2 Samuel 6:12 - Li Santil hu

¹² Quiyeheꞌ resil re li rey David chanru nak li Ka̱cuaꞌ quirosobtesi laj Obed-edom joꞌ ajcuiꞌ chixjunil li cꞌaꞌru cuan re saꞌ xcꞌabaꞌ li Lokꞌlaj Ca̱x. Joꞌcan nak co̱ chirisinquil li Lokꞌlaj Ca̱x saꞌ rochoch laj Obed-edom re tixcꞌam Jerusalén ut kꞌaxal sa saꞌ xchꞌo̱l.

Q'eqchi Bible

¹² Kiyehe'k resil re li awab'ej David chanru naq li Qaawa' kirosob'tesi li xjunkab'al laj Obededón ut chixjunil li k'aru re sa' xk'ab'a' li Loq'laj Kaax. Tikto laj David koho sa' rochoch laj Obededón re xk'amb'al li xLoq'laj Kaax li Yos aran Jerusalén, chi k'ajo' xsahil li xch'ool.

2 Samuel 6:12 ပူးပေါင်းရင်းမြစ်များ

1 Crónicas 15:25

Laj David ut eb li nequeꞌcꞌamoc be saꞌ xya̱nkeb laj Israel joꞌ eb ajcuiꞌ li nequeꞌtaklan saꞌ xbe̱neb li junju̱nk chꞌu̱tal chi soldado queꞌco̱eb chi saheb saꞌ xchꞌo̱l saꞌ rochoch laj Obed-edom chirisinquil lix Lokꞌlaj Ca̱x li Ka̱cuaꞌ.

San Mateo 10:42

Li ani tixqꞌue jun secꞌak rucꞌa junak reheb lin tzolom usta cubenak xcuanquil, cui tixqꞌue li rucꞌa xban nak aꞌan intzolom, relic chi ya̱l ninye e̱re nak li jun aꞌan tixcꞌul lix kꞌajca̱munquil.

1 Reyes 8:1

Mokon chic laj Salomón quixchꞌutubeb aran Jerusalén eb laj cꞌamol be saꞌ xya̱nkeb laj Israel, joꞌ eb ajcuiꞌ li nequeꞌtaklan saꞌ xbe̱n xte̱paleb li ralal xcꞌajol laj Israel. Quixchꞌutubeb re nak teꞌxcꞌam chak saꞌ li templo lix Lokꞌlaj Ca̱x li Ka̱cuaꞌ, li xocxo cuiꞌ lix contrato li Dios saꞌ lix tenamit laj David aran Sión.

2 Samuel 5:7

Usta ac cauresinbil chi us li tenamit, abanan laj David quinumta saꞌ xbe̱neb ut qui-oc saꞌ li naꞌajej Sión. Toj chalen anakcuan “Xtenamit laj David” nayeheꞌ re li naꞌajej aꞌan.

2 Crónicas 5:2

Ut laj Salomón quixtakla xchꞌutubanquileb aran Jerusalén eb li nequeꞌtaklan saꞌ xbe̱neb laj Israel, ut chixjunileb li nequeꞌjolomin reheb li junju̱nk chi xte̱paleb, joꞌ eb ajcuiꞌ li nequeꞌtaklan saꞌ li junju̱nk cabal. Queꞌxchꞌutub ribeb re nak teꞌrisi Sión saꞌ lix tenamit laj David li Lokꞌlaj Ca̱x, li xocxo cuiꞌ lix contrato li Dios.

1 Reyes 8:3

Nak ac chꞌutchꞌu̱queb chixjunileb laj cꞌamol be saꞌ xya̱nkeb laj Israel, eb laj tij queꞌrisi saꞌ li tabernáculo li Lokꞌlaj Ca̱x ut queꞌxcꞌam saꞌ lix templo li Ka̱cuaꞌ.

1 Reyes 8:4

Eb li ralal xcꞌajol laj Leví ut eb laj tij queꞌxcꞌam li tabernáculo li nequeꞌxchꞌutub cuiꞌ ribeb joꞌ ajcuiꞌ chixjunil li cꞌaꞌru nacꞌanjelac saꞌ li tabernáculo ut queꞌxcꞌam saꞌ li templo.

1 Crónicas 15:15

Eb laj tij, li ralal xcꞌajol laj Leví, queꞌxcꞌam lix Lokꞌlaj Ca̱x li Dios chi pakpo saꞌ xbe̱neb xtel riqꞌuin li cheꞌ li nequeꞌxpako cuiꞌ joꞌ quiyeheꞌ re laj Moisés xban li Dios.

1 Crónicas 16:16

Jultic re nak quixba̱nu li contrato riqꞌuin laj Abraham. Ut jultic ajcuiꞌ re nak quixba̱nu li contrato aꞌan riqꞌuin laj Isaac.

1 Crónicas 26:4

Eb li ralal laj Obed-edom, aꞌaneb aꞌin: li xbe̱n, aꞌan laj Semaías; li xcab, aꞌan laj Jozabad; li rox, aꞌan laj Joa; li xca̱, aꞌan laj Sacar; li roꞌ, aꞌan laj Natanael;

1 Crónicas 26:5

li xcuak, aꞌan laj Amiel; li xcuuk, aꞌan laj Isacar; li xcuakxak, aꞌan laj Peultai. (Li Dios quirosobtesi laj Obed-edom ut quixqꞌue nabal li ralal.)