2 Samuel 24:10 - Li Santil hu

¹⁰ Nak ac queꞌajla̱c chixjunileb laj Israel, quiyotꞌeꞌ xchꞌo̱l laj David. Quitijoc ut quixye re li Dios: —At Ka̱cuaꞌ, nimla ma̱c li xinba̱nu la̱in. Nintzꞌa̱ma cha̱cuu nak ta̱cuy ta̱sach taxak lin ma̱c. Xma̱cꞌaꞌil innaꞌleb xinba̱nu cuiꞌ, chan.

Q'eqchi Bible

¹⁰ Naq ak ke'ajlaak chixjunileb' li tenamit, kiyot'e'k xch'ool laj David ut kixye re li Qaawa': “Nimla maak xinb'aanu laa'in aj k'anjel chawu. Ab'an anaqwan nintz'aama chawu, at Qaawa', chakuy inmaak xb'aan naq xmaak'a'il inna'leb' xinb'aanu wi'”, chan.

2 Samuel 24:10 ပူးပေါင်းရင်းမြစ်များ

2 Samuel 12:13

Ut laj David quixye: —Ya̱l nak la̱in xinma̱cob chiru li Ka̱cuaꞌ, chan. Laj Natán quixye re: —Li Ka̱cuaꞌ quixcuy la̱ ma̱c. Incꞌaꞌ tatca̱mk la̱at.

1 Samuel 13:13

Ut laj Samuel quixye re laj Saúl: —Xma̱cꞌaꞌil a̱naꞌleb xakꞌet cuiꞌ xchakꞌrab li Dios. Incꞌaꞌ xaba̱nu li naxye saꞌ li chakꞌrab li quixqꞌue a̱cue li Ka̱cuaꞌ la̱ Dios. Cui ta xaba̱nu li quixye a̱cue, li Ka̱cuaꞌ xxakab raj la̱ cuanquil saꞌ xnaꞌaj chi junelic, la̱at ut eb la̱ cualal a̱cꞌajol.

Proverbios 28:13

Li ani naxmuk lix ma̱c, incꞌaꞌ us ta̱e̱lk. Abanan li ani tixpatzꞌ xcuybal xma̱c ut tixcanab xba̱nunquil li ma̱usilal, ta̱uxta̱na̱k ru.

1 Samuel 24:5

Abanan quiyotꞌeꞌ xchꞌo̱l nak quixset jun peda̱s li rakꞌ laj Saúl.

1 Juan 1:9

Cui nakaxo̱to li kama̱c chiru li Dios, relic chi ya̱l nak aꞌan ti̱c xchꞌo̱l chixcuybal chixsachbal li kama̱c, ut ta̱risi chixjunil li kama̱usilal.

2 Crónicas 16:9

Li nimajcual Dios junelic yo̱ chixqꞌuebal retal li cꞌaꞌru yo̱queb chixcꞌulbal li cuanqueb saꞌ ruchichꞌochꞌ re nak tixqꞌue xcacuilal xchꞌo̱leb li ani ti̱queb xchꞌo̱l chiru. Abanan anakcuan la̱at incꞌaꞌ us xaba̱nu. Joꞌcan nak chalen anakcuan junelic ta̱cua̱nk li pletic saꞌ le̱ tenamit, chan li profeta Hanani.

1 Crónicas 21:8

Laj David quitijoc ut quixye re li Dios: —At Ka̱cuaꞌ, nimla ma̱c li xinba̱nu. Nintzꞌa̱ma cha̱cuu nak ta̱cuy ta̱sach taxak lin ma̱c. Xma̱cꞌaꞌil innaꞌleb xinba̱nu cuiꞌ, chan.

Tito 3:3

La̱o junxil incꞌaꞌ us li kanaꞌleb nak xocuan chak. Xkakꞌet ra̱tin li Dios ut incꞌaꞌ xo-abin chiruheb li cuanqueb xcuanquil. Xkaqꞌue kib chi balakꞌi̱c. Xkaba̱nu chak li ma̱usilal li naxrahi ru li kachꞌo̱l. Xkanumsi li cutan xba̱nunquil li ma̱usilal. Xocakalin ut xicꞌ nakil kib chi kibil kib.

San Juan 8:9

Nak queꞌrabi li cꞌaꞌru quixye, queꞌrecꞌa rib xban nak cuanqueb xma̱c ut queꞌoc chi e̱lc chi xju̱nkaleb. Xbe̱n cua queꞌel li che̱quel cui̱nk ut chirixeb aꞌan queꞌel li toj sa̱jeb. Quicana xjunes li Jesús ut li ixk xakxo chiru.

San Juan 1:29

Joꞌ cuulajak chic laj Juan quiril li Jesús yo̱ chak chi cha̱lc riqꞌuin ut quixye: —Ilomak. Cueꞌ chak li Cristo, li taklanbil chak xban li Dios. Chanchan jun li carner. Ta̱camsi̱k re xtojbal rix lix ma̱queb li cuanqueb saꞌ ruchichꞌochꞌ.

San Marcos 7:22

Ut saꞌ xcꞌaꞌux ajcuiꞌ nachal li elkꞌac, lix rahinquil ru cꞌaꞌru re ras ri̱tzꞌin, li ma̱usilal, li balakꞌi̱nc, li xba̱nunquil li xuta̱nalil naꞌleb, li cakali̱nc, li majecua̱nc, li kꞌetkꞌetil, ut lix majelil naꞌleb.

Oseas 14:2

Chexsukꞌi̱k cuiꞌchic riqꞌuin li Ka̱cuaꞌ ut joꞌcaꞌin te̱ye re: —Chacuy chasach taxak li kama̱c. Chasume taxak li katij. Li kamayej li takaqꞌue a̱cue, aꞌan la̱ lokꞌoninquil.

Salmos 32:5

Tinye lin ma̱c re li Ka̱cuaꞌ, chanquin. Joꞌcan ut nak xinpatzꞌ incuybal cha̱cuu, at Ka̱cuaꞌ, ut ma̱cꞌaꞌ xinmuk cha̱cuu. Ut la̱at xacuy xasach lin ma̱c.

Li xHu LAJ JOB 7:21

¿Ma incꞌaꞌ naru ta̱cuy inma̱c? ¿Ma incꞌaꞌ ta̱cuy li ma̱usilal xinba̱nu? Chi se̱b nincam ut tinsukꞌi̱k cuiꞌchic chꞌochꞌ. Ta̱cuaj raj chic rilbal cuu, abanan incꞌaꞌ chic ta̱cuil cuu xban nak acak xincam, chan laj Job.

2 Crónicas 32:26

Quiyotꞌeꞌ xchꞌo̱l laj Ezequías ut quixcubsi rib chiru li Ka̱cuaꞌ. Joꞌcan ajcuiꞌ queꞌxba̱nu li cuanqueb Jerusalén. Joꞌcan nak li Ka̱cuaꞌ incꞌaꞌ quixqꞌueheb chixtojbal xma̱queb nak toj yoꞌyo laj Ezequías.

1 Samuel 26:21

Ut laj Saúl quixye re: —At David, at cualal, sukꞌin chak cuiqꞌuin. Ma̱cꞌaꞌ tinba̱nu a̱cue xban nak incꞌaꞌ xina̱camsi anakcuan. Ma̱cꞌaꞌ innaꞌleb. Incꞌaꞌ us li xinba̱nu, chan laj Saúl.

Deuteronomio 32:6

¿Ma joꞌcaꞌin nak te̱qꞌue re̱kaj li usilal li naxba̱nu li Ka̱cuaꞌ? Incꞌaꞌ us le̱ naꞌleb. Incꞌaꞌ nequetau xya̱lal. ¿Ma ma̱cuaꞌ ta biꞌ aꞌan li Ka̱cuaꞌ le̱ Dios li quiqꞌuehoc e̱yuꞌam? Aꞌan quiyoꞌobtesin e̱re ut quexxakab saꞌ le̱ naꞌaj.

Números 12:11

Ut laj Aarón quixye re laj Moisés: —At ka̱cuaꞌ, ma̱qꞌue taxak saꞌ kabe̱n li ma̱c aꞌin xban nak xkaba̱nu chi incꞌaꞌ xkacꞌoxla nak ma̱c xkaba̱nu.

2 Samuel 24:17

Laj David quiril li ángel li yo̱ chi camsi̱nc reheb li cristian ut quixye re li Dios: —At Ka̱cuaꞌ, la̱in xinba̱nun re li ma̱usilal aꞌin. La̱in cuan inma̱c. Eb li cristian aꞌin ma̱cꞌaꞌeb xma̱c. Chanchaneb li carner. Nintzꞌa̱ma cha̱cuu nak ta̱qꞌue li raylal saꞌ inbe̱n la̱in ut saꞌ xbe̱neb li cualal incꞌajol, chan.

1 Reyes 8:35

Ut cui incꞌaꞌ chic tixqꞌue li hab xban li ma̱c li teꞌxba̱nu cha̱cuu, ut cui teꞌxjal xcꞌaꞌuxeb ut teꞌxya̱ba la̱ cꞌabaꞌ ut teꞌtijok cha̱cuu, xban li raylal xaqꞌue saꞌ xbe̱neb, ta̱cuabi taxak li cꞌaꞌru teꞌxtzꞌa̱ma cha̱cuu.

Éxodo 10:16

Tojoꞌnak laj faraón saꞌ junpa̱t quixbokeb chak laj Moisés ut laj Aarón. Quixye reheb: —Xinma̱cob chiru li Ka̱cuaꞌ la̱ Dios ut che̱ru ajcuiꞌ la̱ex.

1 Samuel 24:6

Joꞌcan nak quixye reheb lix soldado: —Li Ka̱cuaꞌ taxak ta̱tenkꞌa̱nk cue re nak incꞌaꞌ tinba̱nu raylal re lin rey. Aꞌan cuan chokꞌ rey xban nak li Ka̱cuaꞌ quisicꞌoc ru, chan.

1 Crónicas 21:7

Ut incꞌaꞌ ajcuiꞌ quicuulac chiru li Dios nak laj David quixtakla rajlanquileb laj Israel. Joꞌcan nak quixtakla raylal saꞌ xbe̱neb.

Joel 2:12

—Anakcuan yotꞌomak e̱chꞌo̱l, chan li Ka̱cuaꞌ. Chexya̱bak ut cheba̱nu e̱-ayu̱n. Sukꞌinkex cuiꞌchic cuiqꞌuin chi anchal e̱chꞌo̱l, chan.