2 Samuel 24:22 - Li Santil hu

²² Laj Arauna quixye re: —At rey, ba̱nu joꞌ nacacꞌoxla nak us xba̱nunquil. Qꞌue la̱ mayej chiru li Ka̱cuaꞌ la̱ Dios. Naru ta̱camsi li cuib chi bo̱yx aꞌin chokꞌ re la̱ cꞌatbil mayej. Ut li cheꞌ li naqꞌueman saꞌ xcuxeb ta̱cꞌanjelak re la̱ siꞌ joꞌ ajcuiꞌ lix cheꞌel li naꞌajej aꞌin, chan.

Q'eqchi Bible

²² Kixye laj Arawná: “At awab'ej, aj eechal we, chap ut yeechi'i li k'aru taawaj. Arin wankeb' linb'ooyx re li mayejak; ut li b'eleb'aal ch'iich' jo'wi' li b'itche' taak'anjelaq cho'q aasi'.

2 Samuel 24:22 ပူးပေါင်းရင်းမြစ်များ

1 Reyes 19:21

Laj Eliseo quisukꞌi cuan cuiꞌ lix bo̱yx. Quixcamsiheb li bo̱yx cuib ut quixchik lix tibeleb. Li cheꞌ li naqꞌueman saꞌ xcux li bo̱yx quicꞌanjelac chokꞌ xsiꞌil. Nak ac xchakꞌac li tib, laj Eliseo quixqꞌue chixtiu eb li tenamit. Chirix chic aꞌan laj Eliseo co̱ chirix laj Elías ut quicꞌanjelac chiru.

1 Samuel 6:14

Li carre̱t quicuulac saꞌ lix naꞌaj li racui̱mk laj Josué li cuan saꞌ li tenamit Bet-semes ut eb li ba̱c queꞌxakli aran cuan cuiꞌ jun li nimla pec. Eb laj Israel queꞌxjor li carre̱t ut queꞌxyi̱b jun li xam. Queꞌxcamsiheb li ba̱c ut queꞌxcꞌat chokꞌ xmayej chiru li Ka̱cuaꞌ.

1 Crónicas 21:22

Laj David quixye re laj Ornán: —La̱in tincuaj xlokꞌbal la̱ naꞌaj li nacacuisi cuiꞌ rix la̱ trigo. Tinyi̱b jun li artal arin re xlokꞌoninquil li Dios re nak teꞌxcanab ca̱mc li tenamit. La̱in tintoj chi tzꞌakal li naꞌajej, chan.

Génesis 23:11

Quixye re laj Abraham: —Ka̱cuaꞌ Abraham, chacuabi li cꞌaꞌru tinye a̱cue. Li chꞌochꞌ aꞌan yal tinsi a̱cue joꞌ ajcuiꞌ li ochoch pec li cuan aran. Aꞌin tinba̱nu chiruheb chixjunileb lin comon. Muk chak la̱ camenak aran, chan laj Efrón.

Jueces 6:26

Ut ta̱yi̱b chi cha̱bil jun chic li artal saꞌ xbe̱n li bol aꞌin re inlokꞌoninquil la̱in li Ka̱cuaꞌ la̱ Dios. Ut saꞌ li artal li ta̱yi̱b, ta̱cꞌat li toro chokꞌ a̱mayej. Lix cheꞌel li dios Asera li xayocꞌ, aꞌan li ta̱cꞌanjelak chokꞌ a̱siꞌ re xcꞌatbal li toro, chan li Ka̱cuaꞌ.