2 Samuel 22:7 - Li Santil hu

⁷ Nak kꞌaxal ra cuanquin, quinya̱ba xcꞌabaꞌ li Ka̱cuaꞌ. Ut li Ka̱cuaꞌ quirabi lin tij toj saꞌ lix templo. Quirabi nak quinjap cue chixtzꞌa̱manquil intenkꞌanquil chiru.

Q'eqchi Bible

⁷ Sa' linrahilal xinyaab'a xk'ab'a' li Qaawa', xintz'aamank, xin'elajink chiru linYos, ut A'an toj sa' li xloq'laj na'aj xinrab'i: li xyaab' inkux xwulak toj rik'in.

2 Samuel 22:7 ပူးပေါင်းရင်းမြစ်များ

Salmos 18:6

Nak cuanquin saꞌ raylal xinya̱ba xcꞌabaꞌ li Ka̱cuaꞌ. Quintzꞌa̱ma re nak tinixtenkꞌa. Ut aꞌan toj saꞌ choxa, quirabi li cꞌaꞌru quintzꞌa̱ma chiru.

Salmos 116:4

Abanan quinya̱ba xcꞌabaꞌ li Dios ut quinye: —At nimajcual Dios, china̱col taxak chiru li ca̱mc.—

Jonás 2:7

Quicuecꞌa nak osocꞌ cue. Catjulticoꞌ cue at Ka̱cuaꞌ. Nak quintijoc cha̱cuu, lin tij quicuulac toj saꞌ la̱ santil templo.

Salmos 120:1

Nak cuanquin saꞌ raylal quintzꞌa̱ma intenkꞌanquil chiru li nimajcual Dios. Ut aꞌan quixsume li cꞌaꞌru quintzꞌa̱ma chiru.

Éxodo 3:7

Li Ka̱cuaꞌ Dios quixye re: —La̱in yo̱quin chirilbal li raylal li yo̱queb chixcꞌulbal lin tenamit li cuanqueb Egipto. Yo̱quin chirabinquil nak yo̱queb chixkꞌokonquil ribeb saꞌ rukꞌeb li nequeꞌtaklan reheb saꞌ joskꞌil. Ninnau nak kꞌaxal nayotꞌeꞌ xchꞌo̱leb xban nak rahobtesinbileb.

Habacuc 2:20

Li tzꞌakal Dios, aꞌan cuan saꞌ lix santil templo. Chixjunileb taxak li cuanqueb saꞌ ruchichꞌochꞌ teꞌxxucua ru.

Salmos 34:6

Nak kꞌaxal ra cuanquin, quintzꞌa̱ma intenkꞌanquil re li Ka̱cuaꞌ, ut aꞌan quixsume li quintzꞌa̱ma re ut quinixcol chiru li raylal.

Salmos 27:4

Jun ajcuiꞌ li nacuaj xtzꞌa̱manquil chiru li Ka̱cuaꞌ Dios. Li cꞌaꞌru nintzꞌa̱ma chiru, aꞌan nak tincua̱nk saꞌ li rochoch joꞌ najtil tincua̱nk saꞌ ruchichꞌochꞌ re nak tinlokꞌoni ru saꞌ li rochoch ut re nak tincꞌoxlak chirix li usilal li quixba̱nu cue.

Santiago 5:4

La̱ex yo̱quex chixxocbal e̱tumin ut incꞌaꞌ nequeqꞌue xtojbaleb li queꞌkꞌoloc e̱riqꞌuin. Eb aꞌan yo̱queb chi kꞌoko̱nc ut li nimajcual Dios yo̱ chirilbal xtokꞌoba̱l ruheb nak yo̱queb chi kꞌoko̱nc li queꞌcꞌanjelac e̱riqꞌuin.

Hebreos 5:7

Nak li Jesucristo quicuan arin saꞌ ruchichꞌochꞌ quiya̱bac nak quitijoc. Chi cau xya̱b xcux quitzꞌa̱man chiru li Dios, li cuan xcuanquil chi coloc re chiru li ca̱mc. Ut li Dios quirabi lix tij xban nak quixkꞌaxtesi rib re xba̱nunquil lix cꞌanjel li Dios.

Jonás 2:4

La̱in xincꞌoxla nak xina̱tzꞌekta̱na. Ut xinye: —Usta xina̱tzꞌekta̱na, abanan junelic ta̱julticokꞌ cue la̱ santil templo ut tintzꞌa̱ma intenkꞌanquil cha̱cuu.

San Lucas 22:44

Nak yo̱ chi yotꞌecꞌ xchꞌo̱l, quitijoc cuiꞌchic li Jesús chi kꞌaxal anchal xchꞌo̱l ut lix tikob yo̱ chi tzꞌukuc saꞌ chꞌochꞌ chi ni̱nki tzꞌukul chanchan quicꞌ.

Salmos 107:6

Xban li raylal li cuanqueb cuiꞌ, queꞌxtzꞌa̱ma xtenkꞌanquileb chiru li Dios. Ut li Dios quixcoleb chiru li raylal.