2 Samuel 22:51 - Li Santil hu

⁵¹ Riqꞌuin xnimal xcuanquil li Ka̱cuaꞌ xinixcol xban nak la̱in li quinixxakab chokꞌ rey. Ut aꞌan ta̱uxta̱na̱nk cuu, la̱in li sicꞌbil cuu. Ut ta̱ruxta̱na ajcuiꞌ ruheb li cualal incꞌajol chi junelic, chan laj David.

Q'eqchi Bible

⁵¹ “Nakatenq'a li awab'ej chi q'axok u, k'ajo' naq nakak'ut laarahom chiru li sik'b'il ru aab'aan, a' laj David ut eb' li ralal xk'ajol chi junelik”.

2 Samuel 22:51 ပူးပေါင်းရင်းမြစ်များ

Salmos 144:10

La̱at nacattenkꞌan reheb li rey chi numta̱c saꞌ xbe̱neb li xicꞌ nequeꞌiloc reheb. La̱at nacatcoloc cue re nak incꞌaꞌ tineꞌxcamsi riqꞌuin lix chꞌi̱chꞌeb li xicꞌ nequeꞌiloc cue. La̱in laj David laj cꞌanjel cha̱cuu.

Salmos 89:29

Junes eb li ralal xcꞌajol teꞌoc chokꞌ rey chokꞌ ru̱chil aꞌan junelic kꞌe cutan.

Salmos 89:20

Xinsicꞌ ru laj David laj cꞌanjel chicuu ut xinqꞌue li aceite saꞌ xjolom retalil nak la̱in xinxakaban re chokꞌ rey.

Salmos 18:50

Li Ka̱cuaꞌ quixqꞌue li rey chi numta̱c saꞌ xbe̱neb li xicꞌ nequeꞌiloc re. Li Ka̱cuaꞌ naruxta̱na ru li rey David, li sicꞌbil ru xban. Junelic tixra aꞌan joꞌqueb ajcuiꞌ li ralal xcꞌajol.

Apocalipsis 11:15

Ut li xcuuk ángel quixya̱basi lix trompeta. Ut qui-abi̱c nabal li xya̱b cux saꞌ choxa. Yo̱queb chixyebal chi cau: Anakcuan teꞌcana̱k rubel xcuanquil li Ka̱cuaꞌ chixjunileb li cuanqueb saꞌ ruchichꞌochꞌ. Aꞌ chic li Ka̱cuaꞌ Dios ut li Cristo teꞌtakla̱nk saꞌ xbe̱neb chixjunileb chi junelic kꞌe cutan, chanqueb.

Jeremías 30:9

Teꞌcꞌanjelak ban chic chicuu la̱in lix Dioseb ut chiru li ralal laj David li tinxakab chokꞌ xreyeb.

Salmos 91:2

Tixye: —At Ka̱cuaꞌ, a̱cuiqꞌuin nincol cuib. La̱at aj ilol cue. La̱at inDios ut cau inchꞌo̱l a̱cuiqꞌuin.—

Salmos 89:36

Junelic cua̱nk li ralal xcꞌajol ut junelic cua̱nkeb xcuanquil chokꞌ rey joꞌ najtil ta̱cua̱nk li sakꞌe saꞌ xbe̱n li ruchichꞌochꞌ.

Salmos 89:26

Ut aꞌan tixye cue: At Ka̱cuaꞌ, la̱at lin yucuaꞌ. La̱at lin Dios. La̱at nacatcoloc cue ut la̱at nacattenkꞌan cue.

Salmos 48:3

Li Dios cuan saꞌ li tenamit Jerusalén ut naꞌno ru nak aꞌan nacoloc re li tenamit aꞌan.

Salmos 21:1

At Ka̱cuaꞌ, li rey sa saꞌ xchꞌo̱l xban nak xaqꞌue xcacuilal. Sa saꞌ xchꞌo̱l xban nak la̱at xatcoloc re.

Salmos 3:3

Aban la̱at, at Ka̱cuaꞌ, at inDios, junelic niquina̱col chiru li raylal. Nacaqꞌue inlokꞌal ut nacaqꞌue xcacuil inchꞌo̱l.

2 Samuel 22:2

Li Ka̱cuaꞌ, aꞌan li na-iloc cue. Aꞌan li nacoloc cue. Chanchan jun sako̱nac bar nincol cuiꞌ cuib.

Salmos 89:24

La̱in tinra aꞌan ut tintenkꞌa. Aꞌan ta̱numta̱k saꞌ xbe̱neb li xicꞌ nequeꞌiloc re riqꞌuin li cuanquilal li tinqꞌue re.

2 Samuel 7:16

Junelic teꞌcua̱nk a̱cualal a̱cꞌajol, ut aꞌaneb li teꞌoc chokꞌ rey mokon chi junelic kꞌe cutan. Ut la̱ cuanquil xakxo̱k saꞌ xnaꞌaj chi junelic,” chan li Ka̱cuaꞌ.

2 Samuel 23:1

Riqꞌuin li a̱tin aꞌin quixrak a̱tinac laj David: Aꞌan aꞌin li a̱tin li quixye laj David li ralal laj Isaí. Aꞌin li ra̱tin laj David li quitaksi̱c xcuanquil xban li Ka̱cuaꞌ. Aꞌin ra̱tin li rey li quisiqꞌueꞌ ru xban li Ka̱cuaꞌ, lix Dios laj Jacob. Aꞌan li quixbicha nabal li bich reheb laj Israel.