2 Samuel 23:9 - Li Santil hu

⁹ Li xcab, aꞌan laj Eleazar li ralal laj Dodo aj ahohíta. Laj Eleazar, aꞌan jun saꞌ xya̱nkeb li oxibeb li cauheb xchꞌo̱l chi pletic li queꞌcuan rochben laj David nak queꞌpletic riqꞌuineb laj filisteo aran Pasdamim. Saꞌ li ple̱t aꞌan eb laj Israel queꞌe̱lelic chiruheb laj filisteo.

Q'eqchi Bible

⁹ Li xkab', a'an laj Elehasar, ralal laj Dodó, aj Ajot. A'an jun reheb' li oxib'eb' jwal kaweb' rib' chi yalok, ut kiwank rochb'een laj David naq ke'yalok rik'ineb' laj Filistea li ch'utch'uukeb' aran Fesdamín. Sa' li kutan a'an eb' laj Israel ke'elelik,

2 Samuel 23:9 ပူးပေါင်းရင်းမြစ်များ

1 Crónicas 27:4

Laj Dodai laj Ahoh, aꞌan li quitaklan saꞌ xbe̱neb li soldado li queꞌcꞌacꞌalen re li tenamit saꞌ li xcab po. Laj Miclot, aꞌan li quicꞌamoc be chiruheb. Saꞌ li jun chꞌu̱tal aꞌan cuanqueb ca̱hib xcaꞌcꞌa̱l mil chi cui̱nk.

1 Samuel 17:26

Laj David quia̱tinac riqꞌuineb li cuanqueb chixcꞌatk. Quixye reheb: —¿Cꞌaꞌru ta̱qꞌuehekꞌ re li ani ta̱camsi̱nk re li cui̱nk li incꞌaꞌ naxpa̱b li Dios? ¿Ani ta̱isi̱nk re li xuta̱n li xqꞌue saꞌ xbe̱neb laj Israel? ¿Cꞌaꞌru xcuanquil nak naxhobeb lix soldados li yoꞌyo̱quil Dios? chan.

San Marcos 14:50

Ut chixjunileb lix tzolom queꞌe̱lelic ut queꞌxcanab xjunes li Jesús saꞌ rukꞌeb li xicꞌ nequeꞌiloc re.

Isaías 63:5

Quicuil nak ma̱ ani natenkꞌan cue. Quisach inchꞌo̱l nak ma̱ jun xtenkꞌan cue. Xban nak yo̱ injoskꞌil, xincacuubresi inchꞌo̱l ut yal injunes xinnumta saꞌ xbe̱neb.

Isaías 63:3

Chanchan yatzꞌoc uvas yo̱quin xban nak xinyekꞌiheb saꞌ cuok li xicꞌ nequeꞌiloc cue ut ma̱ ani xtenkꞌan cue. Cꞌajoꞌ lin joskꞌil. Joꞌcan nak xinyekꞌiheb saꞌ cuok li xicꞌ nequeꞌiloc cue toj retal xinsach ruheb. Ut lix quiqꞌueleb xnakꞌ chiru li cuakꞌ. X-osoꞌ li cuakꞌ saꞌ lix quiqꞌueleb.

1 Samuel 17:36

Usta cakcoj, usta oso, la̱in quincamsiheb. Ut li cui̱nk aꞌin li incꞌaꞌ naxpa̱b li Dios, joꞌcan ajcuiꞌ tixcꞌul xban nak yo̱ chixhobbal lix soldados li yoꞌyo̱quil Dios, chan.

1 Samuel 17:10

Anakcuan yo̱quin chixyebal e̱re la̱ex, lix soldado laj Israel, nak te̱takla chak junak li cui̱nk re ta̱pletik cuiqꞌuin, chan.

1 Crónicas 8:4

laj Abisúa, laj Naamán, laj Ahoa,

Eclesiastés 4:12

Cui jun ajcuiꞌ ta̱pletik, naru teꞌnumta̱k saꞌ xbe̱n. Abanan cui cuibeb, naru teꞌxcuy xsumenquil. Joꞌcan ajcuiꞌ li cꞌa̱m li oxib ru naxcuy. Incꞌaꞌ natꞌupeꞌ saꞌ junpa̱t.