2 Samuel 22:44 - Li Santil hu

⁴⁴ La̱at xatcoloc cue chiruheb li yo̱queb chi pletic cuiqꞌuin. Ut xina̱qꞌue chi takla̱nc saꞌ xbe̱neb li xni̱nkal ru tenamit. Nequeꞌcꞌanjelac chicuu li toj ma̱jiꞌ ninnau ruheb.

Q'eqchi Bible

⁴⁴ Laa'at xinaakol sa' ruq'eb' lintenamit, xinaaxaqab' chi xjolominkileb' li poyanam; ut a' chik li tenamit li ink'a' innawom ru yo chi k'anjelak chiwu.

2 Samuel 22:44 ပူးပေါင်းရင်းမြစ်များ

Isaías 55:5

Chaqꞌuehak retal. Ta̱bokeb li tenamit li incꞌaꞌ xanauheb chak ru. Ut eb li tenamit, li incꞌaꞌ xeꞌxnau a̱cuu teꞌxic a̱cuiqꞌuin saꞌ a̱nil saꞌ incꞌabaꞌ la̱in, li Dios Santo, lix Dioseb laj Israel li ninqꞌuehoc a̱lokꞌal.—

2 Samuel 3:1

Najt queꞌpletic lix soldados laj Saúl riqꞌuineb lix soldados laj David. Yo̱queb chi cacuu̱c ribeb lix soldados laj David ut incꞌaꞌ chic cau ribeb lix soldados laj Saúl.

2 Samuel 19:14

Ut queꞌxcꞌul xchꞌo̱l li cꞌaꞌru quitakla̱c xyebal reheb xban laj David. Ut chixjunileb li cuanqueb Judá junajeb xchꞌo̱l nak queꞌxtakla resil nak laj David ta̱sukꞌi̱k rochbeneb chixjunileb li nequeꞌcꞌanjelac chiru.

2 Samuel 19:9

Yalak bar saꞌ chixjunil li naꞌajej Israel yo̱queb chixcuechꞌinquil ribeb chi ribileb rib. Yo̱queb chixyebal: —Li rey David coxcol chiruheb li xicꞌ nequeꞌiloc ke. Xoxcol chiruheb laj filisteo. Abanan anakcuan xcanab lix tenamit ut x-e̱lelic chiru laj Absalón xban xxiu.

Deuteronomio 28:13

Li Ka̱cuaꞌ tixqꞌue e̱cuanquil saꞌ xbe̱neb li jun chꞌol chic. Cui te̱ba̱nu le̱ chakꞌrabinquil xban li Ka̱cuaꞌ le̱ Dios li yo̱quin chixyebal e̱re anakcuan, la̱ex junelic texcꞌamok be ut incꞌaꞌ texcana̱k chi ixbej.

Apocalipsis 11:15

Ut li xcuuk ángel quixya̱basi lix trompeta. Ut qui-abi̱c nabal li xya̱b cux saꞌ choxa. Yo̱queb chixyebal chi cau: Anakcuan teꞌcana̱k rubel xcuanquil li Ka̱cuaꞌ chixjunileb li cuanqueb saꞌ ruchichꞌochꞌ. Aꞌ chic li Ka̱cuaꞌ Dios ut li Cristo teꞌtakla̱nk saꞌ xbe̱neb chixjunileb chi junelic kꞌe cutan, chanqueb.

Romanos 15:12

Tzꞌi̱banbil ajcuiꞌ saꞌ li Santil Hu li quixye laj Isaías: Saꞌ xya̱nkeb li ralal xcꞌajol laj David li ralal laj Isaí ta̱cꞌulu̱nk laj Colonel, li xakabanbil xban li Dios. Ut aꞌan ta̱cua̱nk xcuanquil saꞌ xbe̱neb li ma̱cuaꞌeb aj judío. Ut aꞌan li yo̱keb chixyoꞌoninquil. (Isa. 11:10)

Romanos 9:25

Joꞌcaꞌin quixye li Dios joꞌ tzꞌi̱banbil saꞌ li Santil Hu xban laj Oseas: Ta̱cuulak xkꞌehil nak la̱in tinye “cualal incꞌajol” reheb li ma̱cuaꞌeb cualal incꞌajol. Eb aꞌan incꞌaꞌ sicꞌbileb chak ru inban. Anakcuan tinye reheb: “raro̱quex inban”. (Ose. 2:23)

Oseas 2:23

Ut texinqꞌue chi cua̱nc saꞌ li naꞌajej aꞌan ut la̱in tin-osobtesi̱nk e̱re ut ta̱cua̱nk cuiꞌchic li cꞌaꞌru e̱re. La̱in texinra la̱ex, usta quinye nak incꞌaꞌ chic nequexinra nak quinqꞌue e̱cꞌabaꞌ chokꞌ Lo-ruhama. Usta quinqꞌue e̱cꞌabaꞌ chokꞌ Lo-ammi nak quinye nak ma̱cuaꞌex intenamit, la̱in tinye e̱re nak la̱ex chic li cualal incꞌajol. Ut la̱ex te̱ye nak la̱in li Ka̱cuaꞌ le̱ Dios.

Daniel 7:14

Quiqꞌueheꞌ xcuanquilal ut xlokꞌal ut quiqꞌueheꞌ xcuanquil chi takla̱nc re nak chixjunileb li tenamit teꞌcꞌanjelak chiru aꞌ yal chanru li ra̱tinoba̱leb. Ut lix lokꞌal ut lix cuanquilal li jun aꞌan incꞌaꞌ ta̱osokꞌ. Cua̱nk ban chi junelic.

Isaías 65:1

Li Ka̱cuaꞌ quixye: —Eb li tenamit li incꞌaꞌ nequeꞌxcꞌoxla insicꞌbal xineꞌxtau. Eb li tenamit li incꞌaꞌ queꞌtzꞌa̱man chicuu xineꞌxtau. Ut la̱in quinye “cueꞌquin” reheb li tenamit li ma̱ jun sut queꞌxya̱ba lin cꞌabaꞌ.

Isaías 60:12

Teꞌsachekꞌ ruheb li tenamit ut eb lix rey li incꞌaꞌ teꞌcꞌanjelak che̱ru. Teꞌsachekꞌ chi junaj cua.

Salmos 110:6

Li Ka̱cuaꞌ ta̱rakok a̱tin saꞌ xbe̱neb chixjunileb li tenamit. Nabaleb li teꞌcamsi̱k ut teꞌcanaba̱k aran. Ut tixsach ruheb li nequeꞌcꞌamoc be saꞌ li xni̱nkal ru tenamit yalak bar saꞌ ruchichꞌochꞌ.

Salmos 18:43

La̱at xatcoloc cue chiruheb li yo̱queb chi pletic cuiqꞌuin. La̱at xina̱xakab chi takla̱nc saꞌ xbe̱neb chixjunileb li tenamit ut nequeꞌcꞌanjelac chicuu li toj ma̱jiꞌ ninnau ruheb.

Salmos 2:8

Tzꞌa̱ma cue ut tinqꞌue a̱cue re nak ta̱cue̱chani chixjunil li tenamit. Ut tinkꞌaxtesi saꞌ a̱cuukꞌ chixjunil li ruchichꞌochꞌ.

2 Samuel 20:22

Ut li ixk quixserakꞌi reheb li cuanqueb saꞌ li tenamit cꞌaꞌru us xba̱nunquil. Queꞌxcamsi laj Seba li ralal laj Bicri ut queꞌxcut lix jolom jun pacꞌal li tzꞌac cuan cuiꞌ laj Joab. Ut laj Joab quixya̱basi lix trompeta re nak teꞌxcanab pletic ut chixjunileb li cuanqueb rochben queꞌco̱eb saꞌ li rochocheb. Ut laj Joab co̱ Jerusalén riqꞌuin li rey David.

2 Samuel 5:1

Queꞌco̱eb Hebrón chixjunileb li xte̱paleb laj Israel re nak teꞌa̱tinak riqꞌuin laj David. Ut queꞌxye re: —La̱at moco jalanat ta kiqꞌuin. La̱o kechꞌalal kib chi kibil kib, chanqueb.

Isaías 55:4

La̱in xinxakaban re aꞌan chi cꞌamoc be chiruheb ut chi takla̱nc saꞌ xbe̱neb li tenamit ut chixcꞌutbal li cua̱tin chiruheb.