2 Samuel 3:29 - Li Santil hu

²⁹ Chicana̱k ta li ma̱c aꞌin saꞌ xbe̱n laj Joab ut saꞌ xbe̱neb li ralal xcꞌajol. Saꞌ xya̱nkeb li ralal xcꞌajol junelic ta̱cua̱nk li raylal. Ta̱cua̱nk li xox li naxyaꞌali rib, ut li saklep rix. Ta̱cua̱nk li ye̱k rok. Ta̱cua̱nk li teꞌcamsi̱k saꞌ ple̱t, malaj ut incꞌaꞌ ta̱tzꞌaklok lix tzacae̱mkeb, chan laj David.

Q'eqchi Bible

²⁹ Kanaaq li maak a'in sa' xb'een laj Johab ut sa' xb'een chixjunil li xjunkab'al. Chiwanq junelik sa' xyanqeb' li ralal xk'ajol li ani nakub'eek xkik'el, li saqlep rix, li yeq roq, li taakamsiiq chi ch'iich' malaj li maak'a'aq xwa”, chan laj David.

2 Samuel 3:29 ပူးပေါင်းရင်းမြစ်များ

2 Samuel 1:16

Ut laj David quixye re li cui̱nk aj Amalec: —Xma̱c nak xaye nak xacamsi li rey li sicꞌbil ru xban li Dios, joꞌcan nak xatcamsi̱c la̱at, chan.

Apocalipsis 16:6

Xban nak aꞌan eb queꞌcamsin reheb la̱ cualal a̱cꞌajol ut eb la̱ profeta, joꞌcan nak xasukꞌisi li haꞌ chokꞌ quicꞌ ut xaqꞌueheb chirucꞌ. Xcꞌulubeb nak teꞌxcꞌul chi joꞌcan xban nak incꞌaꞌ us lix naꞌlebeb, chan.

Hechos 28:4

Li cuanqueb saꞌ li naꞌajej Malta, nak queꞌril li cꞌambolay tꞌuytꞌu chi rukꞌ, queꞌxye chi ribileb rib: —Relic chi ya̱l nak li cui̱nk aꞌin, aꞌan aj camsinel. Xcoleꞌ chak chiru li palau, abanan incꞌaꞌ ta̱canaba̱k chi yoꞌyo arin chi incꞌaꞌ tixcꞌul xtojbal rix lix ma̱c, chanqueb.

2 Reyes 5:27

Anakcuan ta̱letz cha̱cuix lix yajel laj Naamán. Chalen anakcuan saklep chic a̱cuix joꞌ eb ajcuiꞌ la̱ cualal a̱cꞌajol saklep chic rixeb, chan. Ut nak co̱ laj Giezi, saklep chic rix. Sak sak joꞌ li ratzꞌam que.

2 Reyes 5:1

Quicuan jun li cui̱nk aj Naamán xcꞌabaꞌ. Laj Naamán, aꞌan li nataklan saꞌ xbe̱neb li soldado re li tenamit Siria. Lix reyeb laj Siria quixqꞌue xlokꞌal laj Naamán xban nak saꞌ xcꞌabaꞌ aꞌan li Ka̱cuaꞌ quixqꞌueheb laj Siria chi numta̱c saꞌ xbe̱neb li xicꞌ nequeꞌiloc reheb. Laj Naamán naxnau pletic chi us ut cau rib. Abanan cuan lix yajel. Saklep rix.

Jueces 9:24

Li Dios quixba̱nu chi joꞌcan re nak laj Abimelec rochbeneb li cui̱nk aj Siquem teꞌxtoj rix li ma̱c li queꞌxba̱nu nak queꞌxcamsiheb li laje̱b xca̱cꞌa̱l (70) chi ralal laj Jerobaal.

Levítico 15:2

—Tex-a̱tinak riqꞌuineb laj Israel ut te̱ye reheb chi joꞌcaꞌin: Muxbil ru li cui̱nk li na-el xyaꞌal lix tzꞌejcual xban junak yajel.

Deuteronomio 21:6

Ut chixjunileb li nequeꞌcꞌamoc be saꞌ li tenamit, li cuanqueb nachꞌ riqꞌuin li naꞌajej li queꞌxtau cuiꞌ li camenak, teꞌxchꞌaj li rukꞌ saꞌ xbe̱n li cuacax li quitokeꞌ xcux saꞌ li ru takꞌa.

2 Samuel 3:28

Mokon chic laj David quirabi resil li cꞌaꞌru quixba̱nu laj Joab. Quixye: —Li Ka̱cuaꞌ naxnau nak la̱in ma̱cꞌaꞌ inma̱c. Chi moco eb li cuanqueb rubel incuanquil cuanqueb xma̱c nak quicamsi̱c laj Abner li ralal laj Ner.

2 Samuel 16:8

Li Ka̱cuaꞌ Dios xqꞌuehoc a̱cue chixtojbal a̱ma̱c xban nak xacamsiheb nabal li ralal xcꞌajol laj Saúl ut la̱at chic xat-oc saꞌ lix naꞌaj. Li Ka̱cuaꞌ xatrisi saꞌ la̱ cuanquil ut aꞌ chic la̱ cualal laj Absalón xqꞌue saꞌ la̱ naꞌaj. Xat-isi̱c saꞌ la̱ cuanquil xban nak la̱at aj camsinel, chan.

Éxodo 21:19

cui ta̱cuacli̱k ut ta̱be̱k cuiꞌchic, usta riqꞌuin xukꞌ, ta̱cana̱k libre li quisacꞌoc re. Abanan tento tixtoj lix banbal li quixsacꞌ ut tixtoj ajcuiꞌ jarub cutan incꞌaꞌ xcꞌanjelac.

Números 35:33

Me̱mux ru li naꞌajej li texcua̱nk cuiꞌ. Li camsi̱nc naxmux ru li chꞌochꞌ. Caꞌaj cuiꞌ ta̱ru̱k xtojbal rix li ma̱c nak ta̱camsi̱k li xcamsin. Ut li chꞌochꞌ ta̱cana̱k chi incꞌaꞌ chic muxbil ru.

Salmos 7:17

Aꞌut la̱in ninbantioxi chiru li Ka̱cuaꞌ Dios xban nak saꞌ ti̱quilal narakoc a̱tin. Tinbicha̱nk re xlokꞌoninquil lix cꞌabaꞌ li nimajcual Dios.