2 Samuel 4:4 - Li Santil hu

⁴ Quicuan jun li ralal laj Jonatán, li ralal laj Saúl. Aꞌan laj Mefi-boset xcꞌabaꞌ. O̱b chihab cuan re nak eb li cuanqueb Jezreel queꞌxtakla resil nak queꞌcamsi̱c laj Jonatán ut laj Saúl. Li ixk li na-iloc re laj Mefi-boset quixkꞌalu ut quie̱lelic. Abanan xban nak yo̱ chixse̱banquil rib, quitꞌaneꞌ li chꞌina al saꞌ rukꞌ ut quicana chi incꞌaꞌ chic nabe̱c.

Q'eqchi Bible

⁴ Laj Jonatán, ralal laj Saúl, kiwank jun ralal sik roq, aj Mefibahal xk'ab'a'. Oob' chihab' wank re naq ki'elk chaq Jisrehel resil li xkamik laj Saúl ut laj Jonatán. Toja' naq li ixq aj ilol re kixchap ut ki'elelik, ab'anan naq yo chi aanilak, kit'ane'k li ch'ina'al ut sik kikanaak.

2 Samuel 4:4 ပူးပေါင်းရင်းမြစ်များ

2 Samuel 9:3

Li rey David quixye re: —¿Ma toj yoꞌyo junak ralal xcꞌajol laj Saúl? La̱in nacuaj tinba̱nu usilal re joꞌ xinye re li Dios tinba̱nu, chan. Laj Siba quixye re: —Toj yoꞌyo jun li ralal laj Jonatán. Aꞌan incꞌaꞌ nabe̱c, chan.

1 Crónicas 9:40

Li ralal laj Jonatán, aꞌan laj Merib-baal. Laj Merib-baal, aꞌan lix yucuaꞌ laj Micaía.

1 Crónicas 8:34

Laj Jonatán, aꞌan lix yucuaꞌ laj Merib-baal. Laj Merib-baal, aꞌan lix yucuaꞌ laj Micaía.

2 Samuel 9:6

Laj Mefi-boset, li ralal laj Jonatán quicuulac riqꞌuin laj David. Laj Mefi-boset, aꞌan li ri laj Saúl. Quixcuikꞌib rib chiru laj David re xqꞌuebal xlokꞌal. Laj David quixye re: —At Mefi-boset, chan. Ut aꞌan quixye re: —La̱in aj cꞌanjel cha̱cuu, chan.

1 Samuel 29:11

Cuulajak chic nak toj ekꞌela, laj David ut eb li cuanqueb rochben, queꞌcuacli ut queꞌsukꞌi cuiꞌchic saꞌ xtenamiteb laj filisteo. Ut eb laj filisteo queꞌco̱eb Jezreel.

1 Samuel 29:1

Eb laj filisteo queꞌxchꞌutub lix solda̱deb aran Afec ut eb laj Israel cuanqueb aran Jezreel cuan cuiꞌ li yuꞌam haꞌ.

2 Samuel 21:7

Li rey David quiril xtokꞌoba̱l ru laj Mefi-boset li ralal laj Jonatán li ralal laj Saúl xban li juramento li queꞌxba̱nu laj David ut laj Jonatán saꞌ xcꞌabaꞌ li Dios.

2 Samuel 9:13

Laj Mefi-boset incꞌaꞌ nequeꞌbe̱c chixcabichaleb li rok. Aꞌan quicuan Jerusalén ut junelic quicuaꞌac saꞌ lix me̱x li rey David.

1 Reyes 11:17

Abanan laj Hadad, li sa̱j al, quie̱lelic ut co̱ Egipto rochbeneb cuib oxib laj Edom li queꞌcꞌanjelac chiru lix yucuaꞌ.