2 Samuel 23:8 - Li Santil hu

⁸ Aꞌaneb aꞌin lix cꞌabaꞌeb lix soldados laj David, li kꞌaxal cauheb xchꞌo̱l chi pletic. Li xbe̱n, aꞌan laj Joseb-basebet, Tacmón xtenamit. Nequeꞌxye ajcuiꞌ Adino re. Aꞌan li kꞌaxal nim xcuanquil saꞌ xbe̱neb li oxibeb li cauheb xchꞌo̱l chi pletic. Saꞌ jun li ple̱t quixcamsiheb cuakxakib ciento chi cui̱nk riqꞌuin lix la̱ns.

Q'eqchi Bible

⁸ A'aneb' a'in li xk'ab'a'eb' li kaweb' rib' sa' xyanqeb' laj puub' re laj David: li xb'een, a'an laj Isbahal aj Jakmón, a' li xjolomil eb' li kaweb' rib', li kixkut rib' sa' xb'eeneb' wiib' o'q'ob' (800) chi winq rik'in li xjutz' ch'iich' ut kixkamsiheb' sa' jun kutan.

2 Samuel 23:8 ပူးပေါင်းရင်းမြစ်များ

1 Crónicas 27:2

Li xbe̱n chꞌu̱tal li teꞌcꞌacꞌale̱nk tenamit saꞌ li xbe̱n po cuanqueb rubel xcuanquil laj Jasobeam li ralal laj Zabdiel. Saꞌ li jun chꞌu̱tal aꞌan cuanqueb ca̱hib xcaꞌcꞌa̱l mil chi cui̱nk.

1 Crónicas 27:32

Laj Jonatán, li rican laj David, aꞌan li quiqꞌuehoc naꞌleb. Aꞌan tzolbil chi us ut cha̱bil xnaꞌleb. Laj Jehiel li ralal laj Hacmoni, aꞌan li na-iloc reheb li ralal xcꞌajol li rey.

1 Reyes 1:8

Abanan laj Sadoc laj tij ut laj Benaía li ralal laj Joiada incꞌaꞌ queꞌoquen chirix laj Adonías. Ut li profeta Natán ut laj Simei ut laj Rei incꞌaꞌ queꞌoquen chirix. Joꞌcaneb ajcuiꞌ lix soldado laj David, li kꞌaxal cha̱bileb.

1 Crónicas 11:10

Aꞌaneb aꞌin lix cꞌabaꞌeb lix soldados laj David li nequeꞌtaklan saꞌ xbe̱neb li kꞌaxal cauheb rib chi pletic. Aꞌaneb li queꞌtenkꞌan re laj David rochbeneb chixjunileb laj Israel nak queꞌxxakab chokꞌ xreyeb joꞌ quixye li Ka̱cuaꞌ.

Jueces 15:15

Laj Sansón quixtau jun xbakel xca̱lam re bu̱r toj rax bak. Quixchap ut chiru aꞌan quixcamsiheb jun mil chi cui̱nk xcomoneb laj filisteo.

2 Samuel 10:7

Laj David quirabi resil ut quixtakla laj Joab rochbeneb chixjunileb li soldados li cauheb rib chi pletic.

1 Crónicas 27:1

Aꞌaneb aꞌin lix cꞌabaꞌeb li nequeꞌjolomin re li junju̱nk cabal. Aꞌaneb li queꞌtaklan saꞌ xbe̱neb li junju̱nk chꞌu̱taleb laj cꞌanjel ut eb li soldados aj Israel li queꞌcꞌanjelac chiru li rey. Queꞌtzꞌak cꞌanjelac jun po chiru li jun chihab, ut cuanqueb ca̱hib xcaꞌcꞌa̱l mil (24,000) chi cui̱nk rubel xcuanquileb li junju̱nk.