2 Samuel 5:8 - Li Santil hu

⁸ Saꞌ li cutan aꞌan laj David quixye: —Li ani ta̱raj ta̱numta̱k saꞌ xbe̱neb laj jebuseo, tento ta̱oc chak cuan cuiꞌ li rok li haꞌ ut tixcamsiheb laj jebuseo, li chanchaneb mutzꞌ ut chanchan ye̱k rokeb, li kꞌaxal xicꞌ nequeꞌcuil, chan laj David. (Chalen aꞌan cuan jun li a̱tin naxye, “Chi moco li mutzꞌ chi moco li ye̱k rok teꞌoc saꞌ lix templo li Ka̱cuaꞌ.”)

Q'eqchi Bible

⁸ Sa' li kutan a'an kixye laj David: “Li ani taa'ajoq xq'axb'al ruheb' laj Jebús, tento taa'ok chaq wan wi' li roqha' rub'el ch'och' ut tixkamsiheb' li mutz' ut li yeq roqeb' li jwal nintz'eqtaanaheb'”. Jo'kan naq nayeemank: “Chi moko li yeq chi moko li mutz' taa'ok sa' rochoch li Qaawa'”.

2 Samuel 5:8 ပူးပေါင်းရင်းမြစ်များ

1 Samuel 17:25

Ut queꞌxye chi ribileb rib: —¿Ma xeqꞌue retal li cui̱nk aꞌan li nachal rajlal chikahobbal? Li ani ta̱camsi̱nk re li cui̱nk aꞌan, li rey tixqꞌue nabal xbiomal. Ut tixqꞌue ajcuiꞌ lix rabin chokꞌ rixakil. Ut incꞌaꞌ chic teꞌpatzꞌekꞌ xtoj li rechꞌalal, chanqueb.

2 Samuel 5:7

Usta ac cauresinbil chi us li tenamit, abanan laj David quinumta saꞌ xbe̱neb ut qui-oc saꞌ li naꞌajej Sión. Toj chalen anakcuan “Xtenamit laj David” nayeheꞌ re li naꞌajej aꞌan.

2 Samuel 5:9

Ut nak ac xre̱chani lix nimal ru tenamit, laj David quicana chi cua̱nc aran Sión ut quixqꞌue chokꞌ xcꞌabaꞌ “Xtenamit laj David”. Ut quixyi̱b li tzꞌac chi xjun sutam lix tenamit. Naticla chak li tzꞌac cuan cuiꞌ jun li cab najt xteram Milo xcꞌabaꞌ ut nacuulac toj saꞌ li tenamit.