2 Samuel 3:27 - Li Santil hu

²⁷ Nak laj Abner quicuulac Hebrón, laj Joab quixcꞌam chi mukmu saꞌ li oqueba̱l re ta̱a̱tinak riqꞌuin xjunes. Ut quixcuj lix chꞌi̱chꞌ saꞌ xcꞌatk xsaꞌ ut quixcamsi. Quixcamsi re tixtoj rix li ma̱c li quixba̱nu nak quixcamsi laj Asael li ri̱tzꞌin laj Joab.

Q'eqchi Bible

²⁷ Naq laj Abner kisutq'iik chaq Hebrón, laj Johab kixk'am xjunes chire li rokeb'aal li tenamit chanchan wi' ok re chi xyeeb'al junaq aatin sa' hasb', ut aran ajwi' kixtiq' rub'el xsa' ut kixkamsi re xtojb'al rix xkamik laj Asahel li riitz'in.

2 Samuel 3:27 ပူးပေါင်းရင်းမြစ်များ

1 Reyes 2:5

La̱at nacanau cꞌaꞌru quixba̱nu cue laj Joab lix yum lix Sarvia. Nacanau nak quixcamsiheb li cuib li queꞌtaklan saꞌ xbe̱neb li soldados aj Israel. Quixcamsi laj Abner li ralal laj Ner ut quixcamsi ajcuiꞌ laj Amasa li ralal laj Jeter. Incꞌaꞌ yo̱ li ple̱t nak quixcamsiheb re xqꞌuebal re̱kaj li camsi̱nc queꞌxba̱nu nak yo̱ li ple̱t. Ut riqꞌuin li camsi̱nc li quixba̱nu, quixqꞌue saꞌ inbe̱n la̱in li ma̱c, usta aꞌan raj li cuan xma̱c.

1 Reyes 2:32

Li Dios ta̱qꞌuehok re chi ca̱mc laj Joab xban nak laj Joab quixcamsiheb li cuib chi cui̱nk li kꞌaxal ti̱c xchꞌo̱leb ut cha̱bileb xnaꞌleb chiru laj Joab. Quixcamsiheb chi incꞌaꞌ quixnau laj David lin yucuaꞌ. Aꞌaneb laj Abner, li quitaklan saꞌ xbe̱neb lix soldados laj Israel, ut laj Amasa, li quitaklan saꞌ xbe̱neb lix soldados laj Judá.

Jeremías 41:2

Nak yo̱queb chi cuaꞌac, laj Ismael ut li laje̱b chi cui̱nk li cuanqueb rochben, queꞌcuacli ut queꞌxcamsi chi chꞌi̱chꞌ laj Gedalías li ralal laj Ahicam, li ralal laj Safán. Laj Gedalías, aꞌan li quixakaba̱c xban lix reyeb laj Babilonia chi takla̱nc saꞌ li naꞌajej Judá.

Deuteronomio 27:24

Tzꞌekta̱nanbil li ani tixcamsi ras ri̱tzꞌin usta chi mukmu naxba̱nu. Ut chixjunileb li tenamit teꞌxye: Joꞌcan taxak.

Números 35:20

Cui junak xicꞌ naril li ras ri̱tzꞌin ut naxtꞌan, malaj ut naxsacꞌ riqꞌuin cꞌaꞌak re ru,

2 Samuel 3:26

Nak laj Joab qui-el riqꞌuin laj David, quixtaklaheb lix takl chixsicꞌbal laj Abner re teꞌxcꞌam riqꞌuin. Queꞌxtau cuan cuiꞌ li jul haꞌ aran Sira ut queꞌxcꞌam riqꞌuin laj Joab. Abanan laj David incꞌaꞌ quixnau cꞌaꞌru yo̱queb.

2 Samuel 3:28

Mokon chic laj David quirabi resil li cꞌaꞌru quixba̱nu laj Joab. Quixye: —Li Ka̱cuaꞌ naxnau nak la̱in ma̱cꞌaꞌ inma̱c. Chi moco eb li cuanqueb rubel incuanquil cuanqueb xma̱c nak quicamsi̱c laj Abner li ralal laj Ner.

2 Samuel 4:1

Cꞌajoꞌ nak quixucuac laj Is-boset, li ralal laj Saúl, nak quirabi nak quicamsi̱c laj Abner aran Hebrón. Ut queꞌxucuac ajcuiꞌ chixjunileb li cuanqueb aran Israel.

2 Samuel 13:26

Ut laj Absalón quixye re: —Cui incꞌaꞌ ta̱ru̱k tatxic la̱at, chixicak laj Amnón li cuas, chan. Ut li rey quixye re: —¿Cꞌaꞌut nak ta̱cuaj nak ta̱xic laj Amnón? chan.

2 Samuel 19:13

Laj David quixye reheb nak teꞌxye re laj Amasa chi joꞌcaꞌin: —¿Ma ma̱cuaꞌ ta biꞌ la̱at cuechꞌalal? Chalen anakcuan la̱at chic tattakla̱nk saꞌ xbe̱neb lin soldados chokꞌ re̱kaj laj Joab. Aꞌ taxak li Dios chiqꞌuehok cue chixtojbal inma̱c cui incꞌaꞌ tinba̱nu li cꞌaꞌru yo̱quin chixyechiꞌinquil a̱cue, chan.

Números 35:19

Li rechꞌalal li quicamsi̱c, aꞌan li ta̱camsi̱nk re laj camsinel aꞌ yal bar tixcꞌul.

1 Crónicas 27:21

Li nataklan saꞌ xbe̱n li yi jach chic li ralal xcꞌajol laj Manasés li cuanqueb Galaad, aꞌan laj Iddo li ralal laj Zacarías. Li nataklan saꞌ xbe̱neb li ralal xcꞌajol laj Benjamín, aꞌan laj Jaasiel li ralal laj Abner.

Proverbios 26:26

Usta tixmuk cha̱cuu lix joskꞌil, abanan ta̱cuulak xkꞌehil nak chixjunileb teꞌxnau li ma̱usilal naxba̱nu.