2 Samuel 24:2 - Li Santil hu

² Joꞌcan nak li rey David quixye re laj Joab li kꞌaxal nim xcuanquil saꞌ xbe̱neb li soldados: —Tatxic a̱cuochbeneb chixjunileb li nequeꞌtaklan saꞌ xbe̱neb li soldados. Te̱rajla chixjunileb li cuanqueb saꞌ li naꞌajej Israel. Naticla chak saꞌ li tenamit Dan ut nacuulac toj saꞌ li tenamit Beerseba. Nacuaj xnaubal jarubeb li cristian, chan.

Q'eqchi Bible

² Toja' naq li awab'ej kixye re laj Johab, li xjolomileb' laj puub', li wank rochb'een: “Ayu, chab'eeni chixjunil xteepal Israel, chalen chaq Dan toj Berseba, ut ajlaheb' re naq laa'in tinnaw jo'k'ihaleb' li tenamit”, chan.

2 Samuel 24:2 ပူးပေါင်းရင်းမြစ်များ

2 Samuel 3:10

Li Ka̱cuaꞌ quixye nak ta̱risi xcuanquileb li ralal xcꞌajol laj Saúl ut tixqꞌue re laj David. Laj David ta̱oc chokꞌ xreyeb li cuanqueb saꞌ li naꞌajej Israel, joꞌ ajcuiꞌ chokꞌ xreyeb li cuanqueb saꞌ li naꞌajej Judá. Ta̱takla̱nk saꞌ chixjunil li naꞌajej li naticla aran Dan toj Beerseba, chan laj Abner.

Jueces 20:1

Quilajeꞌxchꞌutub ribeb chixjunileb li cui̱nk aj Israel saꞌ li naꞌajej cuan cuiꞌ li tabernáculo aran Mizpa. Eb aꞌan queꞌchal chak saꞌ eb li naꞌajej li naticla chak Dan ut nacuulac Beerseba ut toj Galaad.

2 Samuel 20:23

Laj Joab quicana chi takla̱nc saꞌ xbe̱neb chixjunileb lix soldados aj Israel. Ut laj Benaía li ralal laj Joiada quicana chi takla̱nc saꞌ xbe̱neb laj cereteo ut eb laj peleteo.

2 Corintios 12:7

Li Dios incꞌaꞌ quiraj nak tinnimobresi cuib xban li kꞌaxal lokꞌ quilajxcꞌutbesi chak chicuu. Joꞌcan nak quiqꞌueheꞌ jun li raylal saꞌ inbe̱n. Chanchan li cuan qꞌuix saꞌ intibel nak nacuecꞌa. Aꞌan xtakl laj tza re inrahobtesinquil. Cuan li raylal aꞌin re nak incꞌaꞌ tinnimobresi cuib.

Jeremías 17:5

Li Ka̱cuaꞌ quixye: —Tzꞌekta̱nanbil li ani naxcanab inlokꞌoninquil ut naxcꞌojob xchꞌo̱l saꞌ xbe̱n junak yal cui̱nk ut naxsicꞌ xtenkꞌanquil riqꞌuin.

Proverbios 29:23

Li ani naxnimobresi rib nacubsi̱c xcuanquil xban xkꞌetkꞌetil. Abanan li naxcubsi rib naqꞌueheꞌ xlokꞌal.

2 Crónicas 32:31

Nak eb li cuanqueb xcuanquil Babilonia queꞌxtaklaheb lix takl chixpatzꞌbal chirix li sachba chꞌo̱lej li quicꞌulman Judá, li Dios quixcanab xjunes laj Ezequías chixsumenquil yal re xyalbal rix laj Ezequías. Quiraj rilbal cꞌaꞌru cuan saꞌ xchꞌo̱l.

1 Crónicas 21:2

Joꞌcan nak laj David quixtaklaheb laj Joab ut eb li nequeꞌtaklan saꞌ xbe̱neb li tenamit. Quixye reheb: —Ayukex. Ajlahomakeb chak chixjunileb laj Israel. Naticla saꞌ li tenamit Beerseba ut nacuulac toj saꞌ li tenamit Dan. Ut tole̱ye cue jarubeb chixjunileb re nak tinnau, chan.

2 Samuel 23:37

laj Selec, Amón xtenamit; laj Naharai, Beerot xtenamit, aꞌan li nacꞌamoc re lix chꞌi̱chꞌ laj Joab lix yum lix Sarvia;

2 Samuel 17:11

La̱in ninye a̱cue nak kꞌaxal us nak ta̱chꞌutubeb ru chixjunileb laj Israel, li cuanqueb saꞌ li tenamit Dan toj saꞌ li tenamit Beerseba. Eb aꞌan kꞌaxal nabaleb. Chanchaneb li cocꞌ ru li samaib chire li palau. Ut la̱at tatcꞌamok xbeheb nak texxic chi pletic.

2 Samuel 8:16

Li nataklan saꞌ xbe̱neb li soldado, aꞌan laj Joab, xyum lix Sarvia. Ut laj Josafat, ralal laj Ahilud, aꞌan li quitzꞌi̱ban re li cꞌaꞌru quicꞌulman.

2 Samuel 2:13

Laj Joab, lix yum lix Sarvia, rochbeneb li nequeꞌcꞌanjelac chiru laj David queꞌco̱eb ut queꞌxcꞌul ribeb aran Gabaón cuan cuiꞌ li haꞌ. Li jun chꞌu̱tal queꞌxakli saꞌ jun pacꞌal li haꞌ ut li jun chꞌu̱tal chic queꞌxakli saꞌ li jun pacꞌal chic.

Génesis 21:14

Joꞌ cuulajak chic nak toj ekꞌela, laj Abraham quixqꞌue xcua lix Agar. Ut quixqꞌue jun bo̱ls tzꞌu̱m lix haꞌ ut lix Agar quixjelo saꞌ xbe̱n xtel. Nak laj Abraham quixkꞌaxtesi laj Ismael saꞌ rukꞌ lix Agar, quixchakꞌrabiheb. Tojoꞌnak queꞌco̱eb ut queꞌxsuti rib saꞌ li chaki chꞌochꞌ Beerseba xcꞌabaꞌ.

2 Samuel 24:15

Joꞌcan nak li Ka̱cuaꞌ quixtakla li caki yajel saꞌ xbe̱neb laj Israel saꞌ li ekꞌela aꞌan toj quicuulac li ho̱nal li quixye li Ka̱cuaꞌ. Queꞌcam laje̱b xca̱cꞌa̱l mil (70,000) chi cui̱nk. Quixtiquib chak saꞌ li tenamit Dan ut quicuulac toj saꞌ li tenamit Beerseba.