2 Samuel 3:22 - Li Santil hu

²² Chirix chic aꞌan laj Joab rochbeneb lix soldados laj David queꞌsukꞌi chi pletic. Queꞌxcꞌam chak nabal li cꞌaꞌak re ru queꞌre̱chani saꞌ li ple̱t. Laj Abner ma̱ ani chic riqꞌuin laj David aran Hebrón. Ac quichakꞌrabi̱c xban laj David ut co̱ chi sa saꞌ xchꞌo̱l.

Q'eqchi Bible

²² Moqon chik laj Johab, rochb'eeneb' laj k'anjel chiru laj David, ke'sutq'iik chi yalok ut ke'xk'am chaq naab'al li reechanihomeb'. Maa'ani chik laj Abner rik'in laj David aran Hebrón, xb'aan naq ak xchaq'rab'iik xb'aan li awab'ej sa' tuqtuukil usilal.

2 Samuel 3:22 ပူးပေါင်းရင်းမြစ်များ

1 Samuel 27:8

Saꞌ eb li cutan aꞌan laj David ut eb li soldado li cuanqueb rochben, rajlal nequeꞌxic chi pletic riqꞌuineb laj Gesur, eb laj Gezer ut eb laj Amalec re teꞌxcꞌam li cꞌaꞌru reheb. Eb li naꞌajej li queꞌcuan cuiꞌ li cristian aꞌan naticla chak Telaim li nacana saꞌ xjayal li naꞌajej Shur ut nacuulac toj Egipto.

2 Samuel 3:23

Nak quicuulac laj Joab ut li rochben, queꞌrabi resil nak laj Abner li ralal laj Ner quicuulac chirilbal laj David. Quicꞌuleꞌ saꞌ xya̱lal ut co̱ cuiꞌchic chi sa saꞌ xchꞌo̱l.

2 Samuel 4:2

Laj Is-boset li ralal laj Saúl cuanqueb cuib li cui̱nk nequeꞌcꞌanjelac chiru. Aꞌaneb li queꞌtaklan saꞌ xbe̱neb li soldados li nequeꞌxic chi pletic re teꞌre̱chani li cꞌaꞌak re ru. Li jun aj Baana xcꞌabaꞌ ut li jun chic aj Recab xcꞌabaꞌ. Ralaleb laj Rimón li quicuan Beerot. Aꞌan eb xcomoneb li ralal xcꞌajoleb laj Benjamín xban nak Beerot, aꞌan cuan saꞌ xcue̱nt li cuanqueb cuiꞌ li ralal xcꞌajol laj Benjamín.