2 Samuel 24:6 - Li Santil hu

⁶ Chirix aꞌan queꞌco̱eb saꞌ eb li tenamit Galaad ut Hodsi saꞌ lix naꞌajeb laj hititas. Nak queꞌel aran queꞌco̱eb saꞌ li tenamit Dan-jaán. Ut chirix aꞌan queꞌco̱eb Sidón ut saꞌ eb li naꞌajej li cuanqueb chi xjun sutam.

Q'eqchi Bible

⁶ Chirix chik a'an koheb' Galahad ut Kadés, sa' xtenamiteb' laj Hit. Ke'wulak toj Dan; ke'elk aran, ke'xk'e q'oot ut koheb' sa' xjayal Sidón.

2 Samuel 24:6 ပူးပေါင်းရင်းမြစ်များ

Josué 19:28

Nacuulac toj saꞌ eb li tenamit Hebrón, Rehob, Hamón ut Caná. Nacuulac toj cuan cuiꞌ li nimla tenamit Sidón.

Jueces 1:31

Chi moco eb li ralal xcꞌajol laj Aser queꞌrisiheb li cuanqueb saꞌ eb li tenamit Aco, Sidón, Alab, Aczib, Helba ut Afec joꞌ ajcuiꞌ Rehob.

Josué 19:47

Eb li ralal xcꞌajol laj Dan incꞌaꞌ quitzꞌakloc lix naꞌajeb. Joꞌcan nak queꞌco̱eb chi pletic saꞌ li tenamit Lesem. Queꞌxcamsiheb chi chꞌi̱chꞌ li cristian ut queꞌre̱chani li naꞌajej ut aran queꞌcana chi cua̱nc. Li tenamit aꞌan Lesem xcꞌabaꞌ, abanan eb aꞌan queꞌxqꞌue Dan chokꞌ xcꞌabaꞌ xban nak aꞌan xcꞌabaꞌ lix xeꞌto̱nil yucuaꞌeb.

Josué 11:8

Li Ka̱cuaꞌ quixqꞌueheb laj Israel chi numta̱c saꞌ xbe̱neb. Ut queꞌra̱linaheb toj saꞌ li nimla tenamit Sidón ut toj saꞌ li naꞌajej Misrefot-maim ut toj saꞌ li ru takꞌa Mizpa li cuan saꞌ li este. Ut queꞌxcamsi chixjunileb. Ma̱ jun chic reheb queꞌcana chi yoꞌyo.

Números 32:39

Eb li ralal xcꞌajol laj Maquir, li ralal laj Manasés, queꞌco̱eb Galaad ut queꞌnumta saꞌ xbe̱neb laj amorreo toj retal nak queꞌrisiheb.

Números 32:1

Kꞌaxal nabaleb lix queto̱mkeb li ralal xcꞌajol laj Rubén ut eb li ralal xcꞌajol laj Gad. Queꞌril li naꞌajej Jazer ut Galaad ut queꞌxqꞌue retal nak cha̱bil re qꞌuiresi̱nc queto̱mk.

Génesis 31:21

Laj Jacob quie̱lelic riqꞌuin chixjunil li cꞌaꞌru cuan re. Quinumeꞌ saꞌ li nimaꞌ Éufrates ut quixcꞌam li be li naxic saꞌ li tzu̱l Galaad.

Génesis 10:15

Laj Canaán, aꞌan xyucuaꞌ laj Sidón ut laj Het. Laj Sidón, aꞌan li asbej.