2 Samuel 5:3 - Li Santil hu

³ Joꞌcan nak chixjunileb li nequeꞌtaklan saꞌ xya̱nkeb laj Israel queꞌcuulac riqꞌuin li rey David aran Hebrón. Laj David quixba̱nu jun li contrato riqꞌuineb saꞌ xcꞌabaꞌ li Ka̱cuaꞌ. Ut queꞌxqꞌue li aceite saꞌ xjolom ut queꞌxxakab chokꞌ xreyeb laj Israel.

Q'eqchi Bible

³ Jo'kan naq chixjunileb' li xcheekal winqul laj Israel ke'wulak Hebrón rik'in li awab'ej, ut laj David kixk'uub' jun sumwank rik'ineb' aran Hebrón, chiru li Qaawa', ut kiyule'k cho'q awab'ej re Israel.

2 Samuel 5:3 ပူးပေါင်းရင်းမြစ်များ

2 Samuel 2:4

Chirix chic aꞌan queꞌcuulac li cui̱nk li nequeꞌcꞌamoc be saꞌ xya̱nkeb laj Judá ut aran queꞌxxakab laj David chokꞌ xreyeb laj Judá. Ut queꞌxye re nak eb li cuanqueb Jabes li cuan saꞌ xcue̱nt Galaad, aꞌaneb li queꞌmukuc re laj Saúl.

1 Samuel 23:18

Ut chi xcabichaleb queꞌxye cuiꞌchic chiru li Ka̱cuaꞌ nak junelic teꞌxra ribeb. Ut laj David quicana aran saꞌ li naꞌajej Hores li cuan Zif. Ut laj Jonatán co̱ cuiꞌchic saꞌ rochoch.

1 Samuel 16:13

Ut laj Samuel quixchap li xucub ut quixqꞌue li aceite saꞌ xjolom chiruheb chixjunileb li ras. Li al aꞌan aj David xcꞌabaꞌ. Chalen saꞌ li ho̱nal aꞌan lix musikꞌ li Ka̱cuaꞌ quicuan riqꞌuin laj David. Ut chirix aꞌan laj Samuel quisukꞌi cuiꞌchic saꞌ li tenamit Ramá.

2 Reyes 11:17

Laj Joiada quixba̱nu li contrato riqꞌuin li Ka̱cuaꞌ ut riqꞌuin li rey, joꞌ eb ajcuiꞌ li tenamit. Joꞌcan ajcuiꞌ li rey quixba̱nu li contrato riqꞌuineb li tenamit ut queꞌxye nak aꞌanakeb chic lix tenamit li Dios.

2 Samuel 3:21

Laj Abner quixye re laj David: —La̱in tinxic chixchꞌutubanquileb chixjunileb li cuanqueb aran Israel re nak teꞌxba̱nu junak li contrato a̱cuiqꞌuin. Ut la̱atak chic xreyeb joꞌ nacacꞌoxla nak us xba̱nunquil, chan. Nak quichakꞌrabi̱c xban laj David, laj Abner co̱ chi sa saꞌ xchꞌo̱l.

Jueces 11:11

Ut laj Jefté co̱ chirixeb laj cꞌamol be saꞌ xya̱nkeb laj Galaad. Ut eb li tenamit queꞌxxakab aꞌan re nak aꞌan chic ta̱takla̱nk saꞌ xbe̱neb li tenamit ut aꞌan ajcuiꞌ ta̱cꞌamok be chiruheb li soldados. Ut aran Mizpa laj Jefté quixye cuiꞌchic chiru li Ka̱cuaꞌ chixjunil li a̱tin li ac xye.

Nehemías 9:38

Ut riqꞌuin chixjunil aꞌin at Ka̱cuaꞌ, at kaDios, anakcuan takaba̱nu jun li contrato a̱cuiqꞌuin ut takaxakab xcuanquil li ka̱tin cha̱cuu. Takatzꞌi̱ba retalil ut teꞌxtzꞌi̱ba xcꞌabaꞌeb chiru li hu li tzꞌi̱banbil cuiꞌ li contrato eb li nequeꞌcꞌamoc be saꞌ kaya̱nk, ut eb laj levita joꞌqueb ajcuiꞌ laj tij, chan saꞌ lix tij.

2 Crónicas 23:16

Ut laj Joiada quixba̱nu jun li contrato. Saꞌ li contrato quixye nak aꞌan ut eb li tenamit joꞌ ajcuiꞌ li rey teꞌxqꞌue xchꞌo̱l chi cua̱nc chokꞌ xtenamit li Dios.

1 Crónicas 11:3

Ut chixjunileb li nequeꞌcꞌamoc be saꞌ xya̱nkeb laj Israel queꞌcuulac riqꞌuin li rey David aran Hebrón. Laj David quixba̱nu jun li contrato riqꞌuineb chiru li Ka̱cuaꞌ. Ut queꞌxqꞌue li aceite saꞌ xjolom ut queꞌxxakab chokꞌ xreyeb joꞌ quixye li Ka̱cuaꞌ re laj Samuel.

1 Samuel 11:15

Chixjunileb li tenamit queꞌco̱eb Gilgal ut queꞌxxakab laj Saúl chokꞌ rey chiru li Ka̱cuaꞌ. Ut aran queꞌmayejac ut queꞌxqꞌue xmayejeb re xcꞌambaleb rib saꞌ usilal riqꞌuin li Ka̱cuaꞌ. Quisahoꞌ saꞌ xchꞌo̱l laj Saúl ut queꞌsahoꞌ ajcuiꞌ saꞌ xchꞌo̱leb chixjunileb li tenamit.

Éxodo 3:16

Li Dios quixye cuiꞌchic re laj Moisés: —Ayu ut ta̱chꞌutubeb li cui̱nk li nequeꞌcꞌamoc be saꞌ xya̱nkeb laj Israel. Ut ta̱ye reheb, “Li nimajcual Dios li queꞌxlokꞌoni laj Abraham, laj Isaac ut laj Jacob, aꞌan xcꞌutbesi rib chicuu. Joꞌcaꞌin quixye cue: Xexcuil ut ninnau chixjunil li cꞌaꞌru yo̱quex chixcꞌulbal arin Egipto.

Josué 10:36

Nak queꞌel Eglón, laj Josué rochbeneb lix soldados queꞌco̱eb Hebrón ut queꞌoc chi pletic riqꞌuineb.

1 Reyes 1:34

Nak ac cua̱nkex aran, li profeta Natán ut laj Sadoc laj tij teꞌxqꞌue li aceite saꞌ xjolom laj Salomón ut teꞌxxakab chokꞌ xreyeb laj Israel. Te̱ya̱basi li trompeta ut te̱ye, “¡Chicua̱nk taxak xyuꞌam li karey Salomón!” chaꞌkex.

1 Crónicas 11:1

Chixjunileb laj Israel queꞌxchꞌutub ribeb ut queꞌco̱eb aran Hebrón riqꞌuin laj David. Queꞌxye re: —La̱o kacomon kib a̱cuiqꞌuin.

2 Samuel 2:7

Checacuubresihak le̱ chꞌo̱l usta ac xcam li rey Saúl. Ut tinye ajcuiꞌ e̱re nak la̱in xineꞌxxakab chokꞌ xreyeb laj Judá, chan laj David.

1 Crónicas 28:4

Abanan li Ka̱cuaꞌ li kaDios la̱o aj Israel, aꞌan li quisicꞌoc cuu saꞌ xya̱nkeb chixjunileb li ralal lin yucuaꞌ re tin-oc chokꞌ xreyeb laj Israel chi junelic. Quixsicꞌ ru laj Judá re nak eb li ralal xcꞌajol aꞌan teꞌtakla̱nk saꞌ xbe̱neb laj Israel. Ut saꞌ xya̱nkeb li ralal xcꞌajol laj Judá quixsicꞌ ruheb li ralal xcꞌajol lin yucuaꞌ. Ut saꞌ xya̱nkeb li ralal xcꞌajol lin yucuaꞌ, quixsicꞌ cuu la̱in re tin-oc chokꞌ xreyeb laj Israel.