2 Samuel 6:17 - Li Santil hu

¹⁷ Queꞌxcꞌam lix Lokꞌlaj Ca̱x li Ka̱cuaꞌ ut queꞌxqꞌue saꞌ xnaꞌaj saꞌ xyi li muheba̱l li quixyi̱b laj David. Ut laj David quixcꞌat li mayejanbil xul chiru li Ka̱cuaꞌ ut quixqꞌue xmayej re xcꞌambal ribeb saꞌ usilal riqꞌuin li Ka̱cuaꞌ.

Q'eqchi Bible

¹⁷ Li xLoq'laj Kaax li Qaawa' kik'ame'k ut kixtaw xna'aj sa' xyi li muheb'aal kixyiib' laj David cho'q re a'an. Tikto laj David kixyeechi'i re li Qaawa' k'atb'il xul ut mayej re li k'amok ib' sa' usilal rik'in li Yos.

2 Samuel 6:17 ပူးပေါင်းရင်းမြစ်များ

2 Crónicas 1:4

Abanan lix Lokꞌlaj Ca̱x li Ka̱cuaꞌ cuan Jerusalén saꞌ li muheba̱l li quixyi̱b laj David nak quixcꞌam chak li Lokꞌlaj Ca̱x toj Quiriat-jearim.

1 Crónicas 15:1

Laj David quixtakla xyi̱banquileb li rochoch Jerusalén, li nequeꞌxye “Xtenamit laj David” re. Quixyi̱b ajcuiꞌ li naꞌajej re ta̱cua̱nk cuiꞌ lix Lokꞌlaj Ca̱x li Dios ut quixyi̱b li muheba̱l.

Salmos 132:8

At Ka̱cuaꞌ, anakcuan takacꞌam li Lokꞌlaj Ca̱x li nahilan cuiꞌ la̱ cuanquilal. Ut tatxic chi cua̱nc saꞌ li naꞌajej Sión.

1 Reyes 8:5

Li rey Salomón ut eb laj Israel queꞌxchꞌutub ribeb chiru li Lokꞌlaj Ca̱x ut queꞌxmayeja li carner ut li bo̱yx. Incꞌaꞌ quiru rajlanquil li xul li queꞌxmayeja xban xqꞌuialeb.

2 Crónicas 5:6

Ut li rey ut chixjunileb laj Israel li cuanqueb rochben cuanqueb chi ubej. Yo̱queb chixmayejanquil eb li carner ut eb li bo̱yx. Incꞌaꞌ naru rajlanquileb li xul li queꞌmayeja̱c xban nak kꞌaxal nabaleb.

1 Crónicas 16:1

Joꞌcaꞌin nak queꞌxcꞌam lix Lokꞌlaj Ca̱x li Ka̱cuaꞌ ut queꞌxqꞌue saꞌ xyi li muheba̱l li quixyi̱b laj David. Queꞌxcꞌat li mayejanbil xul chiru li Ka̱cuaꞌ ut queꞌxqꞌue xmayej re xcꞌambaleb rib saꞌ usilal riqꞌuin li Ka̱cuaꞌ.

Levítico 3:9

Li mayej re xcꞌambal rib saꞌ usilal riqꞌuin li Ka̱cuaꞌ Dios, aꞌan jun cꞌatbil mayej. Tixqꞌue li xe̱b ut tixqꞌue lix ye chi jun. Tixyocꞌ toj saꞌ xto̱nal ut tixqꞌue ajcuiꞌ lix xe̱bul chixjunil li cꞌamcꞌot joꞌ ajcuiꞌ li cuan chi saꞌ.

1 Crónicas 6:31

Aꞌaneb aꞌin li cui̱nk li queꞌxakaba̱c xban laj David chi bicha̱nc saꞌ li rochoch li Dios nak acak xeꞌxqꞌue li Lokꞌlaj Ca̱x aran.

1 Crónicas 15:3

Laj David quixchꞌutubeb chixjunileb laj Israel aran Jerusalén re nak teꞌxcꞌam lix Lokꞌlaj Ca̱x li Ka̱cuaꞌ saꞌ li naꞌajej li quixyi̱b laj David.