2 Samuel 5:18 - Li Santil hu

¹⁸ Eb laj filisteo queꞌcana saꞌ li ru takꞌa re Refaim.

Q'eqchi Bible

¹⁸ Toja' naq ke'wulak eb' laj Filistea ut ke'xtzolob' rib' sa' li xTaq'ahil Refaín.

2 Samuel 5:18 ပူးပေါင်းရင်းမြစ်များ

Josué 15:8

Li nuba̱l aꞌin naxic toj saꞌ li ru takꞌa cuan cuiꞌ lix naꞌaj li ralal laj Hinom. Li naꞌajej aꞌan nacana saꞌ li sur li cuanqueb cuiꞌ laj jebuseo. Aꞌan li Jerusalén. Li nuba̱l nacuulac saꞌ xbe̱n li tzu̱l li cuan saꞌ xcaꞌyaba̱l li ru takꞌa re Hinom li nacana saꞌ li oeste re li ru takꞌa li cuan xcue̱nt Refaim, li nacana saꞌ li norte.

2 Samuel 23:13

Saꞌ xkꞌehil li kꞌoloc oxib reheb li laje̱b xcaꞌcꞌa̱l li nequeꞌtaklan queꞌco̱eb riqꞌuin laj David saꞌ li ochoch pec li cuan Adulam. Eb lix muheba̱leb laj filisteo cuan saꞌ li ru takꞌa re Refaim.

Josué 17:15

Laj Josué quichakꞌoc ut quixye reheb: —Cui la̱ex nabalex, ayukex saꞌ li qꞌuicheꞌ ut te̱cꞌale ru. Saꞌ li naꞌajej aꞌan cuanqueb laj ferezeo ut eb laj refaíta. Ayukex aran xban nak li naꞌajej aꞌin incꞌaꞌ chic natzꞌakloc chokꞌ e̱re, chan.

Génesis 14:5

Nak ac xnumeꞌ chic jun chihab, li rey Quedorlaomer queꞌxchꞌutub rib rochbeneb li oxibeb chic li rey. Queꞌco̱eb rochbeneb lix soldados chi pletic. Nak yo̱queb chi xic chi pletic riqꞌuineb li o̱b chic li rey, saꞌ lix beheb queꞌxtau jalaneb tenamit ut queꞌpletic riqꞌuineb toj retal queꞌnumta saꞌ xbe̱neb laj Refaim li cuanqueb saꞌ li tenamit Astarot Karnaim, ut saꞌ xbe̱neb laj Zuz li cuanqueb saꞌ li tenamit Ham, joꞌ ajcuiꞌ saꞌ xbe̱neb laj Emita li cuanqueb saꞌ li tenamit Save-quiriataim.

Isaías 17:5

Li naꞌajej Israel nayamnac ta̱cana̱k joꞌ jun lix naꞌaj li acui̱mk nak ac xsiqꞌueꞌ li ru. Chanchanak li ru takꞌa re Refaim nak ac sicꞌbil chixjunil li ru li acui̱mk li na-el saꞌ li naꞌajej aꞌan.

Josué 18:16

Li nuba̱l naticla chak cuan cuiꞌ li tzu̱l li cuan saꞌ xcaꞌyaba̱l li ru takꞌa Ben-hinom, li cuan saꞌ li norte riqꞌuin li ru takꞌa re Refaim. Naxic saꞌ li ru takꞌa re Hinom li cuan saꞌ li sur cuanqueb cuiꞌ laj jebuseo ut chirix aꞌan naxic cuan cuiꞌ li yuꞌam haꞌ Rogel.

1 Crónicas 11:15

Oxib xcomoneb li laje̱b xcaꞌcꞌa̱l li nequeꞌtaklan saꞌ xbe̱neb li soldados queꞌco̱eb cuan cuiꞌ li nimla pec li cuan nachꞌ riqꞌuin li ochoch pec Adulam, xban nak aran cuan laj David. Ut eb laj filisteo cuan xmuheba̱leb saꞌ li ru takꞌa re Refaim.

2 Samuel 5:22

Chirix chic aꞌan, eb laj filisteo queꞌco̱eb cuiꞌchic aran saꞌ li ru takꞌa re Refaim.