2 Samuel 24:12 - Li Santil hu

¹² Quixye re: —Tatxic riqꞌuin laj David ut ta̱ye re, “Joꞌcaꞌin xye li Ka̱cuaꞌ. Tinye a̱cue oxib pa̱y ru li raylal naru tinba̱nu. Ta̱sicꞌ ru li bar cuan ta̱cuaj la̱at tinba̱nu”, chan li Dios.

Q'eqchi Bible

¹² “Ayu chi xyeeb'al re laj David: «Jo'ka'in xye li Qaawa': Oxib' chi rahilal nink'e chawu; sik' ru junaq sa' xyanqeb' ut laa'in tinb'aanu», chan li Yos”.

2 Samuel 24:12 ပူးပေါင်းရင်းမြစ်များ

Apocalipsis 3:19

Li ani nequebinra, nintijeb ut ninkꞌuseb. Joꞌcan nak ninye e̱re nak jalomak e̱cꞌaꞌux ut qꞌuehomak e̱chꞌo̱l chinpa̱banquil.

Proverbios 3:12

Li Ka̱cuaꞌ naxkꞌus li ani naxra. Chanchan jun li yucuaꞌbej naxkꞌus li ralal xcꞌajol xban nak naxraheb.

2 Samuel 12:14

Abanan xban li ma̱c xaba̱nu, xaqꞌue li Dios chi hobecꞌ xbaneb li xicꞌ nequeꞌiloc re. Joꞌcan nak la̱ cualal li tojeꞌ xyoꞌla ta̱ca̱mk, chan.

Levítico 26:43

Ma̱ ani chic cua̱nk aran ut li chꞌochꞌ ta̱sahokꞌ saꞌ xchꞌo̱l chi hila̱nc. Tento nak la̱ex aj Israel te̱cꞌu̱luban saꞌ e̱be̱n xtojbal rix li ma̱c queba̱nu nak quekꞌet lin chakꞌrab ut xicꞌ queril li quexintakla cuiꞌ.

Levítico 26:41

Ut la̱ex te̱qꞌue retal nak xma̱c aꞌan nak quebintakla saꞌ xtenamiteb li xicꞌ nequeꞌiloc e̱re. Nak te̱cubsi e̱rib ut te̱cꞌu̱luban saꞌ e̱be̱n lix tojbal rix le̱ ma̱c,

2 Samuel 24:11

Cuulajak chic, nak ac xcuacli laj David, li Ka̱cuaꞌ quia̱tinac riqꞌuin li profeta Gad, li naqꞌuehoc xnaꞌleb laj David.

2 Samuel 24:13

Laj Gad co̱ riqꞌuin laj David ut quixye re: —¿Cꞌaꞌru ta̱cuaj tixba̱nu li Ka̱cuaꞌ? ¿Ma ta̱cuaj nak ta̱cua̱nk cuukub chihab li cueꞌej saꞌ la̱ tenamit? ¿Malaj ut ta̱cuaj nak tate̱lelik oxibak po chiruheb li xicꞌ nequeꞌiloc a̱cue? ¿Malaj ut ta̱cuaj nak teꞌca̱mk li tenamit xban li caki yajel chiru oxib cutan? Cꞌoxla chi us cꞌaꞌru ta̱cuaj ut ye cue cꞌaꞌru tinye re li Ka̱cuaꞌ, chan laj Gad.

1 Crónicas 27:24

Laj Joab lix yum lix Sarvia quixtiquib rajlanquileb, abanan incꞌaꞌ quixchoy. Quichal xjoskꞌil li Dios xban nak queꞌrajlaheb laj Israel. Joꞌcan nak incꞌaꞌ quitzꞌi̱ba̱c retalil lix qꞌuialeb laj Israel saꞌ li hu li quitzꞌi̱ba̱c cuiꞌ retalil li quilajxba̱nu li rey David.

Jeremías 30:11

La̱in cua̱nkin e̱riqꞌuin ut la̱in tincolok e̱re. Usta tinsacheb ru chi junaj cua li tenamit li xexinjeqꞌui cuiꞌ, abanan la̱in incꞌaꞌ tinsach e̱ru chi junaj cua. La̱in tinkꞌusuk e̱re, abanan tinba̱nu saꞌ ti̱quilal. Incꞌaꞌ texincanab chi incꞌaꞌ te̱toj rix le̱ ma̱c.