2 Samuel 4:1 - Li Santil hu

¹ Cꞌajoꞌ nak quixucuac laj Is-boset, li ralal laj Saúl, nak quirabi nak quicamsi̱c laj Abner aran Hebrón. Ut queꞌxucuac ajcuiꞌ chixjunileb li cuanqueb aran Israel.

Q'eqchi Bible

¹ Naq laj Isbahal, ralal laj Saúl, kirab'i resil li xkamik laj Abner aran Hebrón, k'ajo' naq kisachk xch'ool, ut chixjunileb' laj Israel ke'ok xxiw.

2 Samuel 4:1 ပူးပေါင်းရင်းမြစ်များ

Esdras 4:4

Joꞌcan nak eb li tenamit li cuanqueb saꞌ li naꞌajej aꞌan queꞌxseꞌbesi laj Israel re nak ta̱oc xxiuheb ut teꞌxcanab xyi̱banquil lix templo li Ka̱cuaꞌ.

Isaías 13:7

Ta̱chꞌina̱nk xchꞌo̱leb chixjunileb li cristian ut ma̱cꞌaꞌak chic xmetzꞌe̱uheb.

Jeremías 6:24

Eb li cuanqueb Jerusalén nequeꞌxye: —Xkabi resil nak kꞌaxal ra nequeꞌxba̱nu li yo̱queb chi cha̱lc. Yo̱ kaxiu ut ma̱cꞌaꞌ chic kametzꞌe̱u. Kꞌaxal ra cuanco joꞌ jun li ixk oc re chi qꞌuira̱c.

Sofonías 3:16

Saꞌ eb li cutan aꞌan ta̱yehekꞌ reheb laj Jerusalén: Mexxucuac la̱ex li cuanquex Sión. Me̱cuiba e̱chꞌo̱l.

Jeremías 50:43

Lix reyeb laj Babilonia quirabi resil li ple̱t li xchal saꞌ xbe̱neb. Ma̱cꞌaꞌ chic xmetzꞌe̱u quicana xban xcꞌaꞌux. Cꞌajoꞌ xrahil saꞌ xchꞌo̱l. Chanchan li raylal li naxcꞌul li ixk nak oc re chi qꞌuira̱c.

Isaías 35:3

Cacuubresihomak li rukꞌ li ma̱cꞌaꞌeb xmetzꞌe̱u. Joꞌ ajcuiꞌ li rok li nequeꞌsicsot xban xlubic. Qꞌuehomak xcacuilal xchꞌo̱leb li kꞌuneb xchꞌo̱l. Ut qꞌuehomak xcacuil xchꞌo̱l li nequeꞌchꞌinan xchꞌo̱l.

Nehemías 6:9

Chixjunil li cꞌaꞌru xeꞌxba̱nu ke, aꞌan yal re kaseꞌbesinquil. Eb aꞌan xeꞌxcꞌoxla nak ta̱chꞌina̱nk kachꞌo̱l ut takacanab xba̱nunquil li cꞌanjel ut incꞌaꞌ takachoy xyi̱banquil li tzꞌac. Joꞌcan nak quintijoc ut quinye: —At kaDios, chaqꞌue taxak xcacuilal kachꞌo̱l re takachoy li cꞌanjel.—

2 Samuel 17:2

Tinpletik riqꞌuin nak lublu̱queb ut ma̱cꞌaꞌ xmetzꞌe̱uheb. Teꞌxucuak chiku ut chixjunileb li cui̱nk teꞌe̱lelik. Caꞌaj cuiꞌ li rey tincamsi.

2 Samuel 3:27

Nak laj Abner quicuulac Hebrón, laj Joab quixcꞌam chi mukmu saꞌ li oqueba̱l re ta̱a̱tinak riqꞌuin xjunes. Ut quixcuj lix chꞌi̱chꞌ saꞌ xcꞌatk xsaꞌ ut quixcamsi. Quixcamsi re tixtoj rix li ma̱c li quixba̱nu nak quixcamsi laj Asael li ri̱tzꞌin laj Joab.

2 Samuel 2:8

Laj Abner, li ralal laj Ner, aꞌan li nataklan saꞌ xbe̱neb lix soldados laj Saúl. Laj Abner co̱ saꞌ li naꞌajej Mahanaim. Quixcꞌam chirix laj Is-boset li ralal laj Saúl nak co̱.