2 Samuel 23:1 - Li Santil hu

¹ Riqꞌuin li a̱tin aꞌin quixrak a̱tinac laj David: Aꞌan aꞌin li a̱tin li quixye laj David li ralal laj Isaí. Aꞌin li ra̱tin laj David li quitaksi̱c xcuanquil xban li Ka̱cuaꞌ. Aꞌin ra̱tin li rey li quisiqꞌueꞌ ru xban li Ka̱cuaꞌ, lix Dios laj Jacob. Aꞌan li quixbicha nabal li bich reheb laj Israel.

Q'eqchi Bible

¹ Rik'in li aatin a'in kixraq aatinak laj David: “Raatin laj David, ralal laj Jesé; raatin li winq li kitaqsiik xwankil, a' li sik'b'il ru xb'aan li xYos laj Jakob, li chaab'il aj b'ichanel aj Israel:

2 Samuel 23:1 ပူးပေါင်းရင်းမြစ်များ

Salmos 89:20

Xinsicꞌ ru laj David laj cꞌanjel chicuu ut xinqꞌue li aceite saꞌ xjolom retalil nak la̱in xinxakaban re chokꞌ rey.

Colosenses 3:16

Li ra̱tin li Cristo chicana̱k saꞌ e̱chꞌo̱l chi junelic re nak cua̱nk e̱naꞌleb. Chetzolak e̱rib che̱ribil e̱rib ut chetenkꞌa e̱rib che̱ribil e̱rib saꞌ le̱ pa̱ba̱l. Chexbicha̱nk re xlokꞌoninquil li Dios. Chexbicha̱nk joꞌ naxcꞌut che̱ru li Santil Musikꞌej ut junelic chexbantioxi̱nk chiru li Dios.

San Lucas 24:44

Ut quixye reheb: —Li cꞌaꞌru xincꞌul, aꞌan ajcuiꞌ li quinserakꞌi chak e̱re nak toj cuanquin chak saꞌ e̱ya̱nk. Tento nak ta̱tzꞌaklok ru chixjunil li tzꞌi̱banbil chak retalil chicuix saꞌ lix chakꞌrab laj Moisés, joꞌ ajcuiꞌ saꞌ lix hu eb li profeta ut saꞌ ajcuiꞌ li Salmos, chan reheb.

Amós 6:5

Nequexbichan nak nequerabi xya̱b li xo̱lb. Nequeyi̱b le̱ cuajb re te̱ya̱basi ut nequeba̱nu e̱rib joꞌ li rey David.

Salmos 72:20

Arin quirakeꞌ chi tijoc laj David, li ralal laj Isaí.

Salmos 2:6

Li Dios quixye: —Xinxakab li Rey li xinsicꞌ ru. La̱in xinxakaban re saꞌ lin santil tenamit Sión.— (Jerusalén nayeman ajcuiꞌ re.)

1 Crónicas 16:9

Chebicha̱k li bich re xqꞌuebal xlokꞌal li Ka̱cuaꞌ. Ut yehomak resil li sachba chꞌo̱lej li naxba̱nu riqꞌuin lix cuanquil.

1 Crónicas 16:7

Saꞌ li cutan aꞌan laj David quixye re laj Asaf ut eb lix comon nak teꞌxlokꞌoni li Ka̱cuaꞌ riqꞌuin li bich aꞌin:

1 Samuel 2:10

Li Ka̱cuaꞌ tixsacheb ru li xicꞌ nequeꞌiloc re. Aꞌan ta̱rakok a̱tin saꞌ xbe̱neb li cuanqueb saꞌ ruchichꞌochꞌ. Chanchan nak na-ecꞌan chak li ca̱k toj saꞌ choxa. Aꞌan tixqꞌue xcuanquil li rey li quixsicꞌ ru ut tixqꞌue ajcuiꞌ xlokꞌal lix cuanquil, chan lix Ana.

Santiago 5:13

Cui cuan junak saꞌ e̱ya̱nk cuan saꞌ raylal, chitijok chiru li Dios. Ut cui cuan junak sa saꞌ xchꞌo̱l, chixbicha xlokꞌal li Dios.

San Lucas 20:42

Tzꞌi̱banbil retalil saꞌ li Santil Hu saꞌ li Salmos li quixye li rey David. Quixye: Li Ka̱cuaꞌ Dios quixye re li Ka̱cuaꞌ laj Colol cue, cꞌojlan saꞌ li nim ukꞌ

Deuteronomio 33:1

Laj Moisés, li sicꞌbil ru xban li Dios, quixtzꞌa̱ma li rosobtesinquileb laj Israel chiru li Dios nak toj ma̱jiꞌ nacam.

Génesis 49:1

Ut laj Jacob quixbokeb li ralal ut quixye reheb: —Jilonkex chak che̱junilex. Chi joꞌcan la̱in tinchꞌolob che̱ru cꞌaꞌru ta̱cha̱lk saꞌ e̱be̱n chiruheb li chihab ta̱cha̱lk.

1 Samuel 17:12

Laj David, aꞌan jun reheb li cuakxakib chi ralal laj Isaí. Lix tenamit laj Isaí, aꞌan Belén Efrata li cuan saꞌ xcue̱nt Judá. Ac ti̱x chic laj Isaí nak laj Saúl quicuan chokꞌ rey.

1 Samuel 18:7

Nak yo̱queb chi xajoc ut yo̱queb chi bicha̱nc, queꞌxye: —Laj Saúl quixcamsiheb jun mil chi cristian. Abanan laj David quixcamsiheb laje̱b mil, chanqueb.

2 Samuel 22:34

Aꞌan na-iloc cue yalak bar ninnumeꞌ re nak ma̱cꞌaꞌ nincꞌul. Chanchanin li quej li naa̱linac yalak bar saꞌ qꞌuicheꞌ.

2 Samuel 22:51

Riqꞌuin xnimal xcuanquil li Ka̱cuaꞌ xinixcol xban nak la̱in li quinixxakab chokꞌ rey. Ut aꞌan ta̱uxta̱na̱nk cuu, la̱in li sicꞌbil cuu. Ut ta̱ruxta̱na ajcuiꞌ ruheb li cualal incꞌajol chi junelic, chan laj David.

Salmos 89:21

Junelic cua̱nkin riqꞌuin ut junelic tinqꞌue xcuanquil.