2 Samuel 23:4 - Li Santil hu

⁴ Li rey aꞌan chanchanak li sakꞌe na-el chak ekꞌela nak ma̱cꞌaꞌ li chok saꞌ li choxa. Chanchanak li hab li naxqꞌue chi mokc li pim saꞌ li chꞌochꞌ.’

Q'eqchi Bible

⁴ chanchanaq li kutan naq yo chi hik'e'k, chanchanaq li saq'e naq maak'a' li choql eq'la ut naxk'e chi lemtz'unk li pim chiru ch'och' sa' xraqik li hab'».

2 Samuel 23:4 ပူးပေါင်းရင်းမြစ်များ

Jueces 5:31

Joꞌcaꞌin taxak nak cheꞌosokꞌ chixjunileb li xicꞌ nequeꞌiloc a̱cue, at Ka̱cuaꞌ. Ut eb li nequeꞌrahoc a̱cue, chanchanakeb taxak li sakꞌe nak nalemtzꞌun cuaꞌleb, chanqueb saꞌ lix bich. Nak ac xnumeꞌ li ple̱t aꞌin, li tenamit Israel queꞌcuan saꞌ usilal chiru caꞌcꞌa̱l chihab.

Salmos 72:6

Chitakla̱nk ta saꞌ ti̱quilal saꞌ xbe̱neb li tenamit. Chanchanak ta li hab li natꞌakresin re li chꞌochꞌ ut li ichaj.

Oseas 6:5

Joꞌcan nak xintaklaheb lin profeta e̱riqꞌuin chixyebal resil li rakba a̱tin cha̱lel saꞌ e̱be̱n xban le̱ ma̱usilal. Ut riqꞌuin li a̱tin x-el chi xtzꞌu̱mal cue, tenebanbil li ca̱mc saꞌ e̱be̱n. Chanchan nak narepoc li ca̱k nak tinrakok a̱tin saꞌ e̱be̱n.

Salmos 89:36

Junelic cua̱nk li ralal xcꞌajol ut junelic cua̱nkeb xcuanquil chokꞌ rey joꞌ najtil ta̱cua̱nk li sakꞌe saꞌ xbe̱n li ruchichꞌochꞌ.

San Juan 1:7

Quitakla̱c chak chixchꞌolobanquil xya̱lal nak li Jesús, aꞌan li cutan saken re nak chixjunileb li ani teꞌabi̱nk re, teꞌpa̱ba̱nk.

Malaquías 4:2

Abanan chokꞌ e̱re la̱ex li nequexucua cuu, lix cꞌulunic li tintakla chanchan nak yo̱ chi e̱lc chak li sakꞌe xban li ti̱quilal li tixcꞌam chak chokꞌ e̱re. Texpiscꞌok xban xsahil le̱ chꞌo̱l joꞌ nak nequeꞌpiscꞌoc li queto̱mk nak nequeꞌel saꞌ lix corraleb.

Miqueas 5:7

Ut eb laj Israel li incꞌaꞌ teꞌosokꞌ saꞌ li ple̱t teꞌxtenkꞌa nabal chi tenamit. Chanchanakeb li xchuꞌque li naxqꞌue chak li Ka̱cuaꞌ. Chanchanakeb li hab li natꞌakresin re li acui̱mk. Incꞌaꞌ teꞌyoꞌoni̱nk chi moco cauhakeb xchꞌo̱l riqꞌuin cui̱nk. Riqꞌuin ban li Dios cꞌojcꞌo̱keb xchꞌo̱l.

Oseas 6:3

Chikanauhak biꞌ ru li Ka̱cuaꞌ. Chikaqꞌuehak kachꞌo̱l chixnaubal ru chi tzꞌakal. Chꞌolchꞌo nak ta̱cꞌulu̱nk li Ka̱cuaꞌ. Ta̱cꞌulu̱nk joꞌ nak nachal li cutan rajlal. Ta̱cꞌulu̱nk joꞌ nak nachal li hab re xtꞌakresinquil li chꞌochꞌ saꞌ xkꞌehil li a̱uc ut nachal ajcuiꞌ mokon re xtꞌakresinquil li acui̱mk.—

Isaías 60:3

Eb li jalan tenamit ut eb li rey teꞌcha̱lk e̱riqꞌuin chixsicꞌbal li cutan saken. Ut teꞌril le̱ lokꞌal.

Isaías 60:1

La̱ex li cuanquex Jerusalén, cuaclinkex. Chicutanobresi̱k le̱ naꞌleb joꞌ nak nacutanobresin li sakꞌe. Li Ka̱cuaꞌ xqꞌuehoc re le̱ lokꞌal.

Isaías 4:2

Ta̱cuulak xkꞌehil nak li Dios tixqꞌue chi yoꞌla̱c jun li chꞌina al chanchan xtux jun li cheꞌ. Cꞌajoꞌak xchakꞌal ru ut cꞌajoꞌak xlokꞌal. Ut kꞌaxal nabal li acui̱mk ta̱e̱lk saꞌ lix chꞌochꞌeb laj Israel li incꞌaꞌ teꞌsachekꞌ ru re xqꞌuebal xlokꞌaleb ut xcuanquilaleb.

Proverbios 4:18

Lix yuꞌameb li ti̱queb xchꞌo̱l, aꞌan cutan saken. Chanchan nak nasake̱u li cutan ekꞌela. Rajlal cutan yo̱queb chixtaubal xya̱lal toj retal ta̱tzꞌaklok re ru lix yuꞌameb.

Salmos 110:3

Nak la̱at cua̱nkat saꞌ la̱ cuanquil, eb la̱ tenamit teꞌxic saꞌ la̱ santil naꞌaj ut teꞌxyechiꞌi ribeb chi cꞌanjelac cha̱cuu. Li Dios tixqꞌue a̱metzꞌe̱u rajlal joꞌ nak natꞌaneꞌ li xchuꞌque rajlal ekꞌela. Ut chanchanakat jun li sa̱j cui̱nk.

Deuteronomio 32:2

Li tijleb li tinye chanchanak li hab. Li cua̱tin li tinye chanchanak li xchuꞌque. Chanchanak li hab cocꞌ ru li naxtꞌakresi li rax pim. Chanchanak li hab li naxtꞌakresi li acui̱mk.

Isaías 18:4

Li Ka̱cuaꞌ quixye cue: —Incꞌaꞌ tin-ecꞌa̱nk nak tin-ilok chak saꞌ choxa li nincuan cuiꞌ. Tincuil cꞌaꞌru yo̱queb li tenamit. Chanchanakin li sakꞌe nak tik tik ru nak ac xqꞌue jun cꞌasal li hab. Chanchanakin li chok li naxtꞌakresi li pim saꞌ sakꞌehil, chan li Ka̱cuaꞌ.