2 Samuel 5:10 - Li Santil hu

¹⁰ Us yo̱ chi e̱lc chiru laj David li cꞌaꞌru naxba̱nu ut yo̱ chi nima̱nc xcuanquil xban nak li nimajcual Dios cuan riqꞌuin ut aꞌan yo̱ chi tenkꞌa̱nc re.

Q'eqchi Bible

¹⁰ Chi jo'kan li xwankil laj David yo chi nimank, xb'aan naq li Qaawa', li Nimajwal Yos, wank rik'in.

2 Samuel 5:10 ပူးပေါင်းရင်းမြစ်များ

2 Samuel 3:1

Najt queꞌpletic lix soldados laj Saúl riqꞌuineb lix soldados laj David. Yo̱queb chi cacuu̱c ribeb lix soldados laj David ut incꞌaꞌ chic cau ribeb lix soldados laj Saúl.

Romanos 8:31

¿Cꞌaꞌru takaye chirix aꞌin? Cui li Dios cuan kiqꞌuin, eb li xicꞌ nequeꞌiloc ke incꞌaꞌ teꞌnumta̱k saꞌ kabe̱n.

Salmos 46:11

Li Ka̱cuaꞌ, li kꞌaxal nim xcuanquil, aꞌan li cuan kiqꞌuin. Aꞌan lix Dios laj Jacob. Ut aꞌan ajcuiꞌ li nacoloc ke.

San Lucas 2:52

Li Jesús yo̱ chi qꞌui̱c ut yo̱ ajcuiꞌ chixtaubal xnaꞌleb. Quiraheꞌ xban li Dios ut quiraheꞌ ajcuiꞌ xbaneb li tenamit.

Isaías 9:7

Ta̱nima̱k lix nimajcual cuanquilal ut li tuktu̱quil usilal ma̱cꞌaꞌak rosoꞌjic. Ta̱cꞌojla̱k saꞌ xcꞌojariba̱l laj David ut tixxakab lix cuanquil saꞌ xya̱lal ut saꞌ ti̱quilal chalen anakcuan ut chi junelic. Li nimajcual Dios tixba̱nu chi joꞌcaꞌin xban nak joꞌcan quiraj.

Proverbios 4:18

Lix yuꞌameb li ti̱queb xchꞌo̱l, aꞌan cutan saken. Chanchan nak nasake̱u li cutan ekꞌela. Rajlal cutan yo̱queb chixtaubal xya̱lal toj retal ta̱tzꞌaklok re ru lix yuꞌameb.

Salmos 46:7

Li Dios li kꞌaxal nim xcuanquil, aꞌan li cuan kiqꞌuin. Aꞌan lix Dios laj Jacob ut aꞌan ajcuiꞌ li nacoloc ke.

Li xHu LAJ JOB 17:9

Abanan li ti̱c xchꞌo̱l cau cua̱nk saꞌ lix pa̱ba̱l ut xban nak ti̱c xchꞌo̱l, cauhak rib.

Génesis 21:22

Saꞌ eb li cutan aꞌan laj Abimelec rochben laj Ficol co̱eb chi a̱tinac riqꞌuin laj Abraham. Laj Ficol aꞌan li nataklan saꞌ xbe̱neb lix soldados laj Abimelec. Laj Abimelec quixye re laj Abraham: —La̱o yo̱co chixqꞌuebal retal nak nacatxtenkꞌa li Dios riqꞌuin chixjunil li cꞌaꞌak re ru nacaba̱nu.

Salmos 24:10

¿Ani li rey aꞌin, li kꞌaxal nim xcuanquil? Aꞌan lix Dioseb li qꞌuila okꞌob chi ángel. Aꞌan li Ka̱cuaꞌ Dios li kꞌaxal nim xcuanquil.

Hageo 2:4

Anakcuan, cacuubresi a̱chꞌo̱l, at Zorobabel. Cacuubresi ajcuiꞌ a̱chꞌo̱l la̱at at Josué li xbe̱nil aj tij. Cacuubresihomak e̱chꞌo̱l che̱junilex li cuanquex arin ut chexcꞌanjelak ut la̱in cua̱nkin e̱riqꞌuin, chan li nimajcual Dios.

1 Samuel 18:5

Joꞌ qꞌuial li quitakla̱c xba̱nunquil laj David xban laj Saúl, us qui-el xban nak naxcꞌoxla chi us cꞌaꞌru tixba̱nu. Joꞌcan nak laj Saúl quixqꞌue xcuanquil chi takla̱nc saꞌ xbe̱neb lix soldado. Ut queꞌsahoꞌ saꞌ xchꞌo̱leb li tenamit riqꞌuin laj David, joꞌqueb ajcuiꞌ li nequeꞌcꞌanjelac chiru laj Saúl.

1 Samuel 18:12

Laj Saúl qui-oc xxiu xban laj David xban nak li Dios cuan riqꞌuin laj David ut incꞌaꞌ chic nacuan riqꞌuin laj Saúl.

1 Samuel 18:14

Li Ka̱cuaꞌ cuan riqꞌuin laj David. Joꞌcan nak us na-el riqꞌuin chixjunil li cꞌaꞌru naxba̱nu.

2 Samuel 7:9

La̱in xintenkꞌan a̱cue saꞌ chixjunil li naꞌajej xatcuulac cuiꞌ ut xinkꞌaxtesi saꞌ a̱cuukꞌ chixjunileb li xicꞌ nequeꞌiloc a̱cue. Xinqꞌue a̱cuanquil joꞌ lix cuanquileb li xni̱nkal ru cui̱nk li cuanqueb saꞌ ruchichꞌochꞌ.

2 Samuel 8:6

Chirix aꞌan laj David quixyi̱b xnaꞌajeb li soldados re teꞌcꞌacꞌale̱nk saꞌ li tenamit Damasco. Ut eb laj Siria queꞌcana rubel xcuanquil ut queꞌxtoj rix lix naꞌajeb. Yalak bar co̱ chi pletic laj David, li Ka̱cuaꞌ quitenkꞌan re, re nak us qui-el.

2 Samuel 8:14

Li rey David quixyi̱b lix naꞌajeb lix soldados saꞌ chixjunil li naꞌajej Edom. Ut eb li cuanqueb aran queꞌcana rubel xcuanquil laj David. Li Ka̱cuaꞌ quitenkꞌan re laj David chi numta̱c saꞌ xbe̱neb chixjunileb li quicuulac cuiꞌ chi pletic.