2 Samuel 6:14 - Li Santil hu

¹⁴ Laj David cuan chirix jun li efod yi̱banbil riqꞌuin li cha̱bil tꞌicr lino ut yo̱ chi xajoc chi anchal xchꞌo̱l re xqꞌuebal xlokꞌal li Dios.

Q'eqchi Bible

¹⁴ Chirix chik a'an ki'ok chi xajok chi anchal xch'ool sa' xk'ab'a' li Qaawa', chi tiqto yal rik'in jun efod liin.

2 Samuel 6:14 ပူးပေါင်းရင်းမြစ်များ

1 Samuel 2:18

Laj Samuel, li sa̱j al, yo̱ chi cꞌanjelac chiru li Dios, ut quixqꞌue chirix li efod yi̱banbil riqꞌuin lino joꞌ nequeꞌrocsi laj tij.

Éxodo 15:20

Lix María li ranab laj Aarón aꞌan jun xprofeta li Dios. Lix María quixchap jun lix chꞌina cuajb pandero xcꞌabaꞌ. Ut quicꞌamoc be chiruheb li rech ixkilal chirecꞌasinquileb lix pandero ut chi xajoc re xlokꞌoninquil li Dios.

Salmos 150:4

Te̱tochꞌ le̱ pandero ut texxajok re xqꞌuebal xlokꞌal li Ka̱cuaꞌ. Cheqꞌue taxak xlokꞌal li Ka̱cuaꞌ riqꞌuin le̱ cuajb ut riqꞌuin le̱ xo̱lb.

Salmos 149:3

Cheꞌxqꞌuehak taxak xlokꞌal li Ka̱cuaꞌ riqꞌuin lix arpa ut riqꞌuin lix pandero. Cheꞌxajok re xqꞌuebal xlokꞌal lix cꞌabaꞌ.

Jueces 11:34

Laj Jefté quisukꞌi Mizpa saꞌ li rochoch. Ut lix rabin qui-el chak chixcꞌulbal lix yucuaꞌ. Yo̱ chi xajoc ut yo̱ chixchꞌeꞌbal lix pandero li cuan saꞌ rukꞌ. Jun ajcuiꞌ lix rabin laj Jefté. Ma̱ jun chic xcocꞌal cuan.

Colosenses 3:23

Nak yo̱quex chi cꞌanjelac chiru le̱ patrón, yo̱quex ajcuiꞌ chi cꞌanjelac chiru li Ka̱cuaꞌ Dios xban nak la̱ex rehex chic li Dios. Joꞌcan nak chixjunil li cꞌaꞌru te̱ba̱nu, cheba̱nuhak chi anchal e̱chꞌo̱l.

Salmos 30:11

Lix rahil inchꞌo̱l xasukꞌisi chokꞌ sahil chꞌo̱lejil. Ninxajoc xban xsahil inchꞌo̱l. Xacuisi lix rahil inchꞌo̱l ut kꞌaxal cuiꞌchic li sahil chꞌo̱lejil xaqꞌue cue.

1 Samuel 2:28

Saꞌ xya̱nkeb chixjunileb li xte̱paleb li ralal xcꞌajol laj Israel la̱in xinsicꞌ ru laj Aarón joꞌ eb ajcuiꞌ li ralal xcꞌajol, re nak teꞌcꞌanjelak chicuu chokꞌ aj tij. Teꞌmayejak chicuu chiru li artal. Teꞌxcꞌat li incienso ut teꞌrocsi li efod nak teꞌtijok chicuu. Ut xinye ajcuiꞌ reheb le̱ xeꞌto̱nil yucuaꞌ nak tento teꞌxcꞌul caꞌchꞌinak eb li mayej li nequeꞌxqꞌue eb laj Israel.

San Lucas 15:25

Ut li asbej cuan chak saꞌ cꞌaleba̱l. Nak yo̱ chi cuulac saꞌ cab, quirabi li son ut li xajoc.

Eclesiastés 9:10

Chixjunil li naru ta̱ba̱nu saꞌ ruchichꞌochꞌ, chaba̱nuhak, aꞌ yal joꞌ qꞌuial ta̱cuy xba̱nunquil. Nak tatca̱mk, ma̱cꞌaꞌ chic ta̱ru̱k ta̱ba̱nu. Nak ac cua̱nkat chic saꞌ li jul, incꞌaꞌ chic tatcꞌanjelak. Ma̱cꞌaꞌak chic a̱cꞌaꞌux ut ma̱cꞌaꞌak chic a̱naꞌleb.

1 Crónicas 15:27

Li rakꞌ laj David cuan chirix yi̱banbil riqꞌuin li cha̱bil tꞌicr lino. Joꞌcaneb ajcuiꞌ laj levita li yo̱queb chi pako̱nc re li Lokꞌlaj Ca̱x, joꞌqueb ajcuiꞌ laj bichanel ut laj Quenanías. Aꞌan li nacꞌamoc be chiruheb laj bichanel. Laj David quirocsi ajcuiꞌ li efod yi̱banbil riqꞌuin lino.

1 Samuel 22:18

Laj Saúl quixye re laj Doeg laj Edom: —Camsiheb la̱at, chan. Ut laj Doeg quixcamsiheb chixjunileb laj tij. O̱b roꞌcꞌa̱leb (85) laj tij, li nequeꞌrocsi li efod queꞌcamsi̱c saꞌ li cutan aꞌan.

Jueces 21:21

Kꞌesak e̱ru chi iloc. Nak yo̱keb chi ninkꞌei̱k, eb li xkaꞌal teꞌe̱lk chi chꞌu̱tal re teꞌxajok. Che̱junilex la̱ex tex-e̱lk saꞌ li naꞌajej li mukmu̱kex cuiꞌ. Ut chi ju̱nkal te̱chap ju̱nkak le̱ rixakil saꞌ xya̱nkeb li yo̱keb chi xajoc ut texxic chi junpa̱t saꞌ le̱ tenamit.

Deuteronomio 6:5

Te̱ra li Ka̱cuaꞌ le̱ Dios chi anchal e̱chꞌo̱l, chi anchal e̱cꞌaꞌux ut chi anchal e̱metzꞌe̱u.

Éxodo 19:6

La̱ex taxak jun santil tenamit chicuu. Texcꞌanjelak chicuu joꞌ xbe̱nil aj tij. Aꞌin li cua̱tin ta̱yeheb re laj Israel, chan li Dios re laj Moisés.

Éxodo 15:21

Lix María quixbicha li bich aꞌin: Bichanko chiru li Ka̱cuaꞌ Dios xban nak kꞌaxal nim lix cuanquilal. Quixcuteb chi haꞌ li cacua̱y joꞌ eb ajcuiꞌ li cuanqueb chirix, chan nak quibichan.

2 Samuel 6:15

Chi joꞌcaꞌin laj David ut chixjunileb li ralal xcꞌajol laj Israel queꞌxcꞌam li Lokꞌlaj Ca̱x. Yo̱queb chixjapbal reheb xban xsahil xchꞌo̱leb ut yo̱queb chixya̱basinquil lix trompeta.

2 Samuel 6:20

Ut laj David co̱ saꞌ rochoch chixtzꞌa̱manquil chiru li Dios nak ta̱rosobtesiheb li cuanqueb saꞌ li rochoch. Lix Mical qui-el chixcꞌulbal ut quixhob ut quixye re: —Anakcuan qꞌuebil chic a̱lokꞌal, at rey, riqꞌuin li cꞌaꞌru xaba̱nu chiruheb li ixk, lix mo̱seb li nequeꞌcꞌanjelac cha̱cuu. Riqꞌuin li cꞌaꞌru xaba̱nu, xacꞌutbesi a̱cuib joꞌ nequeꞌxba̱nu li incꞌaꞌ nequeꞌxnau xuta̱nac, chan.

Salmos 87:7

Chixjunileb li nequeꞌbichan ut eb li nequeꞌxtochꞌ li cuajb, teꞌxye saꞌ lix bicheb: —Aꞌin tzꞌakal intenamit xban nak arin xintau li rusilal li Dios.—

Ezequiel 46:10

Li rey ta̱oc nak eb li tenamit teꞌoc ut ta̱e̱lk nak teꞌe̱lk eb aꞌan.