2 Samuel 24:15 - Li Santil hu

¹⁵ Joꞌcan nak li Ka̱cuaꞌ quixtakla li caki yajel saꞌ xbe̱neb laj Israel saꞌ li ekꞌela aꞌan toj quicuulac li ho̱nal li quixye li Ka̱cuaꞌ. Queꞌcam laje̱b xca̱cꞌa̱l mil (70,000) chi cui̱nk. Quixtiquib chak saꞌ li tenamit Dan ut quicuulac toj saꞌ li tenamit Beerseba.

Q'eqchi Bible

¹⁵ Ut laj David kixsik' cho'q re li raxkamk. Toja' naq li Qaawa' kixtaqla chaq li raxkamk sa' xb'een Israel, chalen sa' li honal a'an toj sa' li kutan xaqab'anb'il. Lajeeb' xkaak'aal mil (70,000) chi winq ke'kamk sa' li tenamit, chalen chaq Dan toj Berseba.

2 Samuel 24:15 ပူးပေါင်းရင်းမြစ်များ

1 Crónicas 21:14

Joꞌcan nak li Ka̱cuaꞌ quixtakla li caki yajel saꞌ xbe̱neb laj Israel ut queꞌcam laje̱b xca̱cꞌa̱l mil (70,000) chi cui̱nk.

1 Crónicas 27:24

Laj Joab lix yum lix Sarvia quixtiquib rajlanquileb, abanan incꞌaꞌ quixchoy. Quichal xjoskꞌil li Dios xban nak queꞌrajlaheb laj Israel. Joꞌcan nak incꞌaꞌ quitzꞌi̱ba̱c retalil lix qꞌuialeb laj Israel saꞌ li hu li quitzꞌi̱ba̱c cuiꞌ retalil li quilajxba̱nu li rey David.

Apocalipsis 6:8

Quicuil jun li cacua̱y kꞌan rix. Ut li cuan chirix li cacua̱y, aꞌan Ca̱mc xcꞌabaꞌ. Ut li yo̱ chi ta̱ke̱nc re, aꞌan Xnaꞌaj Camenak xcꞌabaꞌ xban nak aꞌan li ta̱cꞌuluk reheb li teꞌca̱mk. Li cuan chirix li cacua̱y quiqꞌueheꞌ xcuanquil chixcamsinquil nabaleb saꞌ ruchichꞌochꞌ. Jun jachal saꞌ xya̱nkeb li ca̱hib jachal (1/4) chi cristian li cuanqueb saꞌ ruchichꞌochꞌ teꞌca̱mk. Cuan teꞌcamsi̱k riqꞌuin chꞌi̱chꞌ. Cuan teꞌca̱mk xban cueꞌej. Cuan teꞌca̱mk xban yajel ut cuan ajcuiꞌ li teꞌcamsi̱k xban li joskꞌ aj xul.

San Mateo 24:7

Nabal li tenamit teꞌpletik chi ribileb rib. Ut eb li acuabej teꞌxpleti ribeb. Talajcua̱nk li cueꞌej ut ta̱cua̱nk li yajel ut ta̱cua̱nk li hi̱c saꞌ nabal chi naꞌajej.

Isaías 37:36

Saꞌ ajcuiꞌ li kꞌojyi̱n aꞌan jun x-ángel li Dios quicuulac saꞌ xmuheba̱leb laj Asiria ut quixcamsiheb jun ciento riqꞌuin o̱b roxcꞌa̱l mil (185,000) chi soldado aj Asiria. Joꞌ cuulajak chic nak quisake̱u, ac camenakeb chic chixjunileb.

1 Crónicas 27:4

Laj Dodai laj Ahoh, aꞌan li quitaklan saꞌ xbe̱neb li soldado li queꞌcꞌacꞌalen re li tenamit saꞌ li xcab po. Laj Miclot, aꞌan li quicꞌamoc be chiruheb. Saꞌ li jun chꞌu̱tal aꞌan cuanqueb ca̱hib xcaꞌcꞌa̱l mil chi cui̱nk.

1 Samuel 6:19

Ut li Ka̱cuaꞌ quixqꞌue chi ca̱mc laje̱b xca̱cꞌa̱l (70) li cui̱nk li cuanqueb Bet-semes xban nak queꞌiloc chi saꞌ li Lokꞌlaj Ca̱x. Ut eb li tenamit queꞌya̱bac xban nak li Ka̱cuaꞌ quixsach ruheb.

Números 25:9

Abanan ac xeꞌcam ca̱hib xcaꞌcꞌa̱l (24,000) mil laj Israel xban li caki yajel.

2 Samuel 24:2

Joꞌcan nak li rey David quixye re laj Joab li kꞌaxal nim xcuanquil saꞌ xbe̱neb li soldados: —Tatxic a̱cuochbeneb chixjunileb li nequeꞌtaklan saꞌ xbe̱neb li soldados. Te̱rajla chixjunileb li cuanqueb saꞌ li naꞌajej Israel. Naticla chak saꞌ li tenamit Dan ut nacuulac toj saꞌ li tenamit Beerseba. Nacuaj xnaubal jarubeb li cristian, chan.

Habacuc 3:2

At nimajcual Dios, nak quicuabi resil li joꞌ qꞌuial xaba̱nu, quinxucua a̱cuu. At Ka̱cuaꞌ Dios, chacꞌutbesi ta cuiꞌchic chiku anakcuan li caba̱nu chak junxil. Chacuuxta̱na taxak ku usta yo̱ a̱joskꞌil saꞌ kabe̱n.