2 Samuel 23:3 - Li Santil hu

³ Lix Dioseb laj Israel quia̱tinac. Li nacoloc reheb laj Israel quixye cue: ‘Ta̱cua̱nk junak ti̱c xchꞌo̱l ta̱takla̱nk saꞌ xbe̱neb li tenamit. Li jun aꞌan ta̱cua̱nk xcuanquil saꞌ xbe̱neb li tenamit ut tixxucua ru li Dios.

Q'eqchi Bible

³ Li xYos laj Israel x'aatinak, laj Kolol re laj Israel xye we: «Li nataqlank sa' xb'eeneb' li tenamit sa' tiikilal ut na'awab'ejink chi k'ojk'o xch'ool rik'in li Yos,

2 Samuel 23:3 ပူးပေါင်းရင်းမြစ်များ

2 Samuel 22:32

¿Ma cuan ta biꞌ chic junak Dios joꞌ li kaDios la̱o? ¿Ma incꞌaꞌ ta biꞌ caꞌaj cuiꞌ li kaDios naru nacoloc ke?

Deuteronomio 32:4

Li Ka̱cuaꞌ, aꞌan li nacoloc ke joꞌ jun li sako̱nac li nequeꞌxcol cuiꞌ ribeb li tenamit. Li Ka̱cuaꞌ, aꞌan kꞌaxal cha̱bil ut ti̱c xchꞌo̱l. Naxba̱nu li ti̱quilal. Li Ka̱cuaꞌ kꞌaxal cha̱bil. Incꞌaꞌ naxba̱nu li incꞌaꞌ us. Junelic ban naxba̱nu li us ut li ti̱quilal.

Éxodo 18:21

Ta̱sicꞌ ruheb li cui̱nk li teꞌtenkꞌa̱nk a̱cue. Ta̱siqꞌueb li cui̱nk li nequeꞌxlokꞌoni li Dios, li ti̱queb xchꞌo̱l ut li incꞌaꞌ teꞌxqꞌue rib re ta̱tumina̱k ruheb. Ta̱xakabeb li cui̱nk aꞌan chi rakoc a̱tin saꞌ xbe̱neb li cristian chi ju̱nk chꞌu̱tal. Cuan teꞌrakok a̱tin saꞌ xbe̱n jun mil chi cristian. Cuan teꞌrakok a̱tin saꞌ xbe̱n jun ciento chi cristian ut cuan teꞌrakok a̱tin saꞌ xbe̱n mero ciento chi cristian ut cuan teꞌrakok a̱tin saꞌ xbe̱n laje̱b chi cristian.

Hebreos 1:8

Aban li Dios quixye re li Cꞌajolbej: La̱ nimajcual cuanquilal, at Dios, xakxo̱k chi junelic kꞌe cutan. Junelic saꞌ ti̱quilal nacattaklan.

Zacarías 9:9

Chisahokꞌ taxak saꞌ le̱ chꞌo̱l la̱ex li cuanquex saꞌ li tenamit Sión. Chexbicha̱nk xban xsahil le̱ chꞌo̱l, la̱ex li cuanquex Jerusalén xban nak yo̱ chak chi cha̱lc le̱ rey. Aꞌan ti̱c xchꞌo̱l ut tu̱lan. Aꞌan laj Colonel. Cꞌojcꞌo chak chirix jun chꞌina bu̱r. Chirix jun chꞌina ral bu̱r yo̱ chak chi cha̱lc.

Salmos 72:2

Chirakok taxak a̱tin saꞌ ti̱quilal saꞌ xbe̱neb li tenamit. Ut chirakok taxak a̱tin saꞌ ti̱quilal saꞌ xbe̱neb li rahobtesinbileb.

Salmos 42:9

La̱in tinye re li Dios, aj Colol cue: —¿Cꞌaꞌut nak xina̱canab injunes? ¿Cꞌaꞌut nak junelic ra saꞌ inchꞌo̱l xban nak yo̱queb chinrahobtesinquil li xicꞌ nequeꞌiloc cue?

Génesis 33:20

Ut aran quixyi̱b jun li artal laj Jacob re xlokꞌoninquil li Ka̱cuaꞌ Dios. Li naꞌajej aꞌan quixqꞌue chokꞌ xcꞌabaꞌ El-Elohe-Israel.

Jeremías 23:5

Quixye li Ka̱cuaꞌ: —Ta̱cuulak xkꞌehil nak la̱in tinqꞌue chi yoꞌla̱c jun li Rey ti̱c xchꞌo̱l. Aꞌan ta̱yoꞌla̱k saꞌ xya̱nkeb li ralal xcꞌajol laj David. Aꞌan ta̱cua̱nk xnaꞌleb chi takla̱nc. Ut ta̱rakok a̱tin saꞌ ti̱quilal saꞌ ruchichꞌochꞌ.

Isaías 32:1

Ta̱cuulak xkꞌehil nak ta̱cua̱nk jun li rey li ta̱takla̱nk saꞌ ti̱quilal. Ut eb li nequeꞌtenkꞌan re li rey teꞌtakla̱nk ajcuiꞌ saꞌ ti̱quilal.

Proverbios 31:9

Chat-a̱tinak chirixeb ut chatrakok a̱tin saꞌ xya̱lal saꞌ xbe̱neb. Chatenkꞌaheb li nebaꞌ joꞌ eb ajcuiꞌ li tenkꞌa̱c teꞌraj.—

Salmos 110:2

Li nimajcual Dios tixqꞌue chak la̱ cuanquil toj saꞌ li santil naꞌajej Sión. Ut la̱at chic tattakla̱nk saꞌ xbe̱neb li xicꞌ nequeꞌiloc a̱cue.

Nehemías 5:14

Ac yo̱ chic junmay chihab roquic laj Artajerjes chokꞌ rey nak quinixxakab chi takla̱nc saꞌ xbe̱neb laj Judá. Chalen saꞌ li cutan aꞌan toj quicuulac li cablaju xcaꞌcꞌa̱l (32) chihab roquic chokꞌ rey, chi moco la̱in, chi moco li cuechꞌalal kacꞌul li tzacae̱mk li kacꞌulub raj xtzacanquil joꞌ queꞌxtzaca li nequeꞌtaklan. Chiru li cablaju chihab nak cuanquin chi takla̱nc incꞌaꞌ quinpuersi li tzacae̱mk incꞌulub raj xcꞌulbal.

Éxodo 20:2

La̱in li Ka̱cuaꞌ le̱ Dios. La̱in xin-isin chak e̱re saꞌ li tenamit Egipto, saꞌ li naꞌajej li xexrahobtesi̱c cuiꞌ chak.

Éxodo 3:15

Li Dios quixye cuiꞌchic re laj Moisés: —Joꞌcaꞌin ta̱ye reheb laj Israel, “Li nimajcual Dios xtaklan chak cue. Aꞌan li Dios li queꞌxlokꞌoni eb le̱ xeꞌto̱nil yucuaꞌ laj Abraham, laj Isaac ut laj Jacob.” Nimajcual Dios incꞌabaꞌ ut aꞌan tincꞌabaꞌin chi junelic kꞌe cutan.—

1 Reyes 10:9

Lokꞌoninbil taxak ru li Ka̱cuaꞌ la̱ Dios xban nak xcꞌojob xchꞌo̱l saꞌ a̱be̱n ut xatxxakab saꞌ li cuanquilal saꞌ xbe̱neb laj Israel. Li Ka̱cuaꞌ junelic naxraheb laj Israel. Joꞌcan nak xatxxakab chokꞌ xreyeb re nak tattakla̱nk saꞌ xbe̱neb saꞌ xya̱lal ut saꞌ ti̱quilal, chan.

Li xHu LAJ JOB 34:17

¿Ma ta̱ru̱k ta biꞌ ta̱takla̱nk saꞌ xbe̱n li ruchichꞌochꞌ li Dios cui xicꞌ naril li ti̱quilal? ¿Cꞌaꞌut nak yo̱cat chixqꞌuebal li ma̱c aꞌin saꞌ xbe̱n li Dios? ¿Ma incꞌaꞌ ta biꞌ kꞌaxal ti̱c xchꞌo̱l li Dios?

Salmos 72:1

At Ka̱cuaꞌ, chaqꞌue taxak xnaꞌleb li ralal li rey re nak ta̱rakok a̱tin saꞌ ti̱quilal.

2 Samuel 8:15

Laj David quicuan chokꞌ xreyeb laj Israel ut junelic quitaklan saꞌ xya̱lal ut saꞌ ti̱quilal saꞌ xbe̱neb chixjunileb lix tenamit.