2 Samuel 4:5 - Li Santil hu

⁵ Laj Recab ut laj Baana, li cuib chi ralal laj Rimón, Beerot xtenamit, queꞌco̱eb saꞌ rochoch laj Is-boset. Queꞌcuulac saꞌ li ho̱nal nak kꞌaxal tik li sakꞌe nak laj Is-boset yo̱ chi hila̱nc.

Q'eqchi Bible

⁵ Ke'xchap xb'eheb' laj Rekab ut laj Bahaná, ralaleb' laj Rimón aj Beherot, ut ke'wulak sa' rochoch laj Isbahal naq a'in yo chi wark, sa' li honal naq q'axal tiq li saq'e.

2 Samuel 4:5 ပူးပေါင်းရင်းမြစ်များ

2 Crónicas 25:27

Chalen nak laj Amasías quixcanab xlokꞌoninquil li Ka̱cuaꞌ, eb li tenamit li cuanqueb Jerusalén queꞌxcꞌu̱b ru chanru nak teꞌxcamsi. Laj Amasías quie̱lelic chiruheb ut co̱ toj Laquis. Abanan queꞌxta̱ke ut aran queꞌxcamsi.

2 Crónicas 24:25

Nak queꞌco̱eb laj Siria queꞌxcanab chi tꞌantꞌo chi ca̱mc re li rey Joás. Eb li queꞌcꞌanjelac chiru queꞌxcꞌu̱b ru cꞌaꞌru teꞌxba̱nu re xqꞌuebal re̱kaj nak quixqꞌue chi camsi̱c laj Zacarías li ralal laj Joiada laj tij. Queꞌxcamsi laj Joás nak cuan saꞌ xchꞌa̱t. Chirix aꞌan queꞌxmuk saꞌ lix tenamit laj David, abanan ma̱cuaꞌ saꞌ li naꞌajej li queꞌmukeꞌ cuiꞌ eb li rey.

1 Reyes 16:9

Laj Zimri, li nacꞌanjelac chiru laj Ela, quixcꞌu̱b ru chanru nak tixcamsi. Laj Zimri, aꞌan li nataklan saꞌ xbe̱neb yi jach lix carruaje laj Ela. Saꞌ jun li cutan laj Ela cuan saꞌ rochoch laj Arsa, li na-iloc re lix jun cablal. Qui-ucꞌac ut quicala.

2 Samuel 11:2

Saꞌ jun li ecuu nak quicuacli chak laj David saꞌ lix chꞌa̱t, co̱ saꞌ xbe̱n li rochoch. Nak yo̱ chi be̱c aran, quiril jun li ixk yo̱ chi ati̱nc. Cꞌajoꞌ xchꞌinaꞌusal li ixk aꞌan.

2 Samuel 2:8

Laj Abner, li ralal laj Ner, aꞌan li nataklan saꞌ xbe̱neb lix soldados laj Saúl. Laj Abner co̱ saꞌ li naꞌajej Mahanaim. Quixcꞌam chirix laj Is-boset li ralal laj Saúl nak co̱.

2 Crónicas 33:24

Eb li nequeꞌtenkꞌan re laj Amón queꞌxcꞌu̱b ru chanru teꞌxba̱nu nak teꞌxcamsi laj Amón ut queꞌxcamsi saꞌ li palacio.

2 Samuel 4:2

Laj Is-boset li ralal laj Saúl cuanqueb cuib li cui̱nk nequeꞌcꞌanjelac chiru. Aꞌaneb li queꞌtaklan saꞌ xbe̱neb li soldados li nequeꞌxic chi pletic re teꞌre̱chani li cꞌaꞌak re ru. Li jun aj Baana xcꞌabaꞌ ut li jun chic aj Recab xcꞌabaꞌ. Ralaleb laj Rimón li quicuan Beerot. Aꞌan eb xcomoneb li ralal xcꞌajoleb laj Benjamín xban nak Beerot, aꞌan cuan saꞌ xcue̱nt li cuanqueb cuiꞌ li ralal xcꞌajol laj Benjamín.