2 Samuel 23:10 - Li Santil hu

¹⁰ Abanan laj Eleazar incꞌaꞌ quie̱lelic. Quipletic ban riqꞌuineb toj retal quilub li rukꞌ ut quiletz lix chꞌi̱chꞌ saꞌ li rukꞌ. Saꞌ li cutan aꞌan li Ka̱cuaꞌ quixkꞌaxtesiheb laj filisteo saꞌ rukꞌ ut eb laj Israel queꞌsukꞌi yal re xxocbal li cꞌaꞌak re ru xeꞌre̱chani saꞌ li ple̱t.

Q'eqchi Bible

¹⁰ ab'an kaw xaqxo laj Elehasar chi yalok: kixkamsiheb' laj Filistea toj reetal kilub'k li xtel ut kiletzq'uuk li ruq' rik'in li xch'iich'. Sa' li kutan a'an li Qaawa' kixk'eheb' laj Israel chi xq'axb'al ruheb' laj Filistea, ut eb' laj puub' ke'sutq'iik chirixeb' yal re xxokb'al li k'a' re ru xe'reechani sa' li yalok.

2 Samuel 23:10 ပူးပေါင်းရင်းမြစ်များ

1 Samuel 19:5

Quixkꞌaxtesi rib chi ca̱mc nak quixcamsi laj Goliat. Ut li Ka̱cuaꞌ quixcoleb laj Israel. La̱at xacuil nak xcamsi laj Goliat ut quisahoꞌ saꞌ a̱chꞌo̱l. ¿Cꞌaꞌut nak tatma̱cobk anakcuan riqꞌuin xcamsinquil laj David? Aꞌan ma̱cꞌaꞌ xma̱c cha̱cuu, chan.

1 Samuel 11:13

Ut laj Saúl quixye reheb: —Ma̱ jun reheb laj Israel ta̱camsi̱k anakcuan xban nak saꞌ li cutan aꞌin li Ka̱cuaꞌ coxcol la̱o aj Israel, chan.

2 Corintios 4:5

Incꞌaꞌ yo̱co chixchꞌolobanquil che̱ru nak la̱o toe̱pa̱b. Yo̱co ban chixchꞌolobanquil xya̱lal nak li Jesucristo aꞌan li Ka̱cuaꞌ. Ut la̱o yal aj cꞌanjelo che̱ru saꞌ xcꞌabaꞌ li Jesucristo.

Romanos 15:18

Ma̱cꞌaꞌ inxiu chixyebal resil li cꞌanjel xinba̱nu saꞌ xcꞌabaꞌ li Cristo nak xincꞌanjelac saꞌ xya̱nkeb li ma̱cuaꞌeb aj judío xban nak ma̱cuaꞌ injunes xincꞌanjelac. Li Jesucristo xtenkꞌan cue nak xincꞌameb xbe re nak teꞌxpa̱b li Dios riqꞌuin lin yehom inba̱nuhom.

Isaías 53:12

Joꞌcan ut nak saꞌ xya̱nkeb li xni̱nkaleb ru li Dios tixqꞌue lix naꞌaj ut tixqꞌue lix lokꞌal xban nak aꞌan incꞌaꞌ quixra lix yuꞌam. Quixtoj rix lix ma̱queb laj ma̱c nak quixqꞌue rib chi ca̱mc saꞌ xcꞌabaꞌ laj ma̱c. Ut quicam joꞌ nak nequeꞌcam laj ma̱c. Ut quitijoc ut quixtzꞌa̱ma chiru li Dios nak tixcuyeb xma̱c.

Salmos 144:10

La̱at nacattenkꞌan reheb li rey chi numta̱c saꞌ xbe̱neb li xicꞌ nequeꞌiloc reheb. La̱at nacatcoloc cue re nak incꞌaꞌ tineꞌxcamsi riqꞌuin lix chꞌi̱chꞌeb li xicꞌ nequeꞌiloc cue. La̱in laj David laj cꞌanjel cha̱cuu.

Salmos 108:13

Li Dios ta̱tenkꞌa̱nk ke chi numta̱c saꞌ xbe̱neb li xicꞌ nequeꞌiloc ke ut aꞌan ajcuiꞌ ta̱isi̱nk xcuanquileb.

Salmos 68:12

—Xeꞌe̱lelic. Xeꞌe̱lelic lix reyeb rochbeneb lix soldados, chanqueb. Ut li queꞌxmakꞌ chak chiruheb lix xicꞌ nequeꞌiloc reheb, eb li ixk li queꞌcana saꞌ cab queꞌxjeqꞌui.

2 Reyes 5:1

Quicuan jun li cui̱nk aj Naamán xcꞌabaꞌ. Laj Naamán, aꞌan li nataklan saꞌ xbe̱neb li soldado re li tenamit Siria. Lix reyeb laj Siria quixqꞌue xlokꞌal laj Naamán xban nak saꞌ xcꞌabaꞌ aꞌan li Ka̱cuaꞌ quixqꞌueheb laj Siria chi numta̱c saꞌ xbe̱neb li xicꞌ nequeꞌiloc reheb. Laj Naamán naxnau pletic chi us ut cau rib. Abanan cuan lix yajel. Saklep rix.

1 Samuel 14:23

Queꞌpletic toj retal queꞌcuulac saꞌ li tenamit Bet-avén. Ut li Ka̱cuaꞌ Dios quixcoleb laj Israel saꞌ li cutan aꞌan.

1 Samuel 14:6

Laj Jonatán quixye re li natenkꞌan re: —Numeko jun pacꞌal bar cuanqueb cuiꞌ laj filisteo li incꞌaꞌ nequeꞌxpa̱b li Dios. Ma̱re chan nak li Ka̱cuaꞌ toxtenkꞌa xban nak chiru aꞌan ma̱cꞌaꞌ chꞌaꞌaj. Li Dios toxtenkꞌa chi numta̱c saꞌ xbe̱neb, usta nabalo, usta cuibo ajcuiꞌ, chan.

Jueces 15:18

Cꞌajoꞌ nak ta̱chakik re laj Sansón nak quixye re li Ka̱cuaꞌ: —Xina̱tenkꞌa chi numta̱c saꞌ xbe̱neb laj filisteo. Ut anakcuan, ¿ma tina̱canab chi ca̱mc xban chaki el ut tineꞌxcꞌam eb laj filisteo, li incꞌaꞌ nacateꞌxpa̱b? chan.

Jueces 15:14

Nak queꞌxcꞌam aran Lehi, eb laj filisteo japjo̱queb re nak queꞌco̱eb chixcꞌulbal laj Sansón. Abanan lix musikꞌ li Ka̱cuaꞌ quichal riqꞌuin laj Sansón ut quixqꞌue xmetzꞌe̱u. Joꞌcan nak laj Sansón quixtꞌupi li laso li bacꞌbo cuiꞌ li rukꞌ. Chanchan cꞌatbil li cꞌa̱m nak quixtꞌupi.

Josué 11:8

Li Ka̱cuaꞌ quixqꞌueheb laj Israel chi numta̱c saꞌ xbe̱neb. Ut queꞌra̱linaheb toj saꞌ li nimla tenamit Sidón ut toj saꞌ li naꞌajej Misrefot-maim ut toj saꞌ li ru takꞌa Mizpa li cuan saꞌ li este. Ut queꞌxcamsi chixjunileb. Ma̱ jun chic reheb queꞌcana chi yoꞌyo.

Josué 10:42

Saꞌ li ple̱t aꞌan laj Josué quinumta saꞌ xbe̱neb chixjunileb li rey ut queꞌre̱chani lix naꞌajeb xban nak li Ka̱cuaꞌ yo̱ chi tenkꞌa̱nc reheb laj Israel.

Josué 10:10

Li Ka̱cuaꞌ Dios quirocsi xxiuheb laj amorreo nak queꞌril eb laj Israel. Ut nabaleb li cuanqueb Gabaón queꞌcamsi̱c. Ut li incꞌaꞌ queꞌcam, queꞌa̱linac ut eb laj Israel queꞌxta̱keheb toj saꞌ li naꞌajej Bet-horón. Ut cuanqueb cuiꞌchic li queꞌcamsi̱c nak yo̱queb chi numecꞌ saꞌ eb li naꞌajej Azeca ut Maceda.

2 Samuel 23:12

Abanan laj Sama incꞌaꞌ quie̱lelic. Quicana ban saꞌ xnaꞌaj li acui̱mk ut quixcamsiheb laj filisteo. Li Dios quitenkꞌan re chi numta̱c saꞌ xbe̱neb.

1 Crónicas 11:13

Laj Eleazar cuan rochben laj David nak queꞌpletic riqꞌuineb laj filisteo aran Pasdamim. Saꞌ li naꞌajej aꞌan cuan jun si̱ril li cebada aubil. Eb laj Israel queꞌe̱lelic chiruheb laj filisteo.

1 Samuel 17:53

Ut eb laj Israel queꞌsukꞌi saꞌ xmuheba̱leb laj filisteo ut quilajeꞌxxoc li cꞌaꞌru reheb.