2 Samuel 5:5 - Li Santil hu

⁵ Cuukub chihab riqꞌuin cuakib po quicuan Hebrón chokꞌ xreyeb laj Judá. Ut oxlaju xcaꞌcꞌa̱l chihab quicuan Jerusalén chokꞌ xreyeb chixjunileb laj Israel joꞌ eb ajcuiꞌ laj Judá.

Q'eqchi Bible

⁵ Aran Hebrón ki'awab'ejink wuqub' chihab' rik'in waqib' po; moqon chik sa' li tenamit Jerusalén kitaqlank sa' xb'eeneb' chixjunileb' laj Israel ut laj Judá chiru oxlaju xka'k'aal chihab'.

2 Samuel 5:5 ပူးပေါင်းရင်းမြစ်များ

2 Samuel 2:11

Cuukub chihab riqꞌuin cuakib po quicuan laj David chokꞌ xreyeb li ralal xcꞌajol laj Judá aran Hebrón.

1 Crónicas 3:4

Eb li cuakib aꞌin queꞌyoꞌla aran Hebrón li quicuan cuiꞌ chokꞌ rey laj David cuukub chihab riqꞌuin cuakib po. Oxlaju xcaꞌcꞌa̱l (33) chihab laj David quicuan chokꞌ rey aran Jerusalén.

1 Reyes 2:11

Laj David quicuan chokꞌ rey caꞌcꞌa̱l chihab. Cuukub chihab quicuan chokꞌ rey aran Hebrón ut oxlaju xcaꞌcꞌa̱l (33) chihab quicuan chokꞌ rey aran Jerusalén.

2 Samuel 2:4

Chirix chic aꞌan queꞌcuulac li cui̱nk li nequeꞌcꞌamoc be saꞌ xya̱nkeb laj Judá ut aran queꞌxxakab laj David chokꞌ xreyeb laj Judá. Ut queꞌxye re nak eb li cuanqueb Jabes li cuan saꞌ xcue̱nt Galaad, aꞌaneb li queꞌmukuc re laj Saúl.

1 Crónicas 11:3

Ut chixjunileb li nequeꞌcꞌamoc be saꞌ xya̱nkeb laj Israel queꞌcuulac riqꞌuin li rey David aran Hebrón. Laj David quixba̱nu jun li contrato riqꞌuineb chiru li Ka̱cuaꞌ. Ut queꞌxqꞌue li aceite saꞌ xjolom ut queꞌxxakab chokꞌ xreyeb joꞌ quixye li Ka̱cuaꞌ re laj Samuel.

1 Crónicas 29:27

Caꞌcꞌa̱l chihab quicuan chokꞌ xreyeb laj Israel. Cuukub chihab quicuan saꞌ xcuanquil aran Hebrón. Ut oxlaju xcaꞌcꞌa̱l chihab quicuan saꞌ xcuanquil aran Jerusalén.

2 Samuel 12:8

Xinqꞌue a̱cuanquil joꞌ nak quinqꞌue xcuanquil aꞌan. Ut xinkꞌaxtesiheb a̱cue chixjunileb li ixk li queꞌcuan riqꞌuin laj Saúl. Ut xinqꞌue a̱cuanquil saꞌ xbe̱neb li ralal xcꞌajol laj Israel ut saꞌ xbe̱neb ajcuiꞌ li ralal xcꞌajol laj Judá. Toj raj xinqꞌue xtzꞌakob a̱cue cui ta xaye cue nak incꞌaꞌ tzꞌakal li xinqꞌue a̱cue.