2 Samuel 3:6 - Li Santil hu

⁶ Nak yo̱queb chi pletic li soldados li nequeꞌoquen chirix li ralal laj Saúl riqꞌuineb li soldados li nequeꞌoquen chirix laj David, yo̱ chi nima̱nc xcuanquil laj Abner saꞌ xya̱nkeb li nequeꞌoquen chirix li ralal laj Saúl.

Q'eqchi Bible

⁶ Naq eb' laj Saúl ut eb' laj David yookeb' chi yalok, laj Abner kinimank xwankil sa' xyanqeb' li neke'okenk chirix laj Saúl.

2 Samuel 3:6 ပူးပေါင်းရင်းမြစ်များ

San Mateo 12:30

Li ani incꞌaꞌ na-oquen chicuix, aꞌan xicꞌ niquinril. Ut ani incꞌaꞌ naxococ cuochben, aꞌan paji̱nc naxba̱nu.

Proverbios 21:30

Chiru li Ka̱cuaꞌ ma̱cꞌaꞌ na-oc cuiꞌ li naꞌleb re li ruchichꞌochꞌ.

2 Crónicas 25:8

Usta cau e̱chꞌo̱l nak yo̱kex chi pletic, abanan li Dios texkꞌaxtesi saꞌ rukꞌeb li xicꞌ nequeꞌiloc e̱re. Li Dios, aꞌan cuan xcuanquil chi tenkꞌa̱nc ut cuan ajcuiꞌ xcuanquil che̱canabanquil chi sachecꞌ, chan.

2 Reyes 10:23

Tojoꞌnak laj Jehú qui-oc saꞌ lix templo laj Baal rochben laj Jonadab li ralal laj Recab. Laj Jehú quixye reheb li nequeꞌcꞌanjelac chiru laj Baal: —Qꞌuehomak retal nak incꞌaꞌ teꞌoc chak li nequeꞌlokꞌonin re li tzꞌakal Dios. Caꞌaj cuiꞌ la̱ex li nequexlokꞌonin re laj Baal naru nequexcuan arin, chan.

2 Samuel 3:5

Li xcuak li ralal laj David, aꞌan laj Itream. Lix naꞌ, aꞌan lix Egla, jun chic li rixakil laj David. Aꞌaneb aꞌin li ralal laj David li queꞌyoꞌla aran Hebrón.

1 Samuel 14:50

Li rixakil laj Saúl, aꞌan lix Ahinoam, lix rabin laj Ahimaas. Ut li nataklan saꞌ xbe̱neb lix soldados, aꞌan laj Abner, li ralal laj Ner. Laj Ner, aꞌan rican laj Saúl.

2 Samuel 3:1

Najt queꞌpletic lix soldados laj Saúl riqꞌuineb lix soldados laj David. Yo̱queb chi cacuu̱c ribeb lix soldados laj David ut incꞌaꞌ chic cau ribeb lix soldados laj Saúl.