2 Samuel 3:12 - Li Santil hu

¹² Ut laj Abner quixtakla resil riqꞌuin laj David ut quixye re: —¿Ma jalan ta biꞌ aj e li naꞌajej aꞌin? Ba̱nu junak contrato cuiqꞌuin ut la̱in tatintenkꞌa re nak chixjunileb li cuanqueb arin Israel teꞌoque̱nk cha̱cuix, chan.

Q'eqchi Bible

¹² Ut laj Abner kixtaqlaheb' aj esil re xyeeb'al re laj David: “Ani laj eechal re li tenamit? K'e aawib' sa' aatin wik'in ut laa'in tatintenq'a re naq chixjunileb' laj Israel te'okenq chawix”.

2 Samuel 3:12 ပူးပေါင်းရင်းမြစ်များ

Salmos 62:9

Li cristian ma̱cꞌaꞌ nequeꞌoc cuiꞌ. Usta cuanqueb xcuanquil, usta ma̱cꞌaꞌeb xcuanquil ma̱cꞌaꞌ nequeꞌoc cuiꞌ. Nak ta̱rakekꞌ a̱tin saꞌ xbe̱neb, aran ta̱cꞌutu̱nk nak chixjunileb juntakꞌe̱teb. Chanchan nak nabiseꞌ junak cꞌaꞌ re ru incꞌaꞌ a̱l. Na-apu̱c xban li ikꞌ.

2 Samuel 19:41

Ut chixjunileb laj Israel queꞌco̱eb riqꞌuin li rey ut queꞌxye re: —At rey, ¿cꞌaꞌut nak eb li kas ki̱tzꞌin li cuanqueb Judá xeꞌochbenin a̱cue nak xatnumeꞌ saꞌ li nimaꞌ Jordán a̱cuochbeneb chixjunileb la̱ cualal a̱cꞌajol ut eb la̱ soldados? chanqueb.

2 Samuel 19:14

Ut queꞌxcꞌul xchꞌo̱l li cꞌaꞌru quitakla̱c xyebal reheb xban laj David. Ut chixjunileb li cuanqueb Judá junajeb xchꞌo̱l nak queꞌxtakla resil nak laj David ta̱sukꞌi̱k rochbeneb chixjunileb li nequeꞌcꞌanjelac chiru.

2 Samuel 19:6

La̱at xicꞌ nacacuileb li nequeꞌrahoc a̱cue ut li incꞌaꞌ nequeꞌrahoc a̱cue nacaraheb. Cha̱cuu la̱at ma̱cꞌaꞌ nequeꞌoc cuiꞌ li soldados li nequeꞌcꞌanjelac cha̱cuu, chi moco li nequeꞌtaklan saꞌ xbe̱neb. Anakcuan ninnau nak cui ta toj yoꞌyo laj Absalón, sa raj saꞌ a̱chꞌo̱l usta ac xocamsi̱c chikajunilo la̱o.

2 Samuel 3:27

Nak laj Abner quicuulac Hebrón, laj Joab quixcꞌam chi mukmu saꞌ li oqueba̱l re ta̱a̱tinak riqꞌuin xjunes. Ut quixcuj lix chꞌi̱chꞌ saꞌ xcꞌatk xsaꞌ ut quixcamsi. Quixcamsi re tixtoj rix li ma̱c li quixba̱nu nak quixcamsi laj Asael li ri̱tzꞌin laj Joab.

2 Samuel 3:21

Laj Abner quixye re laj David: —La̱in tinxic chixchꞌutubanquileb chixjunileb li cuanqueb aran Israel re nak teꞌxba̱nu junak li contrato a̱cuiqꞌuin. Ut la̱atak chic xreyeb joꞌ nacacꞌoxla nak us xba̱nunquil, chan. Nak quichakꞌrabi̱c xban laj David, laj Abner co̱ chi sa saꞌ xchꞌo̱l.

2 Samuel 3:11

Ma̱ jun li a̱tin quisumen cuiꞌ laj Is-boset xban nak quixucuac chiru.

2 Samuel 3:13

Laj David quixye re: —Us. La̱in tinba̱nu li contrato a̱cuiqꞌuin. Abanan, tento nak ta̱cꞌam chak cuiqꞌuin lix Mical lix rabin laj Saúl. Incꞌaꞌ tatcha̱lk chicuilbal cui incꞌaꞌ nacacꞌam chak lix Mical cha̱cuix, chan.

2 Samuel 3:38

Ut li rey David quixye reheb li nequeꞌcꞌanjelac chiru: —¿Ma incꞌaꞌ nequeqꞌue retal nak li cui̱nk li quicamsi̱c, aꞌan jun li nataklan ut nim xcuanquil saꞌ xya̱nkeb li cuanqueb Israel?