞌal li Ka̱cuaꞌ Dios.

1 Crónicas 15:29

Nak yo̱ chi cuulac saꞌ lix tenamit laj David li Lokꞌlaj Ca̱x, lix Mical lix rabin laj Saúl qui-iloc saꞌ li ventana. Quiril nak laj David yo̱ chi piscꞌoc ut yo̱ chi xajoc xban xsahil xchꞌo̱l. Ut quichal xjoskꞌil saꞌ xbe̱n.

1 Samuel 16:12

Ut laj Isaí quixtakla xbokbal li i̱tzꞌinbej. Li al aꞌan cꞌajoꞌ xchakꞌal ru ut cau rib. Chꞌinaꞌus na-iloc. Ut li Ka̱cuaꞌ quixye re laj Samuel: —Qꞌue li aceite saꞌ xjolom xban nak aꞌan aꞌin li sicꞌbil ru inban, chan.

2 Samuel 6:22

Kꞌaxal cuiꞌchic tincubsi cuib anakcuan chiru xbe̱n cua. Cha̱cuu la̱at ma̱cꞌaꞌak inlokꞌal. Abanan qꞌuebilak inlokꞌal xbaneb li mo̱s ixk li yo̱cat chixyebal, chan.

2 Samuel 7:8

Li Dios quixye re laj Natán: —Ta̱ye re laj David laj cꞌanjel chicuu, “Joꞌcaꞌin xye a̱cue li Ka̱cuaꞌ li nimajcual Dios: La̱in quinsicꞌoc a̱cuu nak yo̱cat chak chi iloc carner saꞌ cꞌaleba̱l, ut catinxakab chokꞌ xreyeb lin tenamit Israel.

2 Samuel 5:2

Chalen nak toj cua̱nk laj Saúl chokꞌ karey, la̱at catcꞌamoc be chiruheb li soldados aj Israel saꞌ eb li ple̱t. Ut li Ka̱cuaꞌ quixye nak la̱at tat-ilok reheb lix tenamit ut la̱atak lix reyeb, chanqueb.